(හිරාන් ප්‍රියංකර ජයසිංහ) 
 
මුන්දලම උඩප්පුව ප්‍රදේශයේ පිරිසක් ජෛව පටල පරික්ෂාවකට රැගෙන යාමට පැමිණි මහජන සෞඛ්‍ය පරික්ෂකවරුන්ට බැන වැදී සිරුරට ගිනි තබා ගන්නා බවට තර්ජනය  කිරිමෙන් පසුව උඩප්පුව පොලිසිය මැදිහත්ව එම පිරිස පරික්ෂණ වලට අද (8) යොමු කළ බව මුන්දලම සෞඛ්‍ය වෛද්‍ය නිළධාරි වෛද්‍ය නිළධාරි ඒ.ආර්.ජවුසි මහතා පවසයි.
 
මෙසේ ජෛව පටල පරික්ෂාවකට යොමු කිරිම සදහා කටයුතු කර තිබුණේ උඩප්පුව පොලිස් වසමේ මේ වන විට කොරෝනා ආසාදිතයින් වාර්තා වි ඇති නිවාස තුනක  පදිංචිකරුවන් බව කියයි.
 
ආසාධිතයින්ගේ පළමු ආශ්‍රිතයින් වන මෙම පවුල් තුනක පිරිස සදහා මුන්දලම පුලිච්චිකුලම මාතෘ සායන මධ්‍යස්ථානයේ දී ජෛව පටල ලබා ගැනීමට කටයුතු කර තිබූ බව කියයි.
 
අදාල ආශ්‍රිතයින් අතර සිටි පුද්ගලයකු මහජන සෞඛ්‍ය පරික්ෂක වරයා ඉදිරියට කඩා වැදි තමන් හෝ තම පිරිස පිසිආර් පරික්ෂණ සදහා රැගෙන ගියහොත් සිරුරට පෙට්‍රල් වක්කර ගිනි තබා ගන්නා බවත් ඒ සමගම මහජන සෞඛ්‍ය පරික්ෂකවරයාව මාරු කර යවන බවටත් තර්ජනය කර ඇති බව කියයි.

පසුව අදාල මහජන සෞඛ්‍ය පරික්ෂක වරයා මුන්දලම සෞඛ්‍ය වෛද්‍ය නිළධාරි ඒ .ආර් .ජවුසි මහතාට හා මුන්දලම ප්‍රධාන පරිපාලන මහජන සෞඛ්‍ය පරික්ෂක ටි.ටි.අජීත් රෝහණ මහතාට මේ තත්වය දැනුම් දි ඇති අතර පසුව ඔවුන් උඩප්පුව පොලිසියට මේ බව දන්වා පොලිසිය පැමිණ ගිලන් රථවල නන්වා ජෛව පටල සාම්පල ලබා ගැනිම සඳහා යොමු කෙරිණි.