(ප්‍රියාණි මංගලිකා)

                       
කොරෝනා වයිරසය ආසාදනය වූ  පුත්තලම ශ්‍රී ලංගම ඩිපෝවේ බස් කොන්දොස්තරවරයාගේ පවුලේ සිව්දෙනෙකු සහ ආශ්‍රිතයන් ලෙස පවුල් 12 ක පුද්ගලයන් 40ක් පමණ නිරෝධායනයට ලක් කළ කොටවෙහෙර සෞඛ්‍ය වෛද්‍ය නිලධාරී කාර්යාලය අද (12) පැවසීය .

එම කොන්දොස්තරවරයා පදිංචි කොටවෙහෙර ප්‍රදේශයේ එම ගම්මානයේ පිරිසක් සහ එම ආසාධිත බස් කොන්දොස්තරවරයා කිරි ඉතිරවීම සඳහා සහභාගී වූ බව කියන කොටවෙහෙර ප්‍රසිද්ධ සංහිඳකට එදින සම්බන්ධව සිටි බව කියන ආශ්‍රිතයන් පිරිසක් මෙලෙස ස්වයං නිරෝධායනයට ලක් කළ බව සෞඛ්‍ය වෛද්‍ය නිලධාරී කාර්යාලය පැවසීය.

මෙම සිද්ධියට සම්බන්ධ තවත් සමීප ආශ්‍රිතයන් ඇද්ද යන්න සොයා තව දුරටත් පරීක්ෂණ සිදු කරමින් සිටින බවද සෞඛ්‍ය වෛද්‍ය නිලධාරී කාර්යාලය සඳහන් කලේය .

මෙලෙස සිය නිවෙස් තුළ ස්වයං නිරෝධායනයට ලක් කළ පිරිස් වලට අවශ්‍ය උපදෙස් ලබා දී ඇති බවද ,පී.සී.ආර්.පරීක්ෂණ සිදු කිරීමට නියමිත බවද සෞඛ්‍ය වෛද්‍ය නිලධාරී කාර්යාලය වැඩිදුරටත් සඳහන් කළේය .