IMG-LOGO

2025 ජුලි මස 19 වන සෙනසුරාදා


කෙල්ලන්ට වැඩ පෙන්නන්න ගිය කොල්ලා පෙළවහටත් ඇහැගහලා

උසස් පෙළ අමතර පන්තියකට සහභාගිවීමට ගිය සිසුවියක් කහ ඉර මාරුවෙද්දී සිදුවූ අනතුරක් හේතුවෙන් ඇයට මංගල සීනු හැඬ වෙන්නට ගිය පුවතක් උතුරු මැද පළාතේ ප්‍රසිද්ධ නගරයකින් වාර්තා වෙයි.


මෙවර උසස්  පෙළ විභාගයට සුදානම් වන සිසුවියක්   තම මිතුරියන් පිරිසක් ද සමගින් අමතර පන්තියකට සහභාගිවීම සඳහා නගරයේ කහ ඉරක් මතින් පාර මාරුවෙද්දී යතුරු පැදියක පැමිණි තරුණයෙක් ඈත තියාම සිසුවියන් දුටුවේය. ඔහු‘වැඩ’ පෙන්නන්න සිතා වේගයෙන් කහ ඉර අසලටම පැමිණ යතුරුපැදියේ තිරිංග තද කළත් නිසායාකරව එය ක්‍රියාත්මක නොවීම නිසා යතුරුපැදිය කැරකී සිසුවියකගේ ඇඟේ හැපීමෙන් ඇය බිම  ඇද වැටී කකුලකට සුළු තුවාල සිදුවිය. 


අවට සිටි වැඩිහිටියන්ගේ මැදිහත්වීමෙන්  අසල වූ වෛද්‍ය මධ්‍යස්ථානයට ගොස් සිසුවියට ප්‍රතිකාර ලබාදීමට තරුණයාට සිදු වුවත්  වෛද්‍යවරයා ඉදිරියේ දෙදෙනාම තම අනන්‍යතාව ප්‍රකාශ කිරීම නිසා තරුණයාට සිසුවියගේ තොරතුරු දැනගැනීමට හැකිවිය.


නිවසට ගිය තරුණයා  තම මවට හා පියාට සිද්ධිය පැවසීමෙන් පසු තම පුතුට ඉදිරියේදි යම් කරදරයක් ඇතිවේදෝ සිතා බියට පත් ඔවුහු සිසුවියගේ නිවසට ගොස් ඇයගේ මවුපියන් මුණගැසීමට තීරණය කළහ. අනතුර එතරම් බරපතළ නොවන බවත් ඒ පිළිබඳව කිසිදු නීතිමය ක්‍රියාමාර්ගයක් නොගන්නා බව ඇයගේ පියා ඔවුන්ට දැන්වූවත් සිසුවිය පිළිබඳව ඉතා උනන්දුවෙන් කතාබහ කළ ඔවුන් තමන්ට ඉන්නේ එකම පුතු බවත් පවුලේද  ගැටලු නැති නිසා අවශ්‍යනම් සිසුවියගේ අධ්‍යාපන කටයුතුවලට උදව් කළ හැකි බවත් පවසා එහෙනම් අපි නැවතත් එන්නම් යැයි කියා නිවසින් එළියට බැස්සාහ.


“නෑ...නෑ...අපි ඒවා බලාගන්නම්. ආයෙ මෙහේ නාවාට කමක් නැතැයි සිසුවියගේ පියා පැවසීම නිසා ඒ බලාපොරොත්තුව ද මග හැරී ඔවුන්ට නිවසට පැමිණීමට සිදුව ඇතැයි වාර්තා වෙයි. 
(බුලත්සිංහල  විශේෂ ලක්මි කුඩලිගම)

 



අදහස් (0)

කෙල්ලන්ට වැඩ පෙන්නන්න ගිය කොල්ලා පෙළවහටත් ඇහැගහලා

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 409 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 569 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 234 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site