වයඹ පළාතේ පිහිටි එක්තරා ගම්බද පාසලක මුරකරුවකු ලෙස සේවය කරන තම ස්වාමිපුරුෂයා පාසලේ රැුඳී සිටිනවා ද කියා පරීක්ෂා කිරීමට රාත‍්‍රි කාලයේ ඔහුගේ බිරිය පැමිණ සිටි පුවතකි.


එම පාසල නගරයෙන් බැහැර ගම්මානයක පිහිටි පාසලකි. එහි විදුහල්පතිවරයා තරමක දුර බැහැර පදිංචිව සිටි නිසා රාත‍්‍රි කාලයේ එම පාසලේ මුරකරුගේ කටයුතු අධීක්ෂණය කිරීම පැවරී තිබුණේ ඊට යාබද ගමක ජීවත් වූ එම පාසලේ නියෝජ්‍ය විදුහල්පතිවරයාටය.


ඉඩකඩ ලැබෙන සෑම දිනකම රාත‍්‍රි කාලයේ මුරකරු පරීක්ෂා කිරීම සඳහා ඔහු පැමිණෙන අතර පසුගිය දිනක රාත‍්‍රි 10.00ට පමණ පාසල වෙත පැමිණි ඔහුට දක්නට ලැබුණේ මුරකරු සිටින මුර කාමරය පිටුපස කාන්තාවක් එහා මෙහා ගමන් කරන අයුරුය. එහි තරමක අඳුරු ගතියක් පැවති නිසා එම කාන්තාව කවුද කියා හරිහැටි හඳුනා ගැනීමට ඔහුට නොහැකි වුවද නියෝජ්‍ය විදුහල්පතිවරයා හඳුනාගත් එම කාන්තාව ඔහු අසළට පැමිණ ප‍්‍රකාශ කර ඇත්තේ, මෙවැන්නකි.


අනේ සර්, මට සමාවෙන්න රාත‍්‍රි කාලයේ පාසලට ආවට. මම මුරකරුගේ බිරිය. මේ මිනිහා රැට රැට මේ ගමේ වැන්දඹු ගෑනියෙක් ඉන්න ගෙදරකට බඩගානවා කියලා මට ආරංචි වුණා. කීප දෙනෙක්ම මට ඒක කීවා. මේ හොරේ අල්ලන්නයි මේ රැ අපේ මල්ලිත් අඬගහගෙන ආවේ. අද නම් මිනිහා තවම කාමරය ඇතුලේ ඉන්නවා.