(බලංගොඩ විශේෂ - වයි.ඒ.එස්. වීරවංශ, බලංගොඩ - නන්දසේන පිනිදියආරච්චි)

බලන්ගොඩ, උග්ගල් අලුත්නුවර කතරගම දේවාලයේ පෙරහර බලා ආපසු යමින් සිටි තරුණයකු රත්මලවින්න ප්‍රදේශයේ සමන් දෙවියන් වෙනුවෙන් තබා තිබූ පඬුරු පෙට්ටිය කඩා මුදල් සොරාගනිද්දී ප්‍රදේශවාසීන්ට කොටුවිය.


විශාල පිරිසක් කතරගම පෙරහර බැලීමට එක්ව සිටි අතර මෙම තරුණයා පෙරහර බලා යන අතරදී පඬුරු පෙට්ටිය ගලවා ඇත.


අසල්වාසීන් ඒ බව දැක තරුණයා අල්ලා පින්නවල පොලිසියට බාර දී ඇත. විවිධ වංචා ක්‍රියාවන්ට සම්බන්ධ මෙම සැකකරු කලක් තිස්සේ පොලිසිය මඟහරිමින් සිටි පුද්ගලයකු බව හෙලිවී ඇත.
සැකකරු අධිකරණයට ඉදිරිපත් කරන බව පින්නවල පොලිස් ස්ථානාධිපති එස්.පී. සමරතුංග මහතා පැවැසීය.