IMG-LOGO

2025 පෙබරවාරි මස 14 වන සිකුරාදා


ජනතාව මුළාකරන මැතිවරණ පොරොන්දු

ශ්‍රී ලංකාවේ මැතිවරණවලදී ඡන්දදායකයන්ට ලබාදෙන පොරොන්දුවලට ඇත්තේ අපූරු ඉතිහාසයකි. තරමක අතීතයේ දී නිකම් හාල්දීම, හඳෙන් හෝ ගෙනැත් හාල්දීම, ධාන්‍ය රාත්තල් අටක් සතියකට ලබාදීම (මෙය වඩාත්ම ප්‍රසිද්ධියට පත්වූයේ ඇට අට වශයෙනි), ධර්මිෂ්ට පාලනයක් ඇති කිරීම (එය අවසන් වූයේ උතුරේත් දකුණේත් යුදගිනි ඇවිලීමෙනි.) වැනි පොරොන්දු විය. මෑත කාලයේ දී රුපියල් දහස් ගණනින් රජයේ සේවක වැටුප් වැඩි කිරීම, උපාධිධාරීන්ට රැකියා දීම, පොහොර නොමිලයේ දීම, බදු අඩු කිරීම්, තරුණ තරුණියන්ට රැකියා සුලබ කිරීම, විවාහ වන තරුණ යුවළට මිලියනයක මුදල් ලබාදීම වැනි පොරොන්දු තිබිණි.

අගෝස්තු 05 අවසන් වූ මැතිවරණයේ දී හැම පවුලකටම රුපියල් 20,000ක් ලබාදීම, රුපියල් 10,000ක් ලබාදීම, උපාධිධාරීන්ට රැකියා දීම, පොහොර නොමිලයේ ලබාදීම වැනි පොරොන්දු විය.

මේ ආකාරයට ලබාදෙන ඉටුකළ නොහැකි පොරොන්දු ජනතාව රවටන ඇස් බැන්ඳුම් පමණි. මෙවැනි පොරොන්දු බලයට පැමිණි මුල් පැය විසිහතරේදීම ආණ්ඩුවේ ලොක්කන්ට අමතක වෙයි. තමන්ට ඊට වඩා වැඩි වගකීම් පැවැරී ඇති බවට අදහස් පළ කරන මේ බොහොමයක් නායකයන් ඊළඟට සිදු කරන්නේ දුන් පොරොන්දු ඉටු කිරීමට වඩා තමන්ගේ බලය තහවුරු කර ගැනීමට කටයුතු කිරීමය. පොරොන්දු පිළිබඳ මතකය නිතර අවදි කරන රටේ ජනතාව මේ ලබා දී ඇත්තේ කවදාවත් ඉටු නොවන පොරොන්දු බව අවබෝධ කර ගන්නා විට ඊළඟ මැතිවරණයට කාලය පැමිණ තිබේ. යළිත් දේශපාලකයෝ පොරොන්දු නැමැති දිරච්ච ලණු ජනතාවට ලබා දෙති. ජනතාව ද තලු‍ මරමින් මේ ලණු අනුභව කරති. මේ චක්‍රය සැමදාම මෙසේ කරකැවිය යුතුද?

එසේ නොවිය යුතුය. ජාතික මැතිවරණවලදී ඡන්දදායකයන්ට පොරොන්දු ලබාදීම අනවශ්‍ය බව අප කියන්නේ නැත. එහෙත් ලබාදෙන පොරොන්දු ඉටුකළ හැකි, පවතින යථාර්ථයට ආසන්න ඒවා වීම අවශ්‍යය. එසේම රටේ ආර්ථිකය වළපල්ලට ඇද දමන ඒවා නොවිය යුතුය.
 
ප්‍රජාතන්ත්‍රවාදීව බලයට පත්වෙන ලෝකයේ ඕනෑම ආණ්ඩුවක් ජනතාවගෙන් ඡන්දය ලබාගැනීම සඳහා වඩා හොඳ සහ ලාභදායක සේවා පහසුකම් ලබාදෙන බවට පොරොන්දු ලබා දීමට පෙළඹෙයි. ඒ සමඟ බදු සහන ලබාදීම ද තවත් ජනප්‍රිය පොරොන්දුවකි. මෙය ශ්‍රී ලංකාව වැනි සංවර්ධනය වෙමින් පවතින රටවලට පමණක් නොව සංවර්ධිත ධනවත් රටවලට ද පොදු ධර්මතාවකි. එහෙත් ධනවත් රටවලට තමන්ගේ කඳවුරේ රටවල් සමඟ පවතින ආර්ථික සහ දේශපාලනික සබඳතා හේතුවෙන් එවැනි සහන සමාජයට මුදාහැරීම ගැටලු‍වක් වන්නේ නැත. එහෙත් දුප්පත් සහ සංවර්ධනය වෙමින් පවතින අඩු ඒකපුද්ගල ආදායමක් ඇති රටවලට ඒ ආකාරයට ආර්ථික පොරොන්දු ඉටු කිරීමට හැකියාවක් නැත. දරාගත නොහැකි මට්ටමට පත්වන උද්ධමනය, ආර්ථිකයේ කඩාවැටීම සහ ඒ හේතුවෙන් ඇතිවන දේශපාලන අස්ථාවරභාවය අනවශ්‍ය ලෙස සහන ලබාදීමේදී මුහුණදීමට සිදුවන බරපතළ ගැටලු‍ අතර සුලබය. ශ්‍රී ලංකාව ද දැන් දශක ගණනාවක් තිස්සේ මේ ගැටලු‍වල වින්දිතයකු බවට පත්වී සිටී. එයින් ගැලවෙන උපාය මාර්ග දෙසට කිසිදු දේශපාලන පක්ෂයක අවධානය යොමු නොවීම ලොකුම අවාසනාවය.

ඉටුකළ නොහැකි බොරු පොරොන්දු ලබාදීම රටේ ඡන්දදායකයාට දේශපාලන පක්ෂ ලබාදෙන මානසික අල්ලසකි. දිගින් දිගටම සිදුවෙමින් පවතින මේ බැරි පොරොන්දු දේශපාලනයේ එක් අහිතකර ප්‍රතිඵලයක්වී ඇත්තේ රුපියල බාල්දු වීමය. උද්ධමනය පාලනය කරගත නොහැකි මට්ටමකට ඉහළ යාම එහි අනිවාර්ය ප්‍රතිඵලයයි. බලයට පත්වෙන හැම ආණ්ඩුවක්ම මෙහි වරද පටවන්නේ හිටපු ආණ්ඩුවට වීම මෙරට දේශපාලනයේ මහා පොදු සාධකයකි. එහෙත් එයින් රටේ උග්‍ර ආර්ථික ගැටලු‍වට විසඳුම් ලැබෙන්නේ නැත. එකිනෙක ආණ්ඩු මත වරද පැටවීමෙන් ජනතාවගේ දුප්පත්කම අඩුවන්නේ ද නැත. සිදුවන්නේ ආර්ථික අවිනිශ්චිතභාවය තවදුරටත් වර්ධනය වීම පමණි.

බොරු පොරොන්දු දේශපාලනය මගින් ශ්‍රී ලංකාවට සිදුකර ඇති විනාශය පිළිබඳ අපූරු උදාහරණයක් පසුගියදා මෙරට සුප්‍රකට ආර්ථික විශ්ලේෂකයකු විසින් තම ලිපියක සඳහන් කර තිබිණි. ඔහු කියා තිබුණේ තමාට හමුවූ ශ්‍රී ලංකාවේ ප්‍රධාන පෙළේ පුවත්පත් කර්තෘවරයකු තමාගෙන් මෙසේ ඇසූ බවය. ‘‘මගේ සීයාගෙ කාලෙ ශ්‍රී ලංකාව දුප්පත් රටක්. මගේ පියාගෙ කාලයෙත් අපේ රට දුප්පත්. මගේ කාලයෙත් රට තාම දුප්පත්. මගේ දුවගේ පුතාගෙ කාලයෙත් රට දුප්පත් විදියටම තිබේවි. ලංකාවට මේකෙන් ගැලවෙන්න ක්‍රමයක් නැද්ද?’’

මෙයින් ගැලවීමට ඇති එකම උපක්‍රමය පවතින දේශපාලන සංස්කෘතිය වෙනස් කිරීම පමණි. නිකම් වෙනසක් නොව එය උඩු යටිකුරු විය යුතුය. ඒ සඳහා අලු‍ත් ආණ්ඩුව හෝ ඉදිරි පියවර නොගත්තොත් තව වසර 05කට පසුව ද මේ කතුවැකිය මෙසේ ලිවීමට සිදුවන බවට සහතිකය.

 



අදහස් (4)

ජනතාව මුළාකරන මැතිවරණ පොරොන්දු

rana Friday, 14 August 2020 10:14 AM

ඉතා අනර්ඝ කතු වැකියක්, ඇනේ ඔලුවටම පහරක්, සිංහලයාගේ කල්පනා ධාරාවේ විශාල වෙනස්වීමකින් හැර ඔබේ, මගේ සිතිවිල්ල සිදුවන්නේ යැයි සිතිය හැකි නොවේ. මෙයට ප්‍රධාන සාධකය ලෙස මා දකින්නේ අපේ දැනුමේ අඩුපාඩු. මෙම ලිපිය තබාගන්න... 2025දී නැවත අනිවාර්යයෙන්ම වුවමනා වේ.

:       0       62

RaveendraFriday, 14 August 2020 11:30 AM

ඔබගේ අදහස් ඉතාමත්ම නිවැරදි මෙන්ම කාලෝචිතය.. ජනවිඥාණය පිළිබඳව කතාකිරීමේද ලාංකීය ඡන්ද දායකයන් තරම් දැනුමෙන් උසස් මිනිස් කොට්ඨාශයක් මේ තුන් ලෝකෙටම නැති තරම්ය. මක්නිසාදයත් තක්කඩින්, කසිප්පුකාරයන්, කුඩුකාරයන්, බේබද්දන්, මංකොල්ලකරුවන්.. වෙනුවෙන් ඇන කොටා ගනිමින් ඔවුන්ට සුරසැප ලබාදීම පිණිස තම ජීවිතද නැතිකර ගනියි.

:       0       23

sanath Friday, 14 August 2020 10:23 AM

මෙවැනි පොරොන්දු දීම දේශපාලකයින් සිදු කරන්නේ රටේ මිනිසුන්ගේ දුප්පත්කම සහ අනාරක්ෂිත භාවය ප්‍රයෝජනයට ගනිමිනි. මෙවැනි බොරු කියා මිනිසුන්ගේ කර උඩින් ගොස් මහජන නියෝජිතයින් වුවාට පසු ඒ සියල්ල අමතක කර ජනතා බදු මුදලින් සුර සැප විඳීමට පටන් ගනී. ලංකාවේ මිනිසුන් ස්වභාවයෙන් බියගුළු බැවින් මෙවැනි දේට කිසිවක් නොකියා ලැබෙන කටුවක් ලෙවකා සැනසීමට පත්වෙයි.

:       2       20

ABC Sunday, 16 August 2020 03:04 AM

ලංකාවේ ජීවත්වන්නේ ඉල්ලගෙන කන ජනතාවක් වුවත් ඔවුන් මෙතෙක් එය තේරුම් ගෙන නැත. තේරුම් ගන්නේද නැත. සිල්ලර පොරොන්දුවලට රැවටී ඔවුනුත්, රටත් නැතිකර කන්න පිරිසක් ජිවත්වන රටකි. හඳෙන් හාල් සේරු දෙකක් නොමිලයේ ලබාගන්නට බලාපොරොත්තු වූ ජනතාවක් ලංකාවේ එදත් සිටියේය.. අදත් සිටින්නේය.

:       0       0

ඔබේ අදහස් එවන්න

 

 

එසැණ පුවත්

ඇමෙරිකාවේ අරමුදලින් ක්‍රියාත්මක ව්‍යාපෘති දෙකක් නවතයි
2025 පෙබරවාරි මස 13 1015 0

ඇමෙරිකාවේ අරමුදල් මත ක්‍රියාත්මක වූ මෙරට ව්‍යාපෘති දෙකක් සඳහා මුදල් යෙදවීම නතර කිරීමට තීරණය කළ බව රජයේ කාර්යක්ෂමතා දෙපාර්තමේන්තුව(ඩොජ්) පසුගියදා ප්‍


ගිනි අවියත් අරන් පැන්න පී.සීගේ පෙම්වතියගෙන් ප්‍රකාශයක්
2025 පෙබරවාරි මස 13 703 0

ටී 56 ගිනි අවියක් රැගෙන ගොස් ඩුබායි රාජ්‍යයට පලා ගිය පොලිස් කොස්තාපල් වරයාගේ පෙම්වතිය බව කියන නැටුම් ගුරුවරියකගෙන් ප්‍රකාශයක් සටහන් කර ගත් බව ගල්කිස්ස


’’බිල අඩු වුණත් බඩු අඩු වෙලා නෑ’’
2025 පෙබරවාරි මස 13 280 0

රජය විදුලි බිල සියයට 20ත් 30 ත් අතර සංඛ්‍යාවකින් අඩු කළද ඊට සාපේක්ෂව වෙළඳපොළේ අත්‍යවශ්‍ය ආහාර ද්‍රව්‍ය ඇතුළු වෙළෙඳ භාණ්ඩ අඩු කිරීමට පියවර නොගැනීමෙන් තම


තරුණයකුට බොරු චෝදනා එල්ල කළ පොලිසියේ තුනකට වන්දි ගෙවන්න වෙයි
2025 පෙබරවාරි මස 13 763 0

සොරකමක් සම්බන්ධයෙන් පාපොච්චාරණයක් ලබා ගැනීම සඳහා අත්අඩංගුවට ගත් තරුණයකුගේ අත් පා බැඳ එල්ලා අමානුෂික ලෙස පහර දී වධ හිංසාවට භාජනය කොට එම පාපොච්චාරණය ප


අයවැය අවසන් පූර්ව සාකච්ඡාව පැවැත්වෙයි
2025 පෙබරවාරි මස 13 860 0

අයවැය ලේඛනය සකස් කිරීමේ අවසන් පූර්ව සාකච්ඡාවක් ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති කාර්යාලයේදී අද (13) පස්වරුවේ පැවැත්විණි.


රජයේ ගබඩාවට දුන් පළමු වී අස්වැන්න
2025 පෙබරවාරි මස 13 5079 10

වී අලෙවි මණ්ඩල කළ සහතික මිලට අම්පාර දිස්ත්‍රික්කයේ ගොවි මහමතකු අද සවස 5.00 පමණ තම නාඩු වී අස්වැන්න අලෙවි කරමින් මෙවට මහ කන්නයේ පළමු වී තොගය රජයට ලබා දුන්න


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 168 0
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 131 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 920 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site