IMG-LOGO

2023 ජුනි මස 03 වන සෙනසුරාදා


ගිනිගත්හේනෙන් දුන් අධ්‍යාපන සාම්පලය


ආර්ථික අගහිඟකම් හේතුවෙන් පාසල් ගමන අතරමග නතර කළ දියණියන් දෙදෙනකු හා පුතකු සම්බන්ධ අනුවේදනීය පුවත අප පුවත්පත මගින් රටට අනාවරණය කිරීමත් සමග දෙස් විදෙස් පරිත්‍යගශීලි මිනිසුන්ගේ කුළුණුබර නෙත් එම දරු පැටවුන් වෙත යොමුවිය.. එම දරු තිදෙනාගේ අධ්‍යාපන කටයුතු සාර්ථක කර ගැනීමට බොහෝ දෙනෙක් ඉදිරිපත් වී සිටිති. අධ්‍යාපන ඇමැති ජී.එල්. පීරිස් මහතා ද එම දරුවන් තිදෙනා අධ්‍යාපන අමාත්‍යාංශයට කැඳවා මාසිකව ලැබෙන පරිදි මූල්‍යාධාරයක් පිරි නැමූ බව අප පුවත්පත ඉකුත්දා වාර්තා කළේය.

බෞද්ධ දර්ශනයෙන් විකසිත හදවත් ඇති ශ්‍රී ලාංකේය ජාතිය අනෙකාගේ ඕනෑම උපද්‍රවයක දී පිහිටට එයි. තම අාධාරය ඇවැසි ඕනෑම මොහොතක දී ඔවුහු එය නිර්ලෝභීව ප්‍රදානය කරති. එය ආසියාතික ගුණගරුක භාවයේ උත්කර්ෂය වේ. ගිනිගත්හේන ප්‍රාථමික විද්‍යාලයේ ඉගෙනුම ලබන දරු පැටවුන් වෙනුවෙන් මහෝඝයක් සේ රළ ගසා පෙරට ආවේ ඒ මහා කරුණාවන්ත භාවයම වේ.

නිදහස ලැබූ දිනය හා අද දවස අතර පරතරය වසර හැත්තෑ දෙකක් වුවද නිදහසින් පසු පැමිණි ගමන සම්බන්ධයෙන් අපි කවුරුත් තෘප්තිමත් නොවෙමු. අප ගෙවා දමමින් සිටින්නේ 21 වැනි සියවස වුවද විදුලිය නොමැතිව කුප්පි ලාම්පු එළියෙන් රැය පහන් කරන පවුල් හැත්තෑ දෙකකින් සමන්විත ගමක් සම්බන්ධ පුවත වාර්තා වූයේ ඉකුත් සතියේදීය. සිංහරාජ මහා වනාන්තරයට යාබදව පිහිටි ලංකාගම මිනිසුන්ට පාරක් නොමැතිවීම නිසා ඔවුන් ජීවිතය  විඳවන ආකාරය ඉකුත් සමයේ මාධ්‍ය හරහා රටේම කතාබහට ලක්විය. නිවෙසේ සිට කිලෝමීටර් 28ක් එපිටින් පිහිටි පාසල වෙත පා ගමනින් ගොස් ගිය පයින්ම නැවත නිවෙසට පැමිණෙන ඉගෙනීම සඳහා දුෂ්කර ක්‍රියාවක නිරත දූ පුතුන් සම්බන්ධ පුවතක් ද මාධ්‍ය වාර්තාවල සඳහන්ය. ගිනිගත්හේන ප්‍රාථමිකයේ ​​ඉගෙන ගන්නා දරු පැටව් තුන්දෙනා සම්බන්ධ සංවේදී පුවත වාර්තා වූයේ ඔය අතරවාරයේය.

සඳුන් ගැටක් මිටින් අරන් නූපන් දුගී දරුවා  සතු පරම ධනය අධ්‍යාපනය වේ. ජීවිතයේ අතොරක් නැතිව ගලා එන වද වේදනාවලින් මිදී මනුෂ්‍ය ගරුත්වය රැකගෙන ජීවත්වීමට ඇවැසි මහ ධන නිධානය ඇත්තේ අධ්‍යාපනය නැමැති ගමන් මාර්ගයේ පමණි.. එම ගමන බාධා විරහිත විය යුතු වුව ද එය එසේ නොවන බව ඒකාන්ත සත්‍යයකි. ප්‍රශ්නය වන්නේ රටෙන් අඩක් ඒ මහා නරකාදියෙහි පැසවන බව රටෙන් අඩක් නොදැන සිටීමය.

රටකට හුදකලා කාන්තා විමුක්තියක් හෝ ළමා විමුක්තියක් අත්පත් කර ගත නොහැකිය. එය රැඳී පවතින්නේ සමස්ත සමාජ විමුක්තිය මතය. ඒ අයුරින්ම පාසල් අධ්‍යාපනය පමණක් සියයට සියයක් අංගසම්පූර්ණ කළ හැකි නොවේ. එය තීරණය වන්නේ ද මුළු මහත් සමාජ දියුණුව මතය. රටක ඉදිරි ගමන් මග සම්බන්ධයෙන් පොදු න්‍යාය පත්‍රයක් සැලැස්මක් තිබිය යුතු වන්නේ එහෙයිනි. එම න්‍යාය පත්‍රයේ දී පෙරට ගත යුතු අංක තුන්කල් දක්නා ඉසිවර නුවණින් තීරණය කළ යුත්තකි.

අධ්‍යාපනය සඳහා වෙන් කරන මුදල වියදමක් නොවේ. එය ආයෝජනයකි. එය ආයෝජනයක් බවට පෙරළා ගත හැකි වියදමකි. එහෙයින් අධ්‍යාපනය සඳහා නිර්ලෝභීව වියදම් කළ යුතුය. ඒ ගම සහ නගරය යන ප්‍රභේදයෙන් තොරවය.

ගම සහ නගරය යන ප්‍රභේදයෙන් තොරව අධ්‍යාපනය සඳහා වියදම් කළ යුතු වුව ද එය එසේම නොවන බව ද සත්‍යයකි. 80 දශකයේ දී වාර්තා වූයේ කොළඹ සුපිරි පාසලක පිහිනුම් තටාකයක් ඉදිකිරීමට වෙන් කළ මුදලට සමාන මුදලක් මොනරාගල දිස්ත්‍රික්කයේ එක් අධ්‍යාපන කලාපයකට වෙන්කර ඇති බවය. මෙම සමාජ අසහනයට සහ අසාධාරණයට එරෙහිව ‘කොළඹට කිරි - අපට කැකිරි’ යනුවෙන් සටන් පාඨ හඬ නගා කී දරුවෝ  පොලිස් බැරැක්කවල හමුදා වධකාගාරවල දෙතිස් වධයට ගොදුරුව සීතල සිමෙන්ති පොළොව ලෙයින් තෙත් කරමින් අකාලයේ මරු වසඟයට ගියහ.

අධ්‍යාපනයේ සමානාත්මතාව වඩාත් වැදගත් වන්නේ එහෙයිනි. එහෙත් අධ්‍යාපනයේ තරම් පන්ති බේදය වෙනත් ක්ෂේත්‍රයක දැකිය නොහැකි තරම්ය. එම ක්‍රමය තුළ දරුවා උස් මහත්වන්නේ මුළුමහත්  සමාජයටම වෛර කරන මනසින්ය. තරුණ කැරැලි අවි අතට ගැනීම් හේතු රහිතව සිදු නොවන්නක් බව අවධාරණය විය යුත්තේ එහෙයිනි.

ගිනිගත්හේන ප්‍රාථමිකයේ ඉගෙන ගන්නා දරු පැටවුන් තිදෙනා මෙරට ඉගෙන ගන්නා බහුතරයක් දරු පැටවුන්ගේ ඉරණම සම්බන්ධ සාම්පලයක් බවට පත්කර ගන්නේ නම් මෙරට දරු පැටවුන්ට වඩාත් හොඳ අධ්‍යාපනයක් සහිත ජීවිතයක් නිර්මාණය කිරීමේ වෙහෙසකර ප්‍රයත්නයට එය කදිම ආරම්භයක් වනු ඇත.

(***)



අදහස් (3)

ගිනිගත්හේනෙන් දුන් අධ්‍යාපන සාම්පලය

Raveendra Thursday, 24 September 2020 07:07 AM

කතුවැකිය මගින් සමාජයේ දරිත්‍රතාවය හා ඇතිහැකි පරතරය පිලිබදා පොලවේ පය නිසිලෙස තබාගෙන විග්‍රහ කර ඇති ලිපියක් බව සදහන් කරන්නෙමු. එලෙසම මිලකළ නොහැකි අනාගත ආයෝජනය නොහොත් අධ්‍යාපනය වෙනුවෙන් මෙතෙක් බලයට පත්වූ කිනම් රජයක් නිසිලෙස එම ආයෝජනය කලේද යන්න ගැටලුවකි..

:       1       12

Champa Thursday, 24 September 2020 01:16 PM

හොඳ කතුවැකියක්. නමුත් කොච්චර ලිව්වත් වැඩක් නැහැ. පාලකයින් මේ ප්‍රශ්නය තේරුම් ගන්නේ නැත්නම්... උදාහරණයක් විදිහට අධ්‍යාපන ඇමතිවරයා ගිනිගත්හේන අසරණ පාසල් දරුවන්ට පෞද්ගලිකව මුදලක් දුන්නු එක හොඳයි. නමුත් ඇයි ඔහු හිතන්නේ නැත්තේ ලංකාවේ ඉන්න සියලු අසරණ පාසල් දරුවන් වෙනුවෙන් දීර්ඝ කාලීන ක්‍රමයක් හදන්න? හැමදාම මෙහෙම ප්‍රවෘත්ති දැක්කාම උණුවෙන හිත් තියෙන ගුණවත් මිනිස්සු උදව් කරනවා. හැබැයි පාලකයන් නොදැක්කා වගේ ඉන්නවා. ලංකාවට වෙලා තියෙන ප්‍රශ්නේ කිසිපිළිවෙලක් නැහැ වැඩ... හැම ප්‍රශ්නයටම ඒ ඒ වෙලාවට උත්තර දෙනවා. එච්චරයි. පත්තරේ වැටෙන්නේ නැති අසරණ පාසැල් දරුවන් වෙනුවෙනුත් යමක් කළ යුතුයි කියලා හැමෝටම හිතන්න, මේ කතුවැකිය හොඳ ආරම්භයක්...

:       0       6

Champa Thursday, 24 September 2020 01:36 PM

මෙහි සඳහන් ලංකාගමට කපන පාර ගැනත් කියන්න හිතුවා. සිංහරාජය හරහා පාරක් කපන්න ගත්තේ මේ ආණ්ඩුව නෙමෙයි. යහපාලන ආණ්ඩුව. හේතුව සංචාරකයන් වෙනුවෙන්. ඒ ගොල්ලෝ පටන් ගත්තේ ඒ බව කෙලින්ම කියලා. මේ පාර කිසි ලෙසකින්වත් ලංකාගම මිනිස්සුන්ගේ දුක දැකලා හදන්න පටන් ගත්ත පාරක් නෙමෙයි. එදා පරිසරවේදීන් සහ පරිසරයට පණ වගේ ආදරය කරන සිංහලයින් විරුද්ධ වෙලා සිංහරාජය හරහා පාර කැපීම නවත්ත ගත්තා. ඊට පස්සේ මේ ආණ්ඩුව ඇවිත් නැවත පටන් ගත්තා. එදා වගේම පරිසරවේදීන් විරෝධය දක්වන කොට, කිව්වා පාර හදන්නේ ලංකාගම අසරණ මිනිස්සු වෙනුවෙන්ලු. ඒක බොරුවක්. යහපාලනය වගේම ඩෝසර් ආණ්ඩුවත් මේ පාර කපන්නේ සංචාරකයන් වෙනුවෙන් මිසක් ලංකාගම වැසියන් වෙනුවෙන් නෙමෙයි. ඇත්තටම ලංකාගම මිනිස්සු වෙනුවෙන් නම්; ඉස්සෙල්ලා බලන්න ඕනේ ඇයි ලංකාගමට මෙහෙම පාරක් අවශ්‍ය කියලා. හේතුව කියලා තිබුනේ වටේ පාරෙන් රෝහලට සහ පාසැලට යන එක අමාරුයි කියලා. එහෙනම් කරන්න ඕනේ සිංහරාජය වගේ අති දුර්ලභ ලෝක උරුමයක් විනාශ කරන එක නෙමෙයි, පවුල් 700ක් ඉන්න ලංකාගමට පාසලක් සහ රෝහලක් හදලා දෙන එක. ඔච්චර සරල දෙයක් හිතන්න බැරිද? හේතුව මේ පාර ඇත්තටම ලංකාගම මිනිස්සු වෙනුවෙන් නෙමෙයි.

:       2       7

ඔබේ අදහස් එවන්න

එසැණ පුවත්

ලෝක බැංකුව ඩොලර් මිලියන 450ක ආධාරයක් අනුමත කරයි
2023 ජුනි මස 03 24 0

ලෝක බැංකුවේ කොන්දේසි ලිහිල් කර ගනිමින් ආධාර මුදලක් ඉල්ලීමට තිබූ අවසන් තත්පරයේ දී අදාළ ලේඛන ඉදිරිපත් කොට ඩොලර් මිලියන 450ක ආධාරයක් අනුමත කර ගැනීමට හැකිව


කොන්ත්‍රාත්කරුවන්ගේ හිඟ වාරික සියල්ල ගෙවයි
2023 ජුනි මස 03 154 0

රජය සමඟ එක්ව වැඩ කරන කොන්ත්‍රාත්කරුවන් සියලු දෙනාට ගෙවීමට තිබූ හිඟ වාරික සියල්ල ගෙවා අවසන් කිරීමට රජය සමත්වූ බව ජනාධිපති කාර්ය මණ්ඩල ප්‍රධානී සාගල රත


මිහින්තලේ පුදබිම ඒකා ලෝක වේ
2023 ජුනි මස 02 476 0

ඓතිහාසික මිහින්තලා පුදබිම විදුලි ආලෝකයේ ඒකා ලෝව විය. පොසොන් පොහොය නිමිති කොට අද සිට දින පහක් පුරා මෙම අලෝක පූජව ඇතුළු පිංකම් රැසක් පැවැත්වීමට කටයුතු ය


ලංකාදීප ආලෝක පූජාවෙන් තන්තිරිමලේ ආලෝකමත් වෙයි
2023 ජුනි මස 02 184 0

සීමාසහිත විජය පුවත්පත් සමාගම මගින් වාර්ෂිකව සංවිධානය කරන ඓතිහාසික තන්තිරිමලේ පොසොන් ආලෝක පූජාව, 20 වැනි වරටත් තන්තිරිමලේ රජ මහා විහාරයේ දී අද (2) ආරම්භ


සා.පෙළ සිසුවාගේ යටි බඩෙන් ලේ එන්න පහරදීලා
2023 ජුනි මස 02 1219 1

අපොස සාපෙළ විභාගයට පෙනී සිටී පානදුර ජනප්‍රිය පාසලක සිසුවෙකුගේ යටි බඩට පයින් පහරදීමෙන් මුත්‍රා මාර්ගයෙන් රුධිරය වහනයවි රෝහල් ගතකර ඇතැයි පානදුර දකුණ


රජය ජනතාව මර්ධනය කරනවා
2023 ජුනි මස 02 180 0

බංකොලොත් භාවයෙන් ගොඩ ඒමට ආර්ථිකය වර්ධනය කරනවා වෙනුවට වත්මන් රජය වෙනුවට ජනතාව මර්ධනය කරමින් සිටින බව විපක්ෂ නායක සජිත් ප්‍රේමදාස මහතා ප්‍රකාශ කළේය.


මේවාටත් කැමතිවනු ඇති

ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක දැවැන්ත බදු පෙර ලාභයක් වාර්තා කරයි 2023 මැයි මස 29 171 0
ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක දැවැන්ත බදු පෙර ලාභයක් වාර්තා කරයි

මැයි 23, 2023 - කොළඹ දී. දේශයේ රක්ෂකයා ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක බදුපෙර ලාභයක් සහ රු. බිලියන 41.2 ක ඒකාබද්ධ රක්ෂණ වාරික අදායම් අගයක් වාර්තා

ආබාධිත පුද්ගලයින් සමාජගත කිරීම සඳහා අපි වඩාත් ක්‍රියාකාරී විය යුතුයි 2023 මැයි මස 26 1109 1
ආබාධිත පුද්ගලයින් සමාජගත කිරීම සඳහා අපි වඩාත් ක්‍රියාකාරී විය යුතුයි

ආබාධිත තත්ත්වයන් හේතුවෙන් වෙනස්ව සැළකීම හා සබැඳි කථිකාවන් වෙනස් කිරීම තුළින් ඒ පිළිබඳව ඇති අපකීර්තිය වෙනස් කිරීම පිණිස Linea Aqua සමාගම හා එක්ව, ආබාධිත පුද්

ශ්‍රී ලාංකික සිසුන්ට 1+2 සුදුසුකම් සමග ජීව වෛද්ය විද්‍යා උපාධිය (ව්‍යාධිවේදය පිළිබඳ විශේෂ) දක්වා අධ්‍යාපනය හැදෑරීමට පහසුකම් සැලසීම සඳහා Amrak වෛද්ය විද්‍ය 2023 මැයි මස 23 628 0
ශ්‍රී ලාංකික සිසුන්ට 1+2 සුදුසුකම් සමග ජීව වෛද්ය විද්‍යා උපාධිය (ව්‍යාධිවේදය පිළිබඳ විශේෂ) දක්වා අධ්‍යාපනය හැදෑරීමට පහසුකම් සැලසීම සඳහා Amrak වෛද්ය විද්‍ය

කොළඹ ඩර්ඩන්ස් රෝහලේ අධ්‍යාපනික අංශය වන Amrak වෛද්‍ය විද්‍යා අධ්‍යාපන ආයතනය, පසුගියදා ඕස්ට්‍රේලියාවේ ප්‍රමුඛතම විශ්ව විද්‍යාලයක් වන සිඩ්නි තාක්ෂණ

Our Group Site