(රංජිත් රාජපක්ෂ)
 
හැටන් දික්ඔය නගර සභාවේ නාගරික මන්ත්‍රි ශෂි රත්නායක (ශ්‍රී ලංකා පොදු ජන පෙරමුණ ) මහතාට කොවිඩ් 19 වයිරසය ආසාදනය වී ඇති බවට අද(24) ලැබූ පී.සී.ආර් පරීක්ෂණ වාර්තා අනුව තහවුරු වු බව හැටන් දික්ඔය නගර සභාවේ මහජන සෞඛ්‍ය පරීක්ෂක රාමයියා බාලක්‍රිෂ්ණන් මහතා පැවසීය.
 
කොවිඩ් 19 වයිරසය ආසාදනය වී දැනට හම්බන්තොට නිරෝධායන මධ්‍යස්ථානයේ සිටින ආගරපතන ප්‍රාදේශීය සභාවේ සභාපති කදිර් සෙල්වම් මහතා මහනුවර පොල්ගොල්ල ප්‍රදේශයේ (17) දින පැවති ප්‍රභූවරුන් සහභාගී වු රැස්වීමකට සහභාගි වී සිටියදි, නාගරික මන්ත්‍රී ශෂි රත්නායක මහතා පෙර අසාදිතයාගේ ළගම ආශ්‍රිතයෙකු වීම නිසා හැටන් දික්ඔය නගර සභාවේ මහජන සෞඛ්‍ය පරීක්ෂකවරුන් විසින් නාගරික මන්ත්‍රිවරයා සහ පවුලේ සමාජිකයන් ස්වයං නිරෝධානයට යොමු කරන ලදී. නාගරික මන්ත්‍රිවරයාගේ පී.සි.ආර් පරික්ෂණ වාර්තාව අනුව ඔහුට කොවිඩ් 19 වයිරසය අසාදනය වී ඇති බවට තහවුරු වි ඇත.
 
කොවිඩ් 19 වයිරසය ආසාදනය වු නාගරික මන්ත්‍රිවරයා නිරෝධායන මධ්‍යස්ථානයක් කරා යොමු කිරිමට නියමිතය.