2025 පෙබරවාරි මස 14 වන සිකුරාදා
කෝවිඩ්-19 යනුවෙන් නම් කර ඇති නව කොරෝනා වයිරසයේ ව්‍යාප්තිය වැළැක්වීමේ සටනට සහාය වීම සඳහා විපක්ෂයේ මන්ත්‍රීවරයකු නව සෞඛ්‍ය අමාත්‍යවරයා ලෙස පත් කිරීමට නෙදර්ලන්ත අග්‍රාමාත්‍ය මාර්ක් රට ඉකුත් දා පියවර ගත්තේය.
නෙදර්ලන්තයේ කම්කරු පක්ෂයේ මන්ත්‍රීවරයකු වන හෙතෙම මීට පෙර එම පක්ෂය බලයේ සිටින විට සෞඛ්‍ය අමාත්‍ය ධුරය හෙබවීය. ගෝලීය වසංගතයක් බවට පත්ව තිබෙන නව කොරෝනා වයිරසයේ ව්‍යාප්තියත් සමඟ වයිරසය නෙදර්ලන්තය තුළ පැතිර යෑම වැළැක්වීම සඳහා මාර්ටින් වැන් රයින් පත් කරන බව නෙදර්ලන්ත අග්‍රාමාත්‍යවරයා ප්‍රකාශ කළේය.
ඒ අනුව තාවකාලිකව ඔහු එම අමාත්‍ය ධුරයට පත් කර ඇති අතර එම අමාත්‍ය ධුරය ‘වෛද්‍ය සුවා සේවා’ යනුවෙන් නම් කර ඇතැයි ‘යූරෝනිවුස්’ පුවත් සේවය වාර්තා කළේය.
‘‘ඔහුට සෞඛ්‍ය ක්ෂේත්‍රය ගැන වසර ගණනාවක අත්දැකීම් තියෙනවා. ඔහු සෞඛ්‍ය අමාත්‍යාංශයත් හොඳින් දන්නවා’’ යැයි නෙදර්ලන්ත අග්‍රාමාත්‍ය මාර්ක් රට ට්විටර් පණිවුඩයක් නිකුත් කරමින් සඳහන් කළේය.
නව කොරෝනා වයිරසයෙන් රට ආරක්ෂා කරගැනීම සම්බන්ධයෙන් ඉකුත් සතියේ නෙදර්ලන්ත පාර්ලිමේන්තුවේදී විවාදයක් පැවැත්විණි. එහි ඇති වූ අධික විඩාව නිසා බෲනෝ බෘයින්ස් සෞඛ්‍ය අමාත්‍ය ධුරයෙන් ඉල්ලා අස්විය. අග්‍රාමාත්‍ය මාර්ක් රට, මාර්ටින් වැන් රයින් නව සෞඛ්‍ය අමාත්‍යවරයා ලෙස පත්වීමට තීරණය කළේ ඉන් පසුවය.
අග්‍රාමාත්‍යවරයාගේ මෙම තීරණය නෙදර්ලන්ත පක්ෂ විපක්ෂ දේශපාලනඥයන්ගේ ඇගයීමට ලක්ව තිබේ.
‘‘මේ දුෂ්කර අවස්ථාවේදී ඉදිරියට එන සියලු දෙනා අගයන්න ඕනෑ’’ යැයි ද කම්කරු පක්ෂයේ නායක ලුඩවයික් ආෂර් ට්විටර් පණිවුඩයක් නිකුත් කරමින් සඳහන් කළේය.
‘‘ජාතික සෞඛ්‍ය අර්බුදයක් තියෙනව වෙලාවක, ඔබ ඔබට පුළුවන් සෑම අවස්ථාවකදීම උදව් උපකාර කළ යුතු’’ යැයි ද ඔහු කීවේය.
මාර්ටින් වැන් රයින් නව සෞඛ්‍ය අමාත්‍ය ධුරයට පත් කිරීම සුදුසුම පියවරක් යැයි ද ඒ සඳහා නියම සුදුස්සු ඔහු යැයි ද තවත් බොහෝ පිරිසක් පක්ෂ විපක්ෂ බෙදීමකින් තොරව පවසා තිබුණු අතර අග්‍රාමාත්‍යවරයාගේ තීරණය වැඩිදුරටත් අගයා තිබිණි.
යූරෝ නිව්ස් ඇසුරිනි
ඡායාරූප ඒ.එෆ්.පී. සහ ඒ.එන්.පී.
055
එක්ස්.ඊ.සී ලෙස නම් කර ඇති දෙමුහුම් කොවිඩ් ප්‍රභේදයක් යුරෝපයේ රටවල් පුරා ශීඝ්‍රයෙන් ව්‍යාප්ත වෙමින් තිබෙන බවත් ඉතාමත් ඉක්මණින් එක්ස්.ඊ.සී ප්‍රධාන ප්‍ර
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්‍රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්‍රභේදයක්, මේ වනවිට, එක්සත් රාජධානිය පුරා ව්‍යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.
2025 පෙබරවාරි මස 07
167
0
ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM
2025 ජනවාරි මස 08
920
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
කෝවිඩ් 19 මඬින්න නෙදර්ලන්තයේ සෞඛ්‍ය ඇමති විපක්ෂයෙන්
Dilan Wednesday, 25 March 2020 09:00 AM
අපිත් සජිත් පත් කරමුකෝ.
Athula Gunasena Wednesday, 25 March 2020 10:16 AM
නැහැ, රාජිත පත් කරමු. තව නැව් 4 විතර ගන්න පුළුවන්නේ.
siri Wednesday, 25 March 2020 10:24 AM
ඒ ඉතින් නෙදර්ලන්තයෙනේ. අපේ රටේ තියෙන්නේ සංදර්ශන මඟින් මේ බිහිසුණු වසංගතය පාලනය කිරීමේ වැඩසටහනක්නේ. සෞඛ්‍යය සේවාවේ ත්‍රිවිධ හමුදා සහ පොලිසියේ මිහිපිට දෙවිවරු නොහිටින්න සංදර්ශන තියන එකත් කරගන්න බැරිවෙන තත්වයක්නේ අපේ රටේ තියෙන්නේ. කොරෝනා ආසාධිතයින් සියය දක්වා වැඩිවෙද්දී "යහමින් මුදල් වියදම් කරන වැඩක් පටන් ගන්න යෝජනා උනා විතරයි මෙන්න බොලේ රජයේ කිසිදු තනතුරක් නැති,කොරෝනාවට බයේ පසුගිය දිනවලදී ගෙදරටම වී නිරෝධායන වෙමින් සිටි රටේ පුරවැසිභාවය වත් නැති කෙනෙක් ගිඩිස් ගාා කාර්ය සාධක බලකායක ලොක්කෙක් වෙලා කියන්නනකෝ. අනේද කියන්නේ......
Rasika PeadeepWednesday, 25 March 2020 12:03 PM
කාගේ දරුවෝද මන්ද මෙයාල. ලෝකෙම වසංගත බියකින් වෙලාගෙන තියෙන වෙලාවටත් සත පහකටවත් වැදගත්කමක් නැති කාලකන්නි දේශපාලන කුහකත්වය වපුරනවා. මේ ටිකෙවත් මනුස්සයෙක් විදියට හැසිරෙන්න මහත්තයෝ. මගේ රටට තෙරුවන් සරණයි.
Warnakulasuriya Wednesday, 25 March 2020 10:30 AM
අපේ රටේ මේ වගේ තත්ත්වයක් කිසිදවසක ඇති වන්නේ නැත. පසුගිය දිනවල විපක්ෂය ඇඩුවා ඒ අයට සහයෝගයක් දැක්වීමට ආරාධනයක් නැති එක ගැන. දැනට අපේ සෞඛ්‍ය අංශවල කැපවීම අගය කළ යුතුව තිබුණත් වර්තමාන ඇමතිනීගේ ක්‍රියාකාරීත්වය සැහීමකට පත්විය නොහැකියි. අඩුම තරමේ වෛද්‍ය රමේෂ් පතිරණ මහතා වැන්නෙක් මේ මොහොතේ මේ තනතුර දැුවේ නම් වඩා සුභදායකය. කැපිපෙනෙන ක්‍රියාකාරීත්වයක් තුණ මහතුන්ගෙන් බලාපොරොත්තු විය හැකියි.
Raveendra Wednesday, 25 March 2020 10:40 AM
Dilan මයා වෙත, ඔව් ඔව් එක බොහොම හොද අදහසක් මොකද සජිත් ගොයියටත් මේ වෙලාවේ එල්ලෙන වැලේ වැල් නැතිව ඉන්න නිසා ඒ අවස්තාව දෙමු . කට ඇරියොත් මිනිසුන්ව සිනහ ගන්වන සුළු ඉතා නො.." වටිනා " නො..වැදගත් කතානේ කියන්නේ. එක හොදයි මිනිස්සුන් මේ දවස්ටිකේ ඉන්නේ කිසිම කවටයෙක්ගේ" හාරත" මුනක්වත් නොදැකපු එකේ .
jayath Wednesday, 25 March 2020 10:44 AM
සජිත් හරියන්නේ නැහැ. එයා බයිලා කියල නාගත්තා වගේ නාගනීවී. හිටපු කෙනා ඊට වඩා හොඳ නැත්ද ?
Sujeewa Wednesday, 25 March 2020 12:31 PM
අපි ඇත්ත ඇති සැටියෙන් දකිමු. අපේ විපක්ෂයේ ඉන්න මොන දේශපාලකයාද අද ඉන්න සෞඛ්‍ය ඇමතිතුමියට වඩා දක්ෂ? සෞඛ්‍ය ක්ෂේත‍්‍රයේ සෑම වුර්තිකයෙක් සමගම රණ්ඩු වූ, බෙහෙත් කාපු පරාජිතද? ඖෂධ ගැන නොදන්නා දේ කතා කරනා දොස්තර සජිත් බේබිද? මොන බැනුම් බැන්නත්, රනිල් වික්‍රමසිංහට නම් දුන්නොත් කරයි. නමුත් එයා ගන්නේ නැනේ ඇමතිකමක්. අනික, අද රජය, හමුදාවේ සහ සෞඛ්‍ය සේවාවේ සහභාගිත්වයෙන් - ඉතාමත් අගනා සේවයක් කරනවා. හොරුන්ව නම් ගාවගන්න එපෝ ! .... හැම එකෙන්ම කොමිස් ගහන්න නම් දක්ෂයි.
chanaka Thursday, 26 March 2020 01:54 AM
ජනාධිපති ගෝඨාභය තුමා සමග හොරුන්ට ඉඩ නැත. හොරුන් කකියනවා ඇත. අනේ මම ඔය කොතැනක හරි හිටියනම් කියා....