එක පෙම්වතියකට එකවර ආදරය කළ පෙම්වතුන් දෙදෙනෙක් එකම අවස්ථාවකදී ඇය මුණ ගැසීමට ගියහ. එහිදී සිදුවූ බහින්බස් වීමකින් පසුව දෙදෙනාම ගුටි කෙළගෙන ඇත. මෙහිදී එක් පෙම්වතෙක් පොලිසිය විසින් අත්අඩංගුවට ගනු ලැබීය. 

මෙම සිද්ධියට සම්බන්ධ පෙම්වතුන් දෙදෙනා හා පෙම්වතිය පාසල් සිසූහු වෙති. සිසුවිය පෙම්වතුන් දෙදෙනාට හසු නොවන පරිදි එකිනෙකාට හොර රහසේ දෙදෙනා සමඟම පේ‍්‍රම සම්බන්ධතාවයන් පවත්වාගෙන ගොස් ඇත.

පසුගිය දිනක එක් පෙම්වතකු පෙම්බස් දොඩමින් සිටින විට අනෙක් පෙම්වතාද පෙම්වතිය සොයා පැමිණ තිබේ. එහිදී තම පෙම්වතිය තවත් අයකු සමඟ පේ‍්‍රමයෙන් ඇලීගැලී සිටින අයුරු දැක ඔහුට පහර දී ඇත.

පහර කෑ පෙම්වතකු පොලිසියට පැමිණිලි කිරීමෙන් පසුව පහර දුන් අනෙක් පෙම්වතා අත්අඩංගුවට ගෙන ඇත.