IMG-LOGO

2025 දෙසැම්බර් මස 19 වන සිකුරාදා


කොරෝනාවට බයවුණ නැන්දම්මාට අනාගත ලේලියගෙන් අපූරු පාඩමක්

(හාරිස්පත්තුවේ මොහොමඩ් ආසික්) 


කොවිඩ් ආසාදනය වීම නිසා සිය පුතු තමන් විවාහ කර ගන්නවාට අකැමැති වූ පෙම්වතාගේ මව කැමැති කර ගන්නට අපූරු කෙමක් කළ පෙම්වතියක පිළිබඳ තොරතුරු කන්ද උඩරට ප්‍රදේශයේ ගම්මානයකින් වාර්තා වෙයි. 

වාර්තා වන අන්දමට සිද්ධිය සැකෙවින් මෙසේය. 

කන්ද උඩරට ප්‍රදේශයේ එක්තරා ප්‍රධාන නගරයකට කිලෝ මීටර 15ක් පමණ දුරින් පිහිටි ගම්මානයක පදිංචි මෙම 25 හැවිරිදි තරුණිය නගරයේ එක්තරා පෞද්ගලික ආයතනයක සේවය කළාය. එම නගරයේම තවත් පෞද්ගලික ආයතනයක සේවය කළ 28 හැවිරිදි තරුණයකු සමග වසර කිහිපයකට වැඩි කාලයක් ප්‍රේම සබඳතාවක් ඇති කරගෙන තිබුණ අතර දෙපාර්ශ්වයේ ඥාතීහු ද එයට කැමැත්ත දුන්හ. 

කෙසේ  වුවත් පසුගිය කාලයේ කොවිඩ් වසංගතය වැඩි වශයෙන් වාර්තා වී තිබූ නිසා මේ දෙදෙනාගේ විවාහය  දවසින් දවස ප්‍රමාද වන්නට විය. 

මේ අතර දැනට මාස කිහිපයකට පෙර පෙම්වතිය සේවය කළ කම්හලේ සේවිකාවන් කිහිප දෙනකු කොවිඩ් ආසාදිත වූ අතර ඒ නිසාම අදාළ පෙම්වතියටද කළ පීසීආර් පරීක්ෂණයේදී ඇයද ආසාදිත බව තහවුරු විය. කෙසේ හෝ ඇයට රෝග ලක්ෂණ නොපෙන්වූ අතර දින 14ක නිරෝධායනයෙන් පසුව ඇය යථාතත්ත්වයට පත් වූවාය. 

එසේ වුවද තම අනාගත ලේලියට කොරෝනා රෝගය වැළඳී ඇති බව දැනගත් පෙම්වතාගේ මව ඇය තම පුතාට විවාහ කර දෙන්නට අකමැති වූවාය. මෙම රෝගය ගැන විශාල බියකින් සිටින ඇය සිය පුතුට මෙන්ම ඥාතීන්ටද ප්‍රකාශ කරන්නේ ඕක මහ භයානක ලෙඩක්. ඒ ලෙඩේ හැදුණ දරුවෙක් මගේ පුතාට බන්ඳල දෙන්න බෑ. කවුද දන්නේ හොඳටම සනීප වුණාද නැද්ද කියා යැයිද කීවාය. 

මේ කතාව පෙම්වතියටද ආරංචි වී තිබූ අතර පෙම්වතාද ඇය සමග මේ බව කීවේය. කෙසේ නමුත් තම ඥාතීන් මේ ගැන කතා කළද පෙම්වතා ඒ ගැන කිසිදු තැකීමක් නොකරන බවත් ලැබෙන මුල් අවස්ථාවේදීම විවාහ වන බවද ඇයට පොරොන්දු විය. 

පෙම්වතිය මේ ගැන සිතුවේ විවාහ වීමෙන් පසුව වුවද සිය නැන්දණියගෙන් මේ ගැන නිතර අසන්නට ලැබෙන නිසාත් පෙම්වතා සමඟ සාකච්ඡා කර ඔහුටත් කොවිඩ් සෑදී ඇති බවට කතාවක් නිර්මාණය කිරීමට ඇය පියවර ගත්තාය. ඒ අනුව කිසිවකුටත් නොකියා පෙම්වතා සහ ඇය පමණක් දන්නා මේ රහස අනුව පෙම්වතා නිවසේදී දින 14ක් නිරෝධායනය වූ අතර ඇයගේ විවාහයට තිබූ බාධකය එතැනින්  අවසන් විය. 



අදහස් (0)

කොරෝනාවට බයවුණ නැන්දම්මාට අනාගත ලේලියගෙන් අපූරු පාඩමක්

ඔබේ අදහස් එවන්න

 

 
 

මේවාටත් කැමතිවනු ඇති

ඩයලොග්, සිය පාරිභෝගිකයින් ලක්ෂ 15 කට අධික පිරිසක් හා යා වෙමින් ශ්‍රී ලංකාවේ විශාලතම 5G ජාලය දියත් කරයි 2025 දෙසැම්බර් මස 18 108 0
ඩයලොග්, සිය පාරිභෝගිකයින් ලක්ෂ 15 කට අධික පිරිසක් හා යා වෙමින් ශ්‍රී ලංකාවේ විශාලතම 5G ජාලය දියත් කරයි

ශ්‍රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා

සියපත ෆිනෑන්ස් පීඑල්සී 60 වැනි ශාඛාව වරකාපොළ නගරයට 2025 දෙසැම්බර් මස 16 146 0
සියපත ෆිනෑන්ස් පීඑල්සී 60 වැනි ශාඛාව වරකාපොළ නගරයට

සියපත ෆිනෑන්ස් පීඑල්සී සිය දීපව්‍යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්‍රික්කයට අයත් වරකාපොළ නගරයේ විවෘත කොට ඇත.

ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි 2025 දෙසැම්බර් මස 04 946 2
ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි

’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්

Our Group Site