රුසියාවේ කොරෝනා ආසාදිතයන් සංඛ්‍යාව ඉහළ යමින් පැවතියද මොස්කව්හි අඟුලු දැමීමේ සීමා ලිහිල් කිරීමට බලධාරීන් පියවර ගෙන තිබේ.

ඒ අනුව මොස්කව් නගරයේ උද්‍යාන සහ සාප්පු සංකීර්ණ නැවත විවෘත කර ඇති අතර සති නවයකට පසු ප්‍රථම වතාවට එළිමහනේ ඇවිදීමට සහ සීමා සහිතව ව්‍යායාම්වල නිරතරමට අවස්ථාව ලැබී තිබේ.

රුසියාව කොරෝනා වෛරසයේ උච්චතම අවස්ථාව පසුකළ බව ජනපති ව්ලැදිමීර් පුටිං මහතා පසුගිය සතියේ නිවේදනය කළේය.

නව ආසාදිතයින් 9035 දෙනෙකු එරටින් අද වාර්තා වූ අතර අලුතින් වාර්තා වූ මරණ සංඛ්‍යාව 162 කි.

ඒ අනුව රටේ සමස්ත ආසාදිතයන් සංඛ්‍යාව 414,878 දක්වා ඉහළ ගොස් ඇත්තේ ඇමරිකාවට සහ බ්‍රසීලයට පසුව ලොව තුන් වැනියට වැඩිම ආසාදිතයන් සංඛ්‍යාවක් වාර්තා වන රට බවට පත්වීමෙනි.

වෛරසය හේතුවෙන් රුසියාවෙන් මේ වන විට වාර්තා වන මුළු මරණ සංඛ්‍යාව 4855 කි.


-226-

(බීබීසී ඇසුරෙනි)