එසැණ පුවත්

කල්පිටියේ සැරිසරණ ‘ඩ්‍රෝන‘ යානයක් සොයා මෙහෙයුමක්

කල්පිටිය ප්‍රදේශය තුළ මේ දිනවල විවිධ අවස්ථාවලදී ඉහළ අහසේ හිටිහැටියේ සැරිසරණ ඩ්‍රෝන කැමරාවක් වැනි යානාවක් සෙවීමේ මෙහෙයුමක් අද (28) අලුයම් කාලයේ දි අරඹා තිබේ.

28 April 2019

පෙට්‍රල් බෝම්බ 6ක් දවුලගලින් සොයාගැනේ

“ශ්‍රී ලංකා තවුහීද් ජමාත් “ සංවිධානයට අයත් ස්ථානයකදි දේශීයව නිෂ්පාදනය කළ හිස් බල්බ්වල සකසා ඇති පෙට්‍රල් බෝම්බ බවට සැක කරන නිෂ්පාදන 6 ක් දවුලගල පොලිසිය මගින් අද (27) පස්වරුවේදි කළ මෙහෙයුමකදී සොයා ගැනීමට හැකිවී ඇත.

27 April 2019

ගිනිඅවි පැහැරගත් සැකකරුවන් තිදෙනෙකු අල්ලයි

මඩකලපුව වව්නතිව් පොලිස් මුරපළට ඉකුත් වසරේ නොවැම්බර් 30 වැනි දින අලුයම පොලිස් නිලධාරීන් දෙදෙනෙකුට වෙඩි තබා, කපා කොටා, ඝාතනය කර ඔවුන් සතුව තිබූ රිවෝල් ගිනිඅවි 02 පැහැරගෙන ගිය සැකකරුවන් තිදෙනෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇතැයි පොලිසිය කියයි.

27 April 2019

මොහොමඩ් සහරාන්ගේ රියදුරු දැලේ

ජාතික තවුහීද් ජමාද් ත්‍රස්තවාදි සංවිධානයේ නායක ශැංග්‍රිලා හෝටලයේ මරාගෙන මැරෙන බෝම්බකරුවකු වන මොහෙමඩ් සහරාන්ගේ රියදුරු කාත්තන්කුඩි ප්‍රදේශයේදි කාත්තන්කුඩි පොලිසිය අද පස්වරුවේ අත්අඩංගුවට ගත් බව පොලිසිය කියයි.

27 April 2019

මීගමුව නියෝජ්‍ය නගරාධිපති අත්අඩංගුවට

මීගමුව මහනගර සභාවේ නියෝජ්‍ය නගරාධිපති මොහොමඩ් ෆාරිස් මහතාව (27) අද මීගමුව පෙරියමුල්ල ප්‍රදේශයේදී මීගමුව ගුවන් හමුදා නිලධාරීන් විසින් කරන ලද මෙහෙයුමකදී අත්අඩංගුවට ගෙන තිබේ. පසුව ඔහුව මීගමුව පොලිසියට බාරදුන් බව ජ්‍යෙෂ්ඨ පොලිස් අධිකාරී චන්දන අතුකෝරල මහතා පැවසීය.

27 April 2019

පොලිස්පති යන්න බෑ කියයි

පාස්කු ඉරිදා සිදුවූ බෝම්බ පිපිරීම් මාලාව පිළිබඳව එවන ලද බුද්ධි තොරතුරු නිසිපරිදි කළමණාකරණය නොකිරීම සම්බන්ධයෙන් පොලිස්පතිවරයාට සිය ධූරයෙන් ඉල්ලා අස්වන ලෙස ජනාධිපති මෛත්‍රීපාල සිරිසේන මහතා උපදෙස් දී තිබිණ. එහෙත් සිය තනතුරෙන් ඉල්ලා අස්වීම පොලිස්පතිවරයා ප්‍රතික්ෂේප කරන බව ජනාධිපති කාර්යාලයේ ඉහළම ආරංචි මාර්ග වලින් දැනගන්නට තිබේ.

27 April 2019

මව්ලව් - නාගරික මන්ත්‍රී කොළඹ අපරාධ විමර්ශන කොට්ඨාසයට

කොම්පඤ්ඤවීදියේ මුස්ලිම් පල්ලියකින් කඩු 47ක් සොයා ගැනීමේ සිද්ධියට ආදාලව අත්අඩංගුවට ගත් ⁣මොහොමඩ් ගවුස් මොහොමඩ් පාහිම් නැමැති මවුලවිවරයා කොළඹ මහ නගර සභාවේ එක්සත් ජාතික පක්ෂ මන්ත්‍රීවරයකු වන නුර්දි මොහොමඩ් තාජුඩින් දෙදෙනාම වැඩිදුර ප්‍රශ්න කිරීම සඳහා කොළඹ අපරාධ විමර්ශන කොට්ඨාසයට බාර දී තිබේ.

27 April 2019

පල්ලිය පිටුපස ජංගම දුරකතන ගිනිතැබූ තිදෙනෙක් සැකපිට අල්ලයි

පොතුවිල පොලිස් වසමේ පල්හාන් පල්ලියපාරේ පාක්‍යවත්ත මුස්ලිම් පල්ලිය පිටුපසදී (27) දින දහවල් 12-00 ට පමණ ජංගම දුරකතන 20ක් ගිනිතබා විනාශකළ සිද්ධියක් සම්බන්ධව පුද්ගලයින් තිදෙනෙකු සැකපිට අත්අඩංගුවට ගත්බව පොතුවිල පොලීසිය පවසයි.

27 April 2019

රාත්‍රී 10 සිට අදත් ඇඳිරි නීතිය

අද (27 රාත්‍රී 10 සිට හෙට (28) අළුයම 04 දක්වා දිවයින පුරා පොලිස් ඇඳිරි නීතිය ක්‍රියාත්මක බව මාධ්‍ය ප්‍රකාශක-පොලිස් අධිකාරි රුවන් ගුණසේකර මහතා පවසයි

27 April 2019

හිස් ඉඩමක තිබූ සැකකටයුතු පෝර බෑගයකින් අවි ඇතුළු උණ්ඩ රැසක්

මීගමුව පොලිස් වසමේ තෙල්වත්ත හන්දිය ප්‍රදේශයේ පාවුලු පාප් මාවතේ හිස් ඉඩමක් කම්කරුවෙකු විසින් පිරිසිදු කරනා අවස්ථාවේදි සැක කටයුතු පෝර උරයක් දැක ඒ සම්බන්ධව අද (27) නීතීය බලගැන්වීමේ ඒකකයේ පොලිස් නිලධාරින් දැනුවත් කර ඇත.

27 April 2019

මරාගෙන මැරෙන ඇඳුම් කොටස් සොයාගනී

අම්පාරේ නින්දවූර් ප්‍රදේශයේ නිවසක් සෝදිසි කිරීමේදී මරාගෙන මැරෙන ඇඳුම් කට්ටල සඳහා භාවිතා කරනු ලබන යකඩ බෝල සවිකළ තහඩුවක් සොයාගෙන තිබේ.

27 April 2019

පුපුරණ ද්‍රව්‍ය රැගෙන ගිය අයෙකු නාවික හමුදා අත්අඩංගුවට

ත්‍රිකුණාමලය උතුර නාවික බල ප්‍රදේශයට අයත් ඉරෙක්කන්ඩි ප්‍රදේශයේදි පුද්ගලයෙක් රැගෙන යමින් සිටි වොටර් ජෙල් නැමැති පුපුරණ ද්‍රව්‍ය හා ඩෙටනේටර් තොගයක් අද (27) අලුයම අත්අඩංගුවට ගැනිමට නාවික හමුදාව සමත්විය. මෙම පුද්ගලයා සතුව තිබී වොටර් ජෙල් කරල් 16ක් හා ඩෙටනේටර් 160ක් සේවා නූල් අඩි 12 1/2ක් සමග මෙම පුද්ගලයා නාවික හමුදා අත්අඩංගුවට ගෙන තිබේ.

27 April 2019

‘සයින්දමර්දු ගැටුම්වලින් ආරක්ෂක අංශ - පොලිස් සාමාජිකයින්ට හානියක් නැහැ’

අම්පාර සයින්දමර්දු ප්‍රදේශයේ ඇති වු ගැටුම්වලින් ආරක්ෂක අංශයේ හා පොලිසියේ කිසිවකුට හානියක් සිදුව නොමැති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පැවසීය.

27 April 2019

පැය 24 ක සෝදිසි මෙහෙයුම්වලින් සැකකරුවන් 20ක් අල්ලයි

දිවයින පුරා ගත වු පැය 24 තුළ සිදුකළ සෝදිසි මෙහෙයුම්වලින් සැකකරුවන් 20 දෙනෙක් අත්අඩංගුවට ගෙන ඇති බව පොලිස් මූලස්ථානය කියයි.

27 April 2019

‘ජාතියේ ආරක්ෂාව එක්ක විහිළු එපා’

කඳාන පොලිස් ස්ථානය අසල තිබී සැකකටයුතු පාර්සලයක් අද (27) පෙරවරුවේ නාවික හමුදාව බාරයට ගෙන තිබේ.

27 April 2019

දඹුල්ලේ මෙහෙයුමකින් 05ක් අත්අඩංගුවට

දඹුල්ල පොලිස් බල ප්‍රදේශයේ 26 දින රාත්‍රියේ සිට අද 27 අළුයම දක්වා සිදුකළ සෝදිසි මෙහෙයුම්වලදී පුද්ගලයන් පස් දෙනකු සැකපිට අත්අඩංගුවට ගෙන තිබේ.

27 April 2019

සයින්දමර්දු ගැටුමෙන් 16 ක් මරුට

අම්පාර සයින්දමර්දු ප්‍රදේශයේදී ඊයේ (26) රාත්‍රී ශ්‍රී ලංකා යුද හමුදාවත්, පොලිස් විශේෂ කාර්ය බලකායත් සමග ඇතිවූ ගැටුමේදී මියගිය ගණන 16 දක්වා ඉහළ ගොස් තිබේ. මෙම ගැටුමේදී හමුදා සාමාජිකයන් කිසිවකු අනතුරට පත්වී නැති නමුත් ත්‍රස්තවාදීන් යයි සැකකෙරෙන පුද්ගලයන් 6 ක් සහ කාන්තාවන් 4 දෙනකුද දරුවන් 6 දෙනකුද මරුමුවට පත්වී ඇතැයි පොලිසිය කියයි.

27 April 2019

වැල්ලවත්තෙන් අධි බලැති පුපුරන ද්‍රව්‍ය තොගයක් සොයාගනී

වැල්ලවත්ත දුම්රිය ස්ථානය අසළ නවතා තිබූ සැකකටයුතු ත‍්‍රීරෝද රථයක් පරීක්‍ෂා කළ නාවික හමුදාව සී-ෆෝ වර්ගයේ අධි බලැති පුපුරණ ද්‍රව්‍ය සමඟ සැකකරුවන් තිදෙනෙකු අත් අඩංගුවට ගෙන තිබේ.

26 April 2019

කොළඹ ප්‍රධාන ඉදිකිරීම් වල සැලසුම් පිටපත් ලඟ තබාගෙන සිටි හමුදා නිලධාරියකු රිමාන්ඩ්

කලම්බු රෙසිඩන්ට් හෝටලයේ ඉදිකිරීම් සැළැස්ම ඇතුළු කොළඹ ප්‍රධාන ඉදිකිරීම් වල ඉදිකිරීම් සැළසුම් පිටපත් ලඟ තබාගෙන සිටි බව කියමින් සැකපිට අත්අඩංගුවට ගත් හිටපු යුධ හමුදා නිලධාරියකු ලබන මස 06 වැනිදා තෙක් රිමාන්ඞ් බාරයේ රඳවා තැබීමට කොටුව මහෙස්ත‍්‍රාත් රංග දිසානායක මහතා අද (26) නියම කළේය.

26 April 2019

ඇමෙරිකාවෙන් ඩොලර් මිලියන 480 ක මුල්‍ය ප්‍රදානයක්

ඇමෙරිකානු රජයේ මිලේනියම් චැලෙන්ජ් අරමුදල ශ්‍රී ලංකාවට ඇමරිකානූ ඩොලර් මිලියන 480 ක්(දළ වශයෙන් රුපියල් කෝටි 8400 ක් පමණ) ප්‍රදානයක් ලබාදීමට තීරණය කර තිබේ.

26 April 2019

පාස්කු දා ප්‍රහාරයෙන් මිය ගිය අය සිහිකර ඉතාලියේ දී දේව මෙහෙයක්

පාස්කු දින සිදුවූ ත්‍රස්තවාදී ප්‍රහාරයෙන් මරණයට පත්වූවන් හා තුවාල ලැබූවන් වෙනුවෙන් ඉතාලියේ පදිංචි ශ්‍රී ලාංකීකයන් පහන් දල්වා ශෝකය පල කිරිමේ දේව මෙහෙයක් පැවැත්විණි.

26 April 2019

විශ්ව විද්‍යාල - පාසල් ආරම්භය මැයි 6

රටපුරා සියලු විශ්ව විද්‍යාල සහ රජයේ පාසල් ආරම්භ කිරීම මැයි මස 6 වැනි සඳුදා දින දක්වා කල්තැබුණු බව අධ්‍යාපන අමාත්‍ය අකිල විරාජ් කාරියවසම් මහතා ලංකාදීපයට පැවැසීය.

26 April 2019

කල්මුණේ - සමන්තුරේ - චවලකඩේ ප්‍රදේශවලට නැවත දැනුම් දෙන තුරු ඇඳිරි නීතිය

කල්මුණේ / සමන්තුරේ/චවලකඩේ යන පොලිස් බල ප්‍රදේශවලට වහාම ක්‍රියාත්මක වන පරිදී නැවත දැනුම් දෙන තුරු ඇඳිරි නීතිය පනවා ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.

26 April 2019

‘වැරදිකරු දුටු තැන දඬුවම් කළා නම් යළිත් ත්‍රස්තවාදයක් ඇතිවන්නේ නැහැ’

වැරදිකරුවා දුටු තැන ඔහුට දඬුවම් කිරීම කළා නම් යළිත් රට තුළ විනාශකාරී අන්තවාදී ත්‍රස්තවාදයක් ඇතිවන්නේ නැතැයි විපක්‍ෂනායක මහින්ද රාජපක්‍ෂ මහතා පැවසීය.

26 April 2019

දිවිසැරිය නිම කළ පොව්ල්සන්ගේ දරු තිදෙනා ඩෙන්මාර්කයට

ඩෙන්මාර්කයේ ධනවත්ම පුද්ගලයා වශයෙන් සැලකෙන ඇන්ඩර්ස් හොල්ච් පොව්ල්සන් මහතාගේ දරුවන් සිව්දෙනා අතරින් ෂැන්ග්‍රිලා හෝටලයට එල්ල වූ ත්‍රස්ත ප්‍රහාරයෙන් මිය ගිය තිදෙනාගේ මෘත ශරීර විශේෂ ගුවන් යානයක් මගින් අද (26) ඩෙන්මාර්කයට ගෙන යනු ලැබීය.

26 April 2019

‘තවත් ආගමකට, පහර දීම ඉස්ලාම් දහමට පටහැනි’

“තවත් ආගමකට, තවත් ජන කොටසකට පහර දීම” ඉස්ලාම් දහමට පටහැනි යැයි සිකුරාදා දේව මෙහෙය පවත්වමින් කොළඹ දෙවටගහ මුස්ලිම් පල්ලියේ ඉක්බාල් මවුලවිතුමෝ අද (26) ප්‍රකාශ කළහ.

26 April 2019

කල්මුනේ වෙඩි හුවමාරුවක් - පිපිරීම් තුනක්

කල්මුනේ සයින්දමර්දු ප්‍රදේශයේ සෝදිසි මෙහෙයුමක නිරත විශේෂ කාර්ය බළකායේ භට පිරිසක් සහ යුද හමුදා පිරිසක් මීට සුළු මොහොතකට පෙර සන්නද්ධ කණ්ඩායමක් සමඟ වෙඩි හුවමාරුවක නිරතවන බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පැවසීය.

26 April 2019

බදුර්දීන් සියලු චෝදනා ප්‍රතික්ෂේප කරයි

සුළු කර්මාන්තකරුවන්ට දෙන සහන යටතේ කර්මාන්ත සංවර්ධන මණ්ඩලයේ අවසර පත් මඟින් ලබා ගන්නා තඹවලින් කරන නිෂ්පාදන ගැන හෝ එම නිෂ්පාදන විදේශ ගත කරන්නේ ද යන්න ගැන තම අමාත්‍යංශය සොයා නොබලන බව අමාත්‍ය රිෂාඞ් බදුර්දීන් මහතා එම අමාත්‍යංශයේ පැවැති මාධ්‍ය හමුවකදී ප‍්‍රකාශ කළේය.

26 April 2019