ජෝර්ජියාවේ ප්‍රථම කොරෝනා මරණය අද(04) වාර්තා වී තිබේ.

මෙලෙස මියගොස් ඇත්තේ 79 හැවිරිදි කාන්තාවක් බව එරට සෞඛ්‍ය අංශ පවසයි.

ඇයට වෙනත් රෝගී තත්ත්වයන් තිබුණු බව ද සඳහන් වෙයි.

කොකේසියාවේ දකුණු දිග පිහිටි රටක් වන ජෝර්ජියාවේ මිලියන 3.7ක ජනගහනයක් වාසය කරන අතර මේ වනවිට කොරෝනා ආසාදිතයින් 157ක් වාර්තා වී තිබේ.

රෝගීන් 28 දෙනෙකු සුවය ලබා ඇත.

ජෝර්ජියාවේ ප්‍රථම කොරෝනා ආසාදිතයා පසුගිය පෙබරවාරි 26 වනදා වාර්තා වූ අතර ඔහු 50 වියැති පුද්ගලයෙකි.

ඔහු ඉරානයේ සිට අසර්බයිජාන දේශ සීමාව හරහා ජෝර්ජියාවට පැමිණ තිබේ.

ආසාදිතයන් දෙදෙනකු වාර්තා වී තිබිය දී පෙබරවාරි 29 දින සියලුම රජයේ පාසැල් වසා දැමීමට ජෝර්ජියාව කටයුතු කළේය.

මාර්තු 16 වනදා වනවිට රෝගීන් 33 ක් වාර්තා වී තිබුණු අතර ජෝර්ජියානු රජය සීමා දැඩි කිරීමට කටයුතු කළේය.

විදේශිකයන්ට ජෝර්ජියාවට ඇතුළු වීම තහනම් කළ අතර වැඩිහිටි පුද්ගලයන්ට සමූහ රැස්වීම් පැවැත්වීම තහනම් කළේය.

රජය විසින් වයිරසය සම්බන්දව ජනතාව දැනුම්වත් කරමින් සියලුම දුරකථන වෙත විශේෂ කෙටි පණිවුඩයක් බෙදා හරිනු ලැබීය.


(රොයිටර් පුවත් ඇසුරිණි - 085)