කොවිඩ් ආසාදිතයින් 24 ක්

කොරෝනා ආසාදිතයින් 24 දෙනෙකු හඳුනාගැනීමත් සමඟ අද (13) වනවිට මෙරටින් හඳුනාගත් සමස්ථ ආසාදිතයින් ගණන  3219 දක්වා ඉහළ ගොස් ඇති බව සෞඛ්‍ය අංශ පවසයි.

ඉතියෝපියාවේ සිට පැමිණි පුද්ගලයෙකු , මාලදිවයිනේ සිට පැමිණි පුද්ගලයෙකු , එක්සත් අරාබි එමිර් රාජ්‍යයේ සිට පැමිණ 4 දෙනෙකු , කටාර් සිට පැමිණි 16 දෙනෙකු සහ තායිලන්තයේ සිට පැමිණි යුක්‍රේන ජාතිකයෙකු අද (13) හඳුනාගත් ආසාදිතයින් 24 දෙනා අතර  බව රජයේ ප්‍රවෘත්ති දෙපාර්තමේන්තුව සඳහන් කරයි.

කොවිඩ් 19 ආසාදනය වී වෛද්‍ය ප්‍රතිකාර ලබමින් සිටි 13 දෙනෙකු සුවය ලබා අද රෝහල්වලින් පිටව ගොස් ඇති බවද සෞඛ්‍ය අංශ පවසයි.

කොරෝනා වයිරසය ආසාදනය වීම හේතුවෙන් මේ වනවිට ප්‍රතිකාර ලබන ආසාදිතයින් සංඛ්‍යාව 211 කි.

මේ වනවිට පුද්ගලයින් 12 දෙනෙකු මියගොස් ඇති අතර 2996 දෙනෙකු සුවය ලබා පිටවගොස් ඇත.