IMG-LOGO

2025 පෙබරවාරි මස 09 වන ඉරිදා


දරු පරපුර කෙරෙහි මුළු සමාජයේම බැල්ම ඕනෑ

හැටන් ප්‍රදේශයේ විහාරස්ථානයක පවත්වාගෙන යන බාහිර පන්තියක දී මත් පැන් පානය කළ බව කියන සිසුන් තිදෙනකු පොලිස් අත්අඩංගුවට පත් වී​ෙම් පුවතක් අප පුවත්පත ඉකුත් දා වාර්තා කළේය. හැටන් ප්‍රදේශයේ ප්‍රධාන සිංහල පාසලක ඉගෙන ගන්නා මෙම ශිෂ්‍යයන් තිදෙනා මේ වසරේ අ.පො.ස. සාමාන්‍ය පෙළ විභාගයට ඉදිරිපත් වීමට නියමිත බවත් අප ප්‍රවෘත්තියේ සඳහන්ය.

මාකඳුරේ මධුෂ්ලා ගැන සමාජයේ විශාල සංවාදයකි. ඔහුගේ ​ගෝල බාලයන් බුරුතු පිටින් අත්අඩංගුවට පත්වීමේ පුවත් එකක් පසු පස එකක් වශයෙනි. මෙයට පෙර සොත්ති උපාලි, උස්ලියනගේ රුවන් ධම්මික අමරතුංග, චින්තක අමරතුංග, කළු තුෂාර, ඇට ඉන්දික තොප්පි චමින්ද, කරාටේ ධම්මික, ආමි රොෂාන් ආදී නම ගිය පාතාලයන් සම්බන්ධයෙන් ද නොනිමි සංවාදයක් මෙරට විය.

පාතාලය සම්බන්ධ මෙරට සංවාද රාත්‍රී භෝජන සංග්‍රහයක කට ගැස්මකින් වෙනස් නොවූවකි. නළල රැළි ගන්වා විමතියෙන් අසා සිටින ත්‍රාසජනක කතා පිටපතකින් වෙනස් නොවූවකි.

පාතාලයේ පිට පොත්ත අත ගා කළ සංවාදවලින් පාතාලයේ අැත්ත ඇතුළාන්තය එළියට විවර නොවීය. පාතාලය අහම්බයක් නොවේ. එය වූ කලී සමාජ ආර්ථික දේශපාලනික හේතු සමුදායක ප්‍රතිඵලයකි. එහෙත් හේතුව සම්බන්ධයෙන් විවරණයක නොයෙදී ඵලය අත පත ගාමින් කළ සංවාද නිසා පාතාල​ෙය් දොරටු නොවැසුණි. මාකඳුරේ මධුෂ්ලා ගැන කතා කිරීමට අද සිදුව තිබෙන්නේ එහෙයිනි.

හැටන් විහාරස්ථානයක බාහිර උපකාර පන්තියක දී මෙවර සාමාන්‍ය පෙළ විභාගයට ඉදිරිපත් වීමට නියමිත එතරම්ම ළමා වියක පසුවන සිසුන් තිදෙනකු මත් පැන් පානය කර හසුවීම සිද්ධියකට වඩා එහා ගිය මහා සමාජ ව්‍යසනයක් ලෙස හඳුනා ගත යුතු වන්නේ එහෙයිනි.
ලොව හොඳම දේ දරුවන්ට යැයි කීවද අප සමාජයේ දරුවෝ ලොව නරකම දෙයෙහි පහසුම ගොදුරු බවට පත්ව සිටිති. විවිධ අතවරවලට ලක්ව මරා දැමීමේ ඉරණම දරුවන්ගේ හිසට ඉහළින් ලෙළදෙමින් තිබේ. ජංගම දුරකථනයෙන් අසැබි දර්ශන බැලීමත් ඒවා අනුකරණය කිරීමට අතේ ඇති මුදලට සේවා සපයන ස්ථාන බිහි වීමත් දරුවන්ගේ ඉරණම තීරණය කරමින් තිබේ. වයස අවුරුදු 21 ට අඩු දරුවන්ට දුම් වැටි විකිණීම තහනම් බවට නීති රටේ පණවා තිබුණද ඒවා නොතකන රුපියල් ශතවලින් දෑස් නිලංකාර කර ගත් බඩජාරි මුදලාලිලාගෙන් දුම් වැටි ද මත් පැන් බෝතල් ද මිලදී ගැනී​ෙම් පහසුව දරුවන්ට හිමිවී තිබේ.

දරුවා බිලි ගන්නා මාර සේනා සිය දත් විළිස්සාගෙන සිටින මොහොතක දරුවන් රැක ගැනීමේ පරම වගකීමක් වැඩිහිටියාට පැවරේ. මෙම වැඩිහිටියා තුළ මවුපියෝ පාසලේ ගුරුවරු බාහිර උපකාරක පන්ති මෙහෙයවන ගුරුවරු සිටිති. ප්‍රශ්නය වන්නේ ඔවුන් තම යුතුකම් නිසි රිසි ලෙස ඉටු කරන්නේ ද යන්නය. එසේ ඉටු කරන්නේ නම් මෙවර සාමාන්‍ය පෙළ විභාගයට මුහුණ දීමට නියමිත ළාබාල දරුවන් අතට මත් පැන් බෝතල් ලැබුණේ කෙසේද? උපකාරක පන්තිය ආරම්භ වීමට පෙර එම දරුවන් තිදෙනාම මත් පැන් පානය කිරීමට ශක්තිය ලැබුණේ කෙසේද? ඒ තරමටම ලජ්ජා භය පිරිහුණු මනසක් ඔවුන්ට හිමි වූයේ කෙසේද?

‘‘පුත්ථා වත්ථු මනුස්සානං’’ යැයි බුදු දහමේ සඳහන්ය. එයින් කියැවෙන්නේ මිනිසා සතු වටිනාම වස්තුව දරුවන් බවය. එහෙත් එතරම් බරින් හා ගැඹුරින් දරුවා වැළඳ ගැනීමට මෙම සමාජය සමත් වීද? එසේ සමත්වී නම් හැටන් සිද්ධිය වැනි සිදුවීම් වාර්තා විය හැකිද?
දරුවාට අධ්‍යාපනය ලබාදීම තුළින් පමණක් සිය යුතුකම හා වගකීම ඉටු කළේ යැයි බොහෝ දෙනෙක් සිතති. එහෙත් එය බරපතළ අත්වැරැද්දකි සිඟාලෝවාද සූත්‍රයේදී මවුපියන්ගෙන් දරුවන්ට ඉටු විය යුතු යුතුකම් දක්වද්දි බුදුරාජාණන් වහන්සේ අංක එකට දැක් වූයේ දරුවා පාපයෙන් මුදවා ගත යුතු බවය. දෙවැනුව දරුවා යහපතෙහි යෙදවිය යුතු බවය. අධ්‍යාපනය ලබා දිය යුත්තේ ඉන් පසුව බව එහි දැක්වේ. ‘‘ගුණ නැණ බෙලෙන් යුතු පුතුමය ඉතා ගරු’’ යනුවෙන් සුභාෂිතයෙහි දැක්වෙන්නේ ද එයමය. එහිදී පෙරට ගෙන තිබනේනේ ගුණය වේ. නැණ හෙවත් දැනුම දෙවැනුව වේ.

ගුණයෙන් තොර නැණවත් බව ප්‍රතිඵල රහිතය. එහෙයින් මවුපියන් ගුරුවරුන් මෙන්ම අනෙකුත් සෑම වැඩිහිටියකුම මෙම කාරණා මැනවින් තේරුම්ගෙන දරුවා හැදිය යුතුය. දරුවා මාරයන්ගෙන් බේරා ගැනීම වෙනුවට දරුවා මාරයකු වීම වළක්වා ගත හැකි වන්නේ එමගිනි. 

 



අදහස් (0)

දරු පරපුර කෙරෙහි මුළු සමාජයේම බැල්ම ඕනෑ

ඔබේ අදහස් එවන්න

 

 

විශේෂාංග

ඇමෙරිකානුවන්ගේ බදු මුදල් ගිල්ල USAID
2025 පෙබරවාරි මස 09 206 0

ඩොනල්ඩ් ට්‍රම්ප් දෙවනි වරට ඇමෙරිකාවේ ජනාධිපති ධුරයට පත්වූයේ, විශිෂ්ට ජනවරමකිනි. මුල් තැන දිය යුත්තේ ඇමෙරිකාවට බවත්, ඇමෙරිකානුවන්ට බවත් ට්‍රම්ප් තදින


ආණ්ඩුවට ඉතිහාස පාඩමක්
2025 පෙබරවාරි මස 08 469 1

‘‘පාර රාජ්‍යය පරාජය නොකළහොත් ලුමුම්බාගේ, සුකර්ණෝගේ, අයන්ඩේගේ ආණ්ඩුවලට වූ දේ මෙහිද වනු ඇත.’’ මේ මැතිවරණ කොමිසමේ හිටපු සභාපති මහින්ද දේශප්‍රිය මහතා සිය


ලෝකෙන්ම දෙක එසැනට කතා කරයි
2025 පෙබරවාරි මස 07 2967 7

මේ කුඩා කාලයෙදීම මෙරටින් ඈත්ව ප්‍රංශයේ ජීවත් වූ රුවැන්තියක්, සියල්ල කැපකරමින් තම උපන් බිම වෙනුවෙන් ලෝක තරගාවලියක් නියොජනය කර එහි අනුශූරතාව හිමිකරගෙන


සහල් පිළිවෙතේ විකෘතිය
2025 පෙබරවාරි මස 07 279 2

ආණ්ඩුව දිගින් දිගටම බත පිළිබඳ ගැටලුව අනා ගනිමින් සිටින බව පෙනේ. සහල් ප්‍රශ්නය අනාගත් ආණ්ඩුව දැන් වී ප්‍රශ්නය ද එසේ වන තැනට කටයුතු කරමින් සිටී. පසුගිය බද


USAID සහාය ලබන මෙරට රාජ්‍ය නොවන සංවිධානවල ඉරණම
2025 පෙබරවාරි මස 06 1062 0

ඇමරිකානු ජනාධිපති ඩොනල්ඩ් ට්‍රම්ප් විසින් විදේශ ආධාර සඳහා යම් “විරාමයක්” ලබාදීමත් සමග ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ (United States Age


සිලෝන් ටී ගෝලීය ප්‍රවර්ධනයට වියදම් කළ කෝටි 70ක් වතුරේ
2025 පෙබරවාරි මස 06 396 1

“සිලෝන් ටී ගෝලීය ප්‍රවර්ධනයට වියදම් කළ කෝටි 86ක් වතුරේ”‍ යන මැයෙන් දිනපතා ලංකාදීප පුවත්පතේ 2024 අගෝස්තු මස 15 දින පළ වූ ලිපියෙන් පසු ඒ ගැන මූලික විමර්ශනයක්


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 54 0
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 112 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 862 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site