(ඉන්දිකා රාමනායක)

ඇදිරි නීතිය උල්ලංඝනය කිරීම සම්බන්ධයෙන් මේ දක්වා දිවයින පුරා සැකකරුවන් 34,500 ට අධික පිරිසක් අත්අඩංගුවට ගෙන ඇති බව පොලිස් මාධ්‍ය ප‍්‍රකාශක  පොලිස් අධිකාරි  ජාලිය සේනාරත්න මහතා පැවසීය.

මෙම කාලය තුළ වාහන 8800 ක ප‍්‍රමාණයක් අත්අඩංගුවට ගත් බවද හෙතෙම කියා සිටියේය.

ඉකුත් මාර්තු මස 20 වැනි දින සිට මේ දක්වා මෙම  පිරිස අත්අඩංගුවට  ගෙන ඇත.

ගත වු පැය 24 කාලය තුළ පමණක් ඇදිරි නීතිය උල්ලංඝනය කළ පුද්ගලයන් 650 දෙනෙකු අත්අඩංගුවට ගෙන ඇති අතර වාහන 168 ක ප‍්‍රමාණයක් ද පොලිස් බාරයට ගත් බවද  ජාලිය සේනාරත්න මහතා  කියා සිටියේය.

මෙම සැකකරුවන් සම්බන්ධයේ   නෛතික කි‍්‍රයා මාර්ග ගැනීම සදහා ඉදිරියේ නීතිපති උපදෙස්  ලබා ගැනීමට බලා පොරොත්තු වන බවද පොලිස් මාධ්‍ය ප‍්‍රකාශකවරයා වැඩිදුරටත් කියා සිටියේය.