එසැණ පුවත්

අයිඑස්අයිඑස් සමාජිකයෙකු දර්ගා නගරයේදී අත්අඩංගුවට

අයිඑස්අයිඑස් ත්‍රස්ත සංවිධානයේ සමාජිකයෙකු අලුත්ගම දර්ගා නගරයේ ඔහුගේ නිවසේදී අද (25) අත්අඩංගුවට ගත් බව අලුත්ගම පොලිසිය කියයි.

25 April 2019

බැල්ලියකගෙන් කිරි බිවූ දරුවකු රෝහල් ගත කෙරේ

නිවසේ ඇති කරන බැල්ලියකගෙන් කිරි උරා බීම නිසා වෛද්‍ය ප්‍රතිකාර සඳහා මාතර මහ රෝහල වෙත රැගෙන ආ අවුරුදු තුන හමාරක් වයසැති පිරිමි දරුවකු පිළිබඳ පුවතක් මාතර ප්‍රදේශයෙන් වාර්තා වේ.

25 April 2019

මඩකලපුව දේවස්ථානයේ පිපිරීම සිදු කළ බෝම්බකරු හඳුනාගනී

මඩකලපුව සියෝන් දේවස්ථානයේදී මරාගෙන මැරෙන ප්‍රහාරයක් එල්ල කරන ලද පුද්ගලයා අද (25) ඔහුගේ මව විසින් හඳුනාගනු ලැබිණි.

25 April 2019

දෙහිවල මහල් නිවාසයක සිටි සැකකටයුතු දෙදෙනෙකු අත්අඩංගුවට

දෙහිවල සුමුදු රාජපක්ෂ මාවතේදී සිදුකළ මෙහෙයුමකදී කල්මුනේ සිට පැමිණි සැකකටයුතු පුද්ගලයින් දෙදෙනෙකු අත්අඩංගුවට ගත් බව පොලිසිය කියයි.

25 April 2019

අයිඑස්අයිඑස් ත්‍රස්ත නායකයින්ගේ ඡායාරූප දුරකථනයේ තිබූ අයෙක් රිමාන්ඩ්

වඳුරඹ මැද කිබිය ප්‍රදේශයේ විහාරස්ථානයක් අසල සැරි සැරූ අයිඑස්අයිඑස් ත්‍රස්ත කණ්ඩායමේ නායකයින්ගේ ඡායාරූප දුරකතනයේ සටහන්ව තිබු සැකකටයුතු පුද්ගලයකු වඳුරඹ පොලිසිය අත්අඩංගුවට ගෙන අද (25) බද්දේගම මහේස්ත්‍රාත් අධිකරණය වෙත ඉදිරිපත් කිරීමෙන් පසු ලබන මස 05 දින දක්වා සැකකරු රක්ෂිත බන්ධනාගාර ගත කිරීමට බද්දේගම මහේස්ත්‍රාත් ධම්මික හේමපාල මහතා නියෝග කළේය.

25 April 2019

මොරටුව බස් නැවතුමේ තිබූ සැකසහිත යතුරු පැදියක් පුපුරුවා හැරේ

මොරටුව ප්‍රධාන බස් නැවතුමේ සැක කටයුතු ලෙස නවතා තිබූ යතුරු පැදියක් පොලිස් විශේෂ කාර්ය බලකා නිලධාරීන් ආරක්ෂාකාරීව පුපුරුවා හැරීමට කටයුතු කළ බව මොරටුව පොලිසිය කියයි.

25 April 2019

පොලිසිය සොයමින් සිටි සැකසහිත ලොරිය වත්තලින් හමුවෙයි

ප‍්‍රහාරයක් එල්ල කිරීමට සූදානමක් ඇති බවට පොලිසිය සොයමින් සිටි WP DAE - 4197 දරන සැක කටයුතු ලොරි රථය අද (25) වත්තල නායක්කන්ද ප‍්‍රදේශයේ දී කොටහේන පොලිසිය අත්අඩංගුවට ගනු ලැබීය.

25 April 2019

අනන්‍යතාවය තහවුරු කිරීමට නොහැකි වූ 13 ක් කල්පිටියේදී අත්අඩංගුවට

කල්පිටිය එත්තාලේ තිහලිය ප්‍රදේශයේ පොලිසිය සහ නාවික හමුදාව එක්ව සිදුකළ මෙහෙයුමකදී අනන්‍යතාවය තහවුරු කර ගැනීමට නොහැකි වූ කාන්තාවක් ඇතුළු 13 දෙනෙකු අද (25) අත්අඩංගුවට ගත් බව කල්පිටිය පොලිසිය කියයි.

25 April 2019

බුහාරි මුස්ලිම් පල්ලියට ප්‍රහාරයක් එල්ල කිරීමට ගිය 2 ක් අත් අඩංගුවට

බේරුවල බුහාරි මුස්ලිම් පල්ලියට ප්‍රහාරයක් එල්ලකිරීමට සැලසුම් කළ බවට සැකපිට සිංහල නමකින් පෙනී සිටි දිගන ප්‍රදේශයේ පදිංචි මුස්ලිම් පුද්ගලයන් දෙදෙනෙකු කළුතර කොට්ඨාශ නීතිය බලගැන්වීමේ ඒකකය අද (25) අත් අඩංගුවට ගෙන ඇත.

25 April 2019

ප්‍රහාරවලින් මියගියේ 253 යි - සෞඛ්‍ය සේවා අධ්‍යක්ෂ ජනරාල්

පාස්කු ඉරිදා දිනයේ දිවයිනේ ප‍්‍රදේශ කිහිපයකට එල්ල වූ ත‍්‍රස්ත ප‍්‍රහාරවලින් මියගිය සංඛ්‍යාව ආසන්න වශයෙන් 253 ක් බවත් 359 දෙනෙකු මිය ගොස් නැති බවත් සෞඛ්‍ය සේවා අධ්‍යක්‍ෂ ජනරාල් විශේෂඥ වෛද්‍ය අනිල් ජාසිංහ මහතා නිවේදනයක් නිකුත් කරමින් කියා සිටී.

25 April 2019

ජුම්මා යාඥාව නොපවත්වන්නැයි ඉල්ලීමක්

මේ වන විට රට තුළ පවතින ආරක්ෂිත තත්වය සැළකිල්ලට ගෙන හෙට (26) දිනයේ මුස්ලිම් පල්ලිවල සාමුහික ජුම්මා යාඥාව පැවැත්වීමෙන් වැළකී සිටින්නැයි තැපැල් සේවා හා මුස්ලිම් ආගමික කටයුතු අමාත්‍ය එම්.එච්.අබ්දුල් හලීම් මහතා ඉල්ලීමක් කර තිබේ.

25 April 2019

බලංගොඩින් අත්අඩංගුවට ගත් තරුණයා රඳවා ප්‍රශ්න කරන්න නියෝග

පාර්ලිමේන්තුවට ඇතුළු විමේ බලපත්‍ර සහ ජිව උණ්ඩ සමඟ බලන්ගොඩ කිරිමැටිතැන්න ප්‍රදේශයේ දී අත්අඩංගුවට ගත් 27 හැවිරිදි තරුණයා රඳවාගෙන ප්‍රශ්න කිරිම සඳහා බලන්ගොඩ මහෙස්ත්‍රාත් සහ දිසා විනිසුරු ජයරුවන් දිසානායක මහතා අද (25) බලන්ගොඩ පොලිසිය වෙත අවසර ලබා දුන්නේය.

25 April 2019

ජාතික ආරක්‍ෂාව භාර ආයතන ප‍්‍රතිව්‍යුහගත කළ යුතුයි

ජාතික ආරක්‍ෂක කවුන්සිලය ප‍්‍රමුඛ ජාතික ආරක්‍ෂාව භාර ආයතන බිඳ වැටී ඇති බැවින් වහාම ජාතික ආරක්‍ෂාව භාර ආයතන විද්‍යාත්මකව ප‍්‍රතිව්‍යුහගත කළ යුතු බව ශ්‍රී ලංකා පොදුජන පෙරමුණ අද (25) පැවැති සර්ව පාක්‍ෂික සමුළුවට ඉදිරිපත් කළ යෝජනාවලියේ සඳහන් වේ.

25 April 2019

අගමැති විදේශ අමාත්‍යාංශයෙන් කරුණු විමසයි

එක්සත් ජාතීන්ගේ සංවිධානය විසින් ගිය වසරේ (2018) සම්මත කළ ලෝකයේ ත්‍රස්තවාදය මුලිනුපුටා දැමීමේ යෝජනාවට ශ්‍රී ලංකාව මෙතෙක් අත්සන් නොකලේ නම් ඒ සම්බන්ධයෙන් වහාම කරුණු දක්වන ලෙස අග්‍රාමාත්‍ය රනිල් වික්‍රමසිංහ මහතා විදේශ අමාත්‍යංශයටයට අද (25) නියෝග කළේය.

25 April 2019

‘ඇමෙරිකාව එන්නේ සහය දෙන මුවාවෙන් ලංකාවේ යුද තිප්පලක් හදාගන්නයි’

ඉස්ලාම් අන්තවාදය මැඞීමට සහය දෙන බව කියමින් ශ්‍රී ලංකාව තමන්ගේ යුද තිප්පොළක් බවට පත්කරගැනීමට ඇමෙරිකාව උත්සාහ කරන බවත්, එයට ඉඩ නොදී අපේ රණවිරුවන් ශක්තිමත් කර එම අන්තවාදය මැඞීමට රජය පියවර ගත යුතු බවත් ජාතික නිදහස් පෙරමුණේ පාර්ලිමේන්තු මන්ත‍්‍රී ජයන්ත සමරවීර මහතා පැවසීය.

25 April 2019

ආරක්ෂක ලේකම්වරයා ධූරයෙන් ඉල්ලා අස්වෙයි

ආරක්ෂක ලේකම් හේමසිරි ප්‍රනාන්දු මහතා අද (25) සිය ධූරයෙන් ඉල්ලා අස්විය.

25 April 2019

බුර්කාව ඉවත් කරගන්නැයි ජම්ඉයියතුල් උලමා සංගමය ඉල්ලයි

රටේ පවතින ආරක්ෂක තත්ත්වය සැලකිල්ලට ගනිමින් ප‍්‍රසිද්ධ ස්ථානවල ගමන් බිමන් යාමේදී මුහුණු ආවරණ ඉවත් කරගෙන යන ලෙසට සමස්ත ලංකා ඉස්ලාම් ආගමික වියතුන්ගේ සංගමය (සමස්ථ ලංකා ජම්ඉයියතුල් උලමා) සියලුම මුස්ලිම් කාන්තාවන්ගෙන් ඉල්ලිමක් කරයි.

25 April 2019

සැකකරුවන් හඳුනාගැනීමට සීඅයිඩීය මහජන සහය පතයි

පසුගිය දා සිදුවූ බෝම්බ පිපිරවීම්වලට අදාලව සැකකරුවන් හා සැකකාරියන් කිහිප දෙනෙකු හඳුනා ගැනීම සඳහා මහජන සහය අපේක්‍ෂා කරන බව අපරාධ පරීක්‍ෂණ දෙපාර්තමේන්තුව පවසයි.

25 April 2019

මුස්ලිම් අන්තවාදීන්ගෙන් රට මුදා ගැනීමට ඇමැති පාඨලීගෙන් යෝජනා 10ක්

රට මුස්ලිම් අන්තවාදී ත‍්‍රස්තවාදයෙන් මුදාගැනීමට නම් ජාතික තවුහිද් ජමාද් ව්‍යාපාරය හා අනුබද්ධ සංවිධාන තහනම් කර සාමාජිකයන් අත්අඩංගුවට ගැනීමත්, නිකාබ් හා බුර්කාව පැළඳීම තහනම් කිරීමත් වහාම කළ යුතුව ඇතැයි ජාතික හෙළ උරුමයේ ප‍්‍රධාන ලේකම්, මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

25 April 2019

අභ්‍යන්තර කටයුතු අමාත්‍යංශයට කැබිනට් ඇමැතිවරයෙක් පත්කරන්න’යි යෝජනාවක්

රටේ ජාතික ආරක්ෂාවට සම්බන්ධ නීතිය, සාමය හා අභ්‍යන්තර කටයුතු අමාත්‍යංශය වෙනම විෂයක් ලෙස තනි කැබිනට් අමාත්‍යවරයකු ලෙස තිබිය යුතු බව රජය දැඩි ස්ථාවරයක සිටින බව සභානායක ලක්ෂ්මන් කිරිඇල්ල මහතා පැවසීය.

25 April 2019

රෑ 10 සිට යළිත් ඇදිනීතිය

අද රාත්‍රී 10 සිට හෙට අලුයම 4 දක්වා පොලිස් ඇදිරිනීතිය ක්‍රියාත්මක කෙරෙන බව පොලිස් මාධ්‍ය ප්‍රකාශක කාර්යාලය කියයි.

25 April 2019

රයන් යළි රිමාන්ඩ්

කේරල ගංජා ළඟ තබා ගෙන පලා යාම සම්බන්ධයෙන් සැකපිට රක්ෂිත බන්ධනාගාර ගත කළ නලු රයන් වැන්රොයන් මහතා මැයි 2 වැනිදා තෙක් තවදුරටත් රක්ෂිත බන්ධනාගාර ගත කරන ලෙස මාතර ප්‍රධාන මහේස්ත්‍රාත් ඉසුරු නෙත්තිකුමාර මහතා අද (25) නියෝග කළේය.

25 April 2019

ජාතික ශික්ෂණ විද්‍යා ඩිප්ලෝමා විභාගය කල්යයි

රටේ පවතින තත්වය හේතුවෙන් ජාතික ශික්ෂණ විද්‍යා ඩිප්ලෝමා අවසාන විභාගය - 2018 නැවත දැනුම්දෙන තුරු කල්දැමු බව අධ්‍යාපන අමාත්‍යංශය සඳහන් කරයි.

25 April 2019

පොලිස් ලොක්කන් රැසකට මාරුවීම්

රටේ ඇතිවූ හා ඉදිරියට ඇතිවිය හැකි අනාරක්ෂිත තත්වය හා ජාතික ආරක්ෂාවට බලපාන තර්ජන සළකා පොලිසියේ ඉහළ නිලධාරීන් කිහිප දෙනෙකු ස්ථාන මාරු කළ බව ජාතික පොලිස් කොමිසම කියයි.

25 April 2019

පාසල්වල ආරක්ෂක කමිටුවක් පිහිටවන්න’යි දැනුම්දෙයි

රටපුරා පාසල්වල ආරක්ෂාව දැඩි කිරීම සඳහා සෑම පාසලකම ආරක්ෂක කමිටුවක් පිහිටුවා ගන්නැයි අධ්‍යාපන අමාත්‍යංශය විශේෂ චක්‍රලේඛයක් නිකුත් කරමින් විදුහල්පතිවරුන්ට දැනුම් දී තිබේ.

25 April 2019

ප්‍රහාර එල්ල වූ සැණින් ජනාධිපති ලංකාවට නොපැණියේ මන්දැයි පසුපෙළ මන්ත්‍රීවරු අසති

මරාගෙන මැරෙන බෝම්බ ප්‍රහාර සිදුව තිබියදීත් සිංගප්පුරුව බලාගොස් සිටි ජනාධිපති , ආරක්ෂක ,නීතීය හා සාමය පිළිබඳ ඇමැති මෛත්‍රීපාල සිරිසේන මහතා කඩිනමින් මෙරටට නොපැමිණියේ මන්දැයි ආණුඩුවේ පසුපෙළ මන්ත්‍රීවරු ජනාධිපතිවරයා හමුවී කරුණු පැහැදිලි කර ගැනීමට තීරණය කර ඇත.

25 April 2019

බුද්ධි තොරතුරු ඉහළ සිට පහළට ගැලුවා විතරයි

කතෝලික දේවස්ථාන ඇතුළු සංචාරක හෝටල්වලට මරාගෙන මැරෙන ප්‍රහාර එල්ල කළ බවට අප්‍රේල් 4 වැනිදා තොරතුරු ලැබීමෙන් පසුව එය පොලිස් දෙපාර්තමේන්තුවේ ඉහළම නිලධාරීන්ගේ සිට ඊළඟ නිලධාරීයා දක්වා තොරතුරු යොමු කිරීම හැර වෙනත් කිසිදු ක්‍රියා මාර්ගයක් ගෙන නැතැයි රජයට ඉදිරිපත් කළ රහස්‍ය වාර්තාවක සඳහන් වේ.

25 April 2019

එක්සත් ජාතීන්ගේ මහලේකම් ශෝකය පළකරයි

පාස්කු ඉරිදා දිනයේදී කොළඹ පිහිටි ප්‍රධාන පෙළේ හෝටල් ත්‍රිත්වයකට සහ කතෝලික දේවස්ථාන ඇතුළු ස්ථාන කිහිපයකදී පුපුරා ගිය මරාගෙන මැරෙන බෝම්බ ප්‍රහාරවලින් මියගිය සහ තුවාල ලැබූ පිරිසට ශෝකය සහ කනගාටුව පළ කරමින් එක්සත් ජාතීන්ගේ මහලේකම් ඇන්තෝනියෝ ගුටරෙස් මහතා ඇමෙරිකා නිව්යෝක් නුවර පිහිටි ශ්‍රී ලංකා නිත්‍ය නියෝජිත කාර්යාලයට පැමිණ එහි තිබෙන විශේෂ සටහන් පොතේ සටහනක් ලියා තැබුවේය.

25 April 2019