කුඉන්ටෙරෝ වන් දුම්රිය
ප්රහාරක ගුවන්යානයක වේගයට සමානව එනම් පැයට උපරිම කිලෝ මීටර එක්දහස් දෙසීයක වේගයෙන් යා හැකි දුම්රියක්, පසුගියදා ප්රංශයේ ටොලෝසා හිදී අත්හදාබලා ඇත. මෙම අධිවේගී දුම්රිය කුඉන්ටෙරෝ වන් (QUINTERO ONE) ලෙස නම්කර ඇත.
මීටර් තිස්දෙකක් දිග ටොන් පහක් බරැති මෙම අධිවේගී දුම්රියේ කොටස් නිෂ්පාදනය සඳහා ශ්රම පැය විසිඑක්දහසක් ගතවී ඇති අතර, එම කොටස් එකට පිරිවැද්දීම සඳහා තවත් ශ්රම පැය පන්දහසක් වැයවී ඇත. මෙම දුම්රිය එයාර්ටිෆිෂල් (AIRTIFICIAL) නම් පෞද්ගලික සමාගමක් විසින් නිපදවා ඇත.
පෘථිවි ගෝලය මතුපිට ආසන්නයේ ඇති වාතයේ ඝනත්වය, වේගය සඳහා ඇති ප්රධාන බාධකයයි. මෙම ඝන වාත ස්ථරය විනිවිද යාමට අධික බලයක් අවශ්ය වේ. මෙය වැළකීම සඳහා කුඉන්ටෙරෝ වන් අධිවේගී දුම්රිය ගමන් කරන්නේ මුළුමනින් ම වාතය හිස් කරන ලද දැවැන්ත නළ මාර්ගයක් ඔස්සේ ය. මෙම තාක්ෂණය හිපර්ලූප් (HIPERLOOP) නමින් හැඳින්වේ. හිපර්ලූප් තාක්ෂණය අධිවේගී දුම්රිය සඳහා යොදාගැනීමේ යෝජනාව 2013 වසරේ දී මුලින් ම ඉදිරිපත් කරන ලද්දේ “ස්පේස් එක්ස්” ආයතනය හිමිකරු වන එල්ටන් මස්ක් විසින් ය. මෙම තාක්ෂණයෙන් දුම්රිය ධාවනය පීලි මත දුම්රිය ධාවනයට වඩා ආර්ථික වශයෙන් ලාභදායී බව සහතික කෙරී ඇත. .
වාතය ඉවත් කළ නළය
විශේෂ ක්රමවේදයක් මගින් දැවැන්ත නළ මාර්ගයක් තුළ ඇති වාතය සහමුලින් ම ඉවත් කළවිට නළය තුළ නිර්මාණය වෙන්නේ, පෘථිවියේ සිට කි.මී. හැටක් ඉහළ වායුගෝලයේ ඇති ඉතා සරල වායු පීඩනය පමණි. මෙම වායු පීඩනය තුළ ඉතාම අඩු බල සැපයුමකින් අධික වේගයකින් ගමන් කළ හැකි ය.
මෙම දුම්රිය ගමනාරම්භයේ සිට විනාඩි පහක් තුළ උපරිම වේගයට ළඟා විය හැකි වෙන අතර, ඊළඟ නැවතුමට කි.මී. සීයක් තිබිය දී එම වේගයෙන් මිදී වේගය පාලනය කරගත යුතුය. දුම්රිය මුළුමනින්ම පාලනය කෙරෙන්නේ පරිගණකය මගින් ය.
එක්සත් අරාබි එමිරේට්ස් රාජ්යයේ 2020 දී පවත්වන්නට නියමිත එක්ස්පෝ 2020 ජාත්යන්තර ප්රදර්ශනයේ දී මෙම අධිවේගී දුම්රිය ප්රදර්ශන තත්ත්වයෙන් මුලින් ම මහජනයාට දැකගැනීම සඳහා, අබුඩාබි හි මැක්ටොම් ජාත්යන්තර ගුවන්තොටුපොළේ සිට ඩුබායි හි එක්ස්පෝ ප්රදර්ශන භූමිය දක්වා වෙන කි.මී. එකසිය හැටක දුර ප්රමාණය විනාඩි දොළසකින් ගමන් කෙරෙනු ඇත.
කුඉන්ටෙරෝ වන් අධිවේගී දුම්රිය සහ එය ධාවනය සඳහා දැනට එමීර් රාජ්යයේ තනා ඇති හිපර්ලූප් නළ මාර්ගය ජායාරූපයෙන් දැක්වේ.
කණු මත දිවෙන නළ මාර්ගය
කල්ප ගුරුගේ
මිලානෝ, ඉතාලිය.
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලොව වේගවත්ම දුම්රියෙන් මාතර සිට කන්කසන්තුරයට ගමන පැය භාගයෙන්