ෆයිසර් එන්නතට ලෝක සෞඛ්‍ය සංවිධානයේ අනුමැතිය

සංවර්ධනය වෙමින් පවතින රටවල හදිසි භාවිතය සඳහා ෆයිසර් සහ බයෝන්ටෙක් සමාගම්වල කොරෝනා එන්නත ලෝක සෞඛ්‍ය සංවිධානය විසින් අනුමත කර තිබේ.

එහිදී ලෝක සෞඛ්‍ය සංවිධානයෙන් ඉදිරිපත් කර ඇති සමාලෝචනයේ දැක්වෙන්නේ මෙම එන්නත, ආරක්ෂාව සහ කාර්යක්ෂමතාව සම්බන්දව තිබිය යුතු නිර්ණායක සපුරා ඇති බවයි.

ලෝක සෞඛ්‍ය සංවිධානයේ ඖෂධ වැඩසටහන් ප්‍රධානී මාරියන්ගෙලා සිමාවෝ පවසන්නේ කොවිඩ් මර්ධනයේ ගෝලීය ප්‍රවේශය සඳහා මෙය ධනාත්මක පියවරක් වනු ඇති බවයි.

කෙසේ වුවද මෙම එන්නත සෙල්සියස් අංශක සෘන 70ක තබාගැනීමේ අවශ්‍යතා වැනි සාධක බටහිර රටවලට ද අභියෝගයක් වී ඇති අතර ප්‍රමාණවත් යටිතල පහසුකම් නොමැති සංවර්ධනය වෙමින් පවතින රටවලට විශාල බාධා ඇති කළ හැකි බව විචාරකයෝ පවසති.

එහෙත් මෙම එන්නත සඳහා ඇමරිකාව, බ්‍රිතාන්‍ය, කැනඩාව ඇතුළු ලෝකයේ රටවල් 12ක පමණ අනුමැතිය හිමිවී තිබේ.

මාත්‍රා දෙකකින් සමන්විත මෙම එන්නතේ දෙවන මාත්‍රාව දින 21ක් තුළ ලබාගත යුතු අතර කොරෝනා රෝගයෙන් 95%ක ආරක්ෂාවක් ලැබෙන බව සඳහන් වේ.

(රොයිටර් පුවත් ඇසුරිණි - 085)

අදහස් (5)

ෆයිසර් එන්නතට ලෝක සෞඛ්‍ය සංවිධානයේ අනුමැතිය

de silva Friday, 01 January 2021 09:25 AM

මුට්ටි ගඟේ දමන්නේ නැතිව මේවා කළින්ම ඕඩර් කළා නම් දැන් භාවිතයට ගන්න පුළුවන්.

: 0 0

සිරිබිරි Friday, 01 January 2021 09:26 AM

ඕක ගෙන්නන වැඩේ උදයංගට බාරදෙමු.

: 0 0

nuwan Friday, 01 January 2021 10:56 AM

ඔය කෝක අනුමත වුණත් අපේ සර් චීනෙන් ගෙනාවේ නැතිනම් මගේ කණ කපාගන්නවා...!!!

: 0 0

Rata Perata Saturday, 02 January 2021 08:27 AM

මේවා අපිට දාලා වැඩක් නැහැ. අපිට WHO එකෙන් එන්නත් නිකම් ගන්න තිබුණා. ඒත් අපි අදීන ජාතියක් නේ. ඒක නිසා අපේ ඉස්සරවෙලා අපේම පැණි බිබී මේක වන කරගෙන ඊට පස්සේ චීනෙන් හරි, රුසියාවෙන් හරි සල්ලි දීලා ගන්නවා. අපි උතුම් ජාතියක් නිසා ණයට ගත්තට කමක් නැහැ. ඒත් නිකම් නම් ගන්නේ නැහැ.

: 0 0

Damith Sunday, 03 January 2021 02:54 AM

කාලි අම්මගෙ පැණිය ගැන WHO දැනුවත්ද ?

: 0 0