2023 අප්‍රේල් මස 02 වන ඉරිදා
ඇදිරිනීති බලපත්ර ක්රමවේදය 30 න් අවසන්
ඉන්දිකා රාමනායක
නව ඇදිරීනීතිය බලපත්ර කි‍්‍රයාත්මක කිරීමේ ක්රමවේදය අප්‍රෙල් මස 30 දිනෙන් අවසන් කිරීමට නියමිත බව පොලිස් මුලස්ථානය කියයි.
මේ වනවිට අත්‍යාවශ්‍ය සේවා සදහා අපේ‍්‍රල් 10 දින දක්වා ලබා දී ඇති ඇදිරිනීති බලපත‍්‍රවල වලංගු කාලය අප්‍රේල් 30 දක්වා දීර්ඝ කර ඇති බවද පොලිස් මාධ්‍ය ප‍්‍රකාශක පොලිස් අධිකාරි ජාලිය සේනාරත්න මහතා පැවසීය.
වරාය, නැව් සමාගම්, රේගුව, ආගමන විගමන, සෞඛ්‍ය, ඛණිජ තෙල්, විදුලි සංදේශ, විදුලිය හා ජල සැපයීම, කෘෂිකර්ම කටයුතු, ලංකා ගමනා ගමන මණ්ඩලය, දුම්රිය සේවා , මහා භාණ්ඩාගාරය, මහ බැංකුව, ඇතුළු රජයේ හා පෞද්ගලික බැංකු, මාධ්‍ය, ආදි රාජ්‍ය හා පෞද්ගලික අංශ මගින් පවත්වාගෙන යන අත්‍යවශ්‍ය සේවා සදහා රාජකාරී/ සේවා හැදුනුම්පත ඇදිරිනීති බලපත‍්‍රයක් ලෙසට භාවිතා කිරිිමට ලබාදුන් අවසරය මෙම මස 30 වැනි දින දක්වා දීර්ඝ කළ හැකි බව පොලිස් මාධ්‍ය ප‍්‍රකාශක වරයා පැවසීය.
