IMG-LOGO

2025 නොවැම්බර් මස 07 වන සිකුරාදා


සරා ගොයියා මොඞ්වෙලා ගෑස් සිලින්ඩරයක් අරන් දුවලා

(මෝදර සී. ඉග්නේෂස් ඇන්තනී)

ගෙවල්වල වැඩ කරමින් කීයක් හරි මුදලක් හොයාගෙන ජීවත්වන මෝඩපහේ පුද්ගලයකුගීතයක කොටසක් මුල්කරගෙන කළ ප්‍රකාශයකට පොලිස නිලධාරීන් දෙදෙනකු අන්දුන් කුන්දුන් වූ පුවතක් කොළඹට නුදුරු ප්‍රදේශයකින් වාර්තා විය.

ඔහු අවුරුදු 45ක් පමණ වයසැති අයෙකි. කාත් කවුරුත් නැති හෙතෙම තනිවම සිටිමින් ජීවත් වන්නේ එදිනෙදා ගෙවල්වල වැඩ කරමින්ය. බොහෝ නිවෙස් හිමියන් ඔහුට ආදරය කරන්නේ කවදාවත් හොරකම් නොකරමින් ඔහු ජීවත් වන නිසාය. ගෙදර දොරේ මෙන්ම කඩපිල්වලට ගොස් බඩු මුට්ටු ගෙනෙන්නේ ද ඔහුය. ඔහු නිවෙස් හිමියන්ගේ විශ්වාසය ද දිනාගෙන ඇත්තේය. දිනක් එක් නිවෙස් හිමියකු ඔහුට මුදල් දුන්නේ හන්දියේ කඬේට ගොස් ගෑස් සිලින්ඩරයක් ගෙන එන්නටය.

ඒ හැන්දෑ වෙලාවක් වූ අතර හතර වටින් කළුවර වී තිබුණේ මහා වැස්සක් ඒමේ සූදානමකින්ය. වැස්ස එන්නට පෙර ඔහු හැකි ඉක්මණින් ගෑස් සිලින්ඩරයක් ගෙන එන්නට කඬේට ගියේය. හන්දියේ කඬේට යා යුත්තේ දෙපසින් කැලෑව වැවුණු අතුරු පාරකිනි. කඬේට ගොස් ගෑස් සිලින්ඩරය රැගෙන ඔහු ආවේ සරම කැසපොට ගසාගෙන දුවන විලාශයෙන්ය. වැහි වලාකුළු බරවී වැස්සක් අත ළඟමය. ඒ වෙලාවේ මාර්ගයේ සංචාරය කරන පොලිස් නිලධාරීහු දෙදෙනෙක් ද ඔහු පසුපසින් පැමිණියහ.

ඒ බව නොදත් මෙම පුද්ගලයා ගෑස් සිලින්ඩරයත් කරේ තබාගෙන අඩියට දෙකට වේගයෙන් දිවයන්නට විය. පසුපසින් ආ පොලිස් නිලධාරීහු ඔහු ගැන ඇති වූ සැකයක් මත ඔහු අල්ලා ගැනීම සඳහා වේගයෙන් දිව ගියහ. පොලිස් නිලධාරීන් කෙසේ හෝ වේගයෙන් දිව ගොස් ඉදිරියෙන් යන පුද්ගලයාට ළංවී කොහේද මේ හැන්දෑවේ සිලින්ඩරයක් කරේ තියාගෙන දුවන්නේ යැයි ඇසීය. මේක කාගෙන් හරි හොරකම් කළා ද කියා පොලිස් නිලධාරීහු නැවතත් ඔහුගෙන් ඇසූහ. ‘අනේ මහත්තයෝ මම ජීවත්වන්නේ ගෙවල්වල වැඩ කරලයි. මම හොරකම් කරන කෙනෙක් නෙමෙයි’ කියා ඔහු පැවසීය. මම දුවන්නේ වැස්සක් එන නිසයි.

මම කරපු හොරකමක් නැහැ යැයි ඔහු කියූවිට ‘ඇයි දිව්වේ’ කියමින් පොලිස් නිලධාරීහු ඔහුට තර්ජනය කළහ. ඔහුට එක පාරටම සරා ගොයියා හරි මිනිහා සින්දුව මතක් වී ‘අනේ මහත්තයෝ දුවන්නත් ලයිසන් ගන්න ඕනෑද’ කියා ඇසීය. ඒ ප්‍රශ්නයෙන් පොලිස් නිලධාරීන්ට කිසිවක් කියාගත නොහැකි විය. එවිටම වැස්සක් කඩා වැටුණි. පොලිස් නිලධාරීහු ද වැස්සේ තෙමි තෙමී යන්නට වූහ.



අදහස් (0)

සරා ගොයියා මොඞ්වෙලා ගෑස් සිලින්ඩරයක් අරන් දුවලා

ඔබේ අදහස් එවන්න

 

 
 

මේවාටත් කැමතිවනු ඇති

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 291 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 2120 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1613 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

Our Group Site