(රංජිත් රාජපක්ෂ)

මස්කෙළිය සෞඛ්‍ය වෛද්‍ය නිලධාරි කාර්යාල බල ප්‍රදේශයට අයත් මස්කෙලිය ස්තැස්පි වතු යායේ එකම පවුලේ පියා, මව සහ පුතාට කොවිඩ්- 19 වයිරසය ආසාදනය වීම නිසා එම පුතා අධ්‍යාපනය ලබන සාමිමලේ විද්‍යාලයක් අද (01) සිට තාවකාලිකව වසා දැමු බව මස්කෙළිය සෞඛ්‍ය වෛද්‍ය නිලධාරි ඩි.චන්ද්‍රරාජන් මහතා පැවසීය.
 
එම විද්‍යාලයේ 09 වසරේ අධ්‍යාපනය ලබන පාසල් සිසුවා එම පාසලේ අනෙකුත් පන්ති වල ළමුන් සහ ගුරුවරුන්ගේ ආශ්‍රිතයෙකු වු නිසා පාසල තාවකාලිකව වසා දැමීමට පියවර ගත් බව සෞඛ්‍ය වෛද්‍ය නිලධාරිවරයා කියා සිටියේය.
 
මව නොර්වුඩ් ප්‍රදේශයේ පෞද්ගලික ඇගළුම්හලක සේවය කරන බවත්, එම ඇගළුම් කර්මාන්ත ශාලාවේදි සේවක සේවිකාවන් 35 දෙනෙකුද ස්වයං නිරෝධානයට යොමු කළ බවත් , කොවිඩ් 19 වයිරසය ආසාදනය වු එකම පවුලේ තිදෙනාගේ නිවසට පසුගිය දිනක කොළඹ ප්‍රදේශයෙන් පුද්ගලයෙකු පැමිණ ඇති බවට තොරතුරු ලැබී ඇති බවක් සෞඛ්‍ය වෛද්‍ය නිලධාරිවරයා කියා සිටියේය.