
ඉන්දුනීසියාවෙන් වාර්තා වන නව කොරෝනා වයිරස ආසාදිතයන්ගේ ගණන, චීනයෙන් වාර්තා වන වයිරස ආසාදිතයන්ගේ ගණන අද (19) ඉක්මවා ගියේය.
අග්නිදිග ආසියානු රටක් වන ඉන්දුනීසියාවෙන් අද දිනයේදී වයිරස ආසාදිතයන් 1,752 දෙනකු හඳුනාගෙන තිබිණි.
ඒ අනුව එරටින් වාර්තා වන ‘කොවිඩ්-19’ හෙවත් නව කොරෝනා වයිරස ආසාදිතයන්ගේ සමස්ත ගණන 83,644ක් දක්වා ඉහළ ගියේය. චීනයෙන් වාර්තා වන නව කොරෝනා වයිරස ආසාදිතයන්ගේ සමස්ත ගණන 83,644කි.
ඉන්දුනීසියාවෙන් අවසන් පැය 24 දී වයිරස ආසාදිත මරණ 59ක් වාර්තා වූ අතර ඒ අනුව එරටින් වාර්තා වන සමස්ත මරණ ගණන 4,016ක් දක්වා ඉහළ නැංගේය.
මේ මස ආරම්භයේ සිට ඉන්දුනීසියාවෙන් දිනපතා වාර්තා වූ ආසාදිතයන්ගේ ගණන 1,200 වැඩි විය. ලොව සිවුවැනියට වැඩිම ජනගහනයක් වෙසෙන්නේ ද ඉන්දුනීසියාවේ ය.
නව කොරෝනා වයිරසයේ ව්යාප්තිය පාලනය කිරීම සඳහා වසා දැමුණු ආර්ථිකය පසුගිය ජූනි මාසයේ සිට ක්රමයෙන් විවෘත කිරීමට ඉන්දුනීසියාව ජූනි මාසයේ සිට පියවර ගත්තේය.
කෙසේ නමුත් ආසාදිතයන් වාර්තා වීම වැඩිවීමත් සමඟ ඇතැම් සැලැසුම් හකුළාගැනීමට එරට බලධාරීන්ට සිදුවිය.
මේ වනවිට ඉන්දුනීසියාවේ ඇතැම් නගර හා ප්රදේශවලට නැවත වරක් සමාජ සහ සංචාරක සීමා පනවා ඇති අතර මේ හේතුවෙන් ජකර්තා නුවර පමණක් මිලියන 10කට ආසන්න පිරිසක් ඉදිරි සති දෙක සඳහා සිය නිවෙස්වලට සීමා වී ඇත.
රොයිටර්/අල්ජසීරා
055
2025 නොවැම්බර් මස 21
182
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
249
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1128
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
ඉන්දුනීසියාව චීනය පසු කරයි