රත්තරං මාල වළලූ භාණ්ඩ මිලට ගැනීමට වයඹ ප‍්‍රදේශයේ පිටිසර ගම් ප‍්‍රදේශයකට ගිය තරුණ වෙළෙන්ඳන් දෙදෙනකු ගම පුරා රන් භාණ්ඩ සොයා ඇවිද යද්දී විදේශ රටකට ගොස් ආපසු පැමිණි තරුණියක් ළඟ තිබූ රන්මාලයක වටිනාකම දැන ගැනීමේ අදහසින් ඇය එය වෙළෙන්දන්ට පෙන්වා ඇත.

වෙළෙන්දන් රන්මාලය අතට ගෙන ඔවුන් ළඟ තබාගෙන සිටි රන් ආලේපිත බාල වර්ගයේ මාලයක් කොළයක අකුලාදී මෙය දින තුනක් යනතුරු අකුලා තබන මෙන් පවසා තරුණිය ගේ රන්මාලය රැුගෙන යතුරු පැදියේ නැගී වේගයෙන් ගොස් ඇති බව පැවැසේ.

රුපියල් අසූ දාහක් (80,000) පමණ වටිනා රන්මාලය අහිමි කරගත් තරුණිය කරකියා ගතහැකි දෙයක් නොමැතිව කණස්සල්ලෙන් පසුවෙයි.
සිද්ධිය පිළිබඳව රිදීගම පොලිසියට පැමිණිලිකොට ඇතත් මේ දක්වා මාල හොරු සම්බන්ධව කිසිම හෝඩුවාවක් නැතැයි කියති.