නව කොරෝනා වයිරස් (කොවිඩ් -19) තර්ජනයට එරෙහිව පාකිස්තානය ගෙන ඇති පියවර 'කාලෝචිත' සහ 'හොඳම ජාතික ප්‍රතිචාර වැඩසටහන' ලෙස ලෝක සෞඛ්‍ය සංවිධානය (WHO) පවසයි.

පකිස්ථානයේ ලෝක සෞඛ්‍ය සංවිධාන ප්‍රධානී ආචාර්ය පාලිත ගුණරත්න මහිපාල මහතා කරච්චි නුවර විවිධ රෝහල්වල සහ පරීක්ෂණාගාරවල සංචාරය කරමින් මාධ්‍ය අමතමින් මෙසේ පැවසීය.

“වෙනත් රටවල වෛරසය ව්‍යාප්ත වෙමින් පවතින අවස්ථාවක පාකිස්තානය වෛරසය වළක්වාලමින් සිටීම ප්‍රශංසනීයයි. ” 

වෛරසයට පළාත් පාළන ආයතන වල සූදානම තක්සේරු කිරීමට සහ විවිධ රෝහල්වල පිහිටුවා ඇති හුදකලා ඒකක පරීක්ෂා කිරීමට සඳහා මහීපාල මහතා කරච්චි ඇතුළු නගර කිහිපයක සංචාරයේ යෙදුනේය.

පකිස්ථානයේ ඊයේ(14) වනවිට කොරෝනා වෛර ආසාදිතයන් 31ක් වාර්තා වී තිබිණි.

නව ආසාදිතයන් පිළිබඳව සුපරීක්ෂාකාරීව විමසිල්ලෙන් සිටින ලෙස සහ පරීක්ෂණ පහසුකම් පුළුල් කරන ලෙස ලෝක සෞඛ්‍ය සංවිධානය එරට රජයෙන් ඉල්ලා ඇත. 

මේ වන විට පාකිස්තානයට රෝග විනිශ්ච සඳහා පරීක්ෂණාගාර 7 ක් ඇති අතර ඒවා පරීක්ෂණ 15,000 ක් පැවැත්විය හැකිය. 

නමුත් සැක සහිත රෝගීන්ගේ සංඛ්‍යාව ඉහළ ගියහොත් තවත් රෝග විනිශ්චය කිරීමේ පහසුකම් අවශ්‍ය වන බවත් ඉරානයෙන් පැමිණෙන බවට සැක කෙරෙන පුද්ගලයින් පරීක්ෂා කිරීම සහ රෝග විනිශ්චය කිරීම සඳහා පියවර ගෙන ඇති බවත් සඳහන් වේ.

කොවිඩ් -19 වසංගතයේ බරපතලකම අවධාරණය කරමින් මහීපාල හේරත් මහතා  කියා සිටියේ දකුණු කොරියාව, ඉතාලිය වැනි දියුණු සෞඛ්‍ය පද්ධති ඇති රටවල් පවා කොවිඩ් -19 පාලනය කිරීමට අපොහොසත් වී ඇති බවයි. 

පාකිස්තාන බලධාරීන් මෙම තර්ජනයට කාලෝචිත ලෙස ප්‍රතිචාර දැක්වූ අතර එහි ප්‍රතිඵලයක් ලෙස වෛරසය රට තුළට ඇතුළු වීම පමා වූ බවද හෙතෙම සඳහන් කළේය.

(විදෙස් මාධ්‍ය ඇසුරිණි - 085)