ඉන්දිකා රාමනායක

කොරෝනා වයිරසය  පැතීරිම වැළැක්වීම වෙනුවෙන් හුදකලා කර ඇති ප‍්‍රදේශ වල කි‍්‍රයාකාරකම් නිරීක්ෂණය කිරීමේ මෙහෙයුම් කටයුතු වෙනුවෙන් යුද හමුදාව වෙත ඩ්‍රෝන කැමරාවක් සහ උපකරණ කට්ටලයක්  කුඩා හා මධ්‍ය පරිමාන ව්‍යාපාර, ව්‍යවසාය සංවර්ධන සහ කර්මාන්ත හා සැපයුම් කළමනාකරණ අමාත්‍ය විමල් වීරවංශ මහතා විසින් ආරක්ෂික මාණ්ඩලික ප‍්‍රධානි  මෙන්ම යුද හමුදාපති ලුතිනන් ජෙනරාල් ශවේන්දු සිල්වා ප‍්‍රදානය කළ බව යුද හමුදාව පවසයි.

එමෙන්ම රටේ පවතින වත්මන් තත්ත්වය හමුවේ යුද හමුදාව ඉටුකරන ලබන විශිෂ්ට කාර්යභාරය වෙනුවෙන් සිය කෘතඥතාවය පිරිනමමින්  අමාත්‍යවරයා  මෙම උපකරණ  ප‍්‍රදානය කර ඇති අතර  යුද හමුදාව විසින් ඉදිරියේදී සිදු කිරිමට නියමිත සමාජ සත්කාරයන් වෙනුවෙන් සිය සහයෝගය ලබාදෙන බවට  අමාත්‍යවරයා මෙහිදී ප‍්‍රකාශ කළ බවද යුද හමුදාව පවසයි.

පරිත්‍යාග කරන ඩ්‍රෝන කැමරා උපකරණ කොවිඩ් 19 වසංගතය හේතුවෙන් සහ අනාගතයේදී ගුවන් නිරීක්ෂණ ඒකකයක් ලෙස භාවිතා කිරීමට ද යුද හමුදාපතිවරයා අපේක්ෂා  කරයි.