මධ්‍යම පළාතේ පසුගියදා පැවති සම්බන්ධීකරණ රැුස්වීමකි. එහිදී ප‍්‍රාදේශීය සභා මට්ටමේ තරුණ දේශපාලකයෙක් ප‍්‍රදේශයේ ප‍්‍රකට වෙළෙඳසලක මිනිස් ආහාරයට නුසුදුසු ආහාර ද්‍රව්‍ය ඇති බවක් පවසමින් දැඩි විවේචනයක් කළේය.
රැුස්වීමේ සභාපති ද ඒ පිළිබඳව දැඩි අවධානය යොමු කළ අතර වැඩි දුරටත් කරුණු දැක්වූ දේශපාලකයා තමා එම කඩෙන් පරිප්පු පාර්සලයක් ගෙන ආ බව පවසමින් තම සේවකයකුට කීවේ එම පාර්සලය වේදිකාවට ගෙනෙන ලෙසටය.
සේවකයකු වහා පාර්සලය ගෙනා පසු ‘බලන්න සර් මේවා මිනිස්සුන්ට තියා සතුන්ටවත් කන්න පුළුවන්දැයි’ අසමින් එය සභාපතිවරයාට දිගු කළේය.
එය පරීක්‍ෂා කළ සභාපතිවරයා ‘‘මේව නම් නරක්වෙලා නෑ. අපි කන්නෙත් මේ වගේ ඒවනෙ’’ කීවේ සිනාසෙමිනි. එම පාර්සලයට එබී බැලූ තරුණ දේශපාලකයාට දෙවියන් සිහිවූයේ තමා ගෙනා පාර්සලය මෙය නොවන බැවිනි.
මේ පාර්සල් මාරුවීම පිළිබඳව ඔහු දැන් විශේෂ පරීක්‍ෂණයක් ආරම්භ කර ඇතැයි දැනගන්නට ඇත.