එසැණ පුවත්

අගමැති ලේකම් ගාමිණි සෙනරත්

නව අග්‍රාමාත්‍ය ලේකම්වරයා වශයෙන් ගාමිණී සෙනරත් මහතා ජනාධිපති ගෝඨාභය රාජපක්ෂ මහතා විසින් ඊයේ (10) පත්කරනු ලැබීය.

11 August 2020

මන්ත්‍රී අතාවුල්ලාත් ආණ්ඩූවට හවුල්වෙයි

මෙවර මහ මැතිවරණයේදී එක් මන්ත්‍රී ආසනයක් පමණක් හිමිකරගත් තම පක්ෂය පාර්ලිමේන්තුවේදී නව රජයට සහාය පළ කරමින් ආණ්ඩු පක්ෂයේ අසුන් ගන්නා බව ඒ. එල්. එම්. අතාවුල්ලා මහතාගේ නායකත්වයෙන් යුත් ජාතික කොංග්‍රසය කියයි.

11 August 2020

පිල්ලෙයාන්ගේ සහායත් නව රජයට

මඩකළපුව දිස්ත්‍රික්කයට පමණක් තරග කර එක් මන්ත්‍රී අසුනක් හිමිකර ගත් තම පක්ෂය නව රජයට සහාය පළ කරමින් පාර්ලිමේන්තුවේ අසුන් ගන්නා බව ‘තමිල් මක්කල් විඩුදල පුලිගල් හෙවත් ටී. එම්. වී. පී. පක්ෂය කියයි.

11 August 2020

ගම්පහ රෝහලේ හෙද-හෙදියෝ වැඩ වරති

ගම්පහ මහ රෝහලෙහි අධ්‍යක්ෂවරයා හෙද හෙදියන්ගේ පාලනයට අනිසි ලෙස මැදිහත්වීමක් කරන බව සඳහන් කරමින් හෙද-හෙදියෝ වර්ජනයක් ආරම්භ කළහ.

11 August 2020

එජාප නායකත්වයට නම් 4ක්

එක්සත් ජාතික පක්ෂ ජ්‍යෙෂ්ඨයන්ගේ හමුව එජාප නායක රනිල් වික්‍රමසිංහ මහතාගේ ප්‍රධානත්වයෙන් පිටකෝට්ටේ සිරිකොත පක්ෂ මූලස්ථානයේදී ඊයේ (10) පෙරවරුවේ පැවැති අතර රනිල් වික්‍රමසිංහ මහතා එහිදි මෙම දැන්වීම කළේය.

11 August 2020

ලොරි - ටිපර් රථ අනතුරින් අයෙක් මරුට-අයෙක් රෝහලේ

දඹුල්ල-මාතලේ ප්‍රධාන මාර්ගයේ දඹුල්ල ලෙනදොර පාසල අසළදී අද(11) ලොරි රථයක් සහ ටිපර් රථයක් මුහුණට මුහුණ ගැටීමෙන් එක් අයෙකු මියගොස් තවත් අයෙකු බරපතල තුවාල ලබා දඹුල්ල රෝහලට ඇතුළත් කර ඇතැයි පොලීසිය කියයි.

11 August 2020

ගෝන අං තට්ටු 18 ක් සමඟ සංචාරක නිකේතනයක කළමනාකරු දැලේ

නුවරඑළිය ප්‍රදේශයේ සංචාරක නිකේතනයක තිබී ගෝන අං තට්ටු 18 ක්, ගෝන කකුල් දෙකක්, මුහුදු බෙල්ලන්ගේ කවච විශාල ප්‍රමාණයක් සහ පිඹුරු හැවක් බාරයට ගත් බව නුවරඑළිය වනජීවි කාර්යාලයේ අඩවි සහකාර අතුල යාපා මහතා පැවසීය.

11 August 2020

පිස්තෝල දෙකක් -උණ්ඩ සමඟ දෙදෙනෙක් අත්අඩංගුවට

මතුගම යටදොල ප්‍රදේශයේ පුද්ගලයින් දෙදෙනකු සතුව තිබී පිස්තෝල දෙකක් හා උණ්ඩ 05 ක් සොයාගැනීමට හැකි වී ඇතැයි පොලීසිය කියයි.

11 August 2020

කුරුණෑගල මහ නගර සබේ වැඩ නවතී

කුරුණෑගල රාජසභා මණ්ඩපය කඩා දැමීම සම්බන්ධයෙන් කුරුණෑගල නගරාධිපති ඇතුළු නිලධාරීන් පිරිස අත්අඩංගුවට ගැනීමට වරෙන්තු නිකුත් කිරීමේ නියෝගයට විරෝධය පළ කරමින් කුරුණෑගල මහා නගර සභාවේ සමස්ත කාර්ය මණ්ඩලයම සේවයට වාර්තා නොකිරීමෙන් අද (11) නගර සභාවේ සියලුම කටයුතු අඩපණ විය.

11 August 2020

දූෂණයට බරවූවන්ට ඇමැති පදවි දෙන්න එපා

ජනාධිපතිතුමාගේ නායකත්වයෙන් ආරම්භ කර ඇති ‘සෞභාග්‍යයේ දැක්ම’ මගින් ප්‍රකාශිත දේශහිතෛශී වැඩපිළිවෙළ බලගන්වා මහජනතාවගේ යහපත් අභිලාෂයන් සාක්ෂාත් කිරීමට නම් ආදර්ශවත් වියත්, බුද්ධිමත් රටට හා ජනතාවට අවංක දක්ෂ සුපිළිපන් පුද්ගලයන්ගෙන් සමන්විත නව අමාත්‍ය මණ්ඩලයක් පත්විය යුතු යැයි ත්‍රෛනිකායික මහ නා හිමිවරුන් ප්‍රමුඛ මහා සංඝරත්නය නිවේදනයක් නිකුත් කරමින් ප්‍රකාශ කර ඇති බව අප පුවත්පත ඊයේ වාර්තා කළේය.

11 August 2020

පැය තුනක දී 112 ක් අත්අඩංගුවට

ග්‍රෑන්ඩ්පාස් පොලිස් වසම මූලික කරගෙන පැය 3 ක් පුරා සිදුකළ සෝදිසි මෙහෙයුමේදී මත්ද්‍රව්‍ය ළඟ තබා ගැනීම හා විවිධ වැරදි සිදු කිරීම සම්බන්ධයෙන් අවශ්‍ය කර සිටි පුද්ගලයන් 112 දෙනෙකු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා පැවසීය.

11 August 2020

මධ්‍යම කඳුකරයට තද වැසි

මධ්‍යම කඳුකරයේ බටහිර බෑවුම් ප්‍රදේශවල පිහිටි ජල පෝෂක ප්‍රදේශවලට තවදුරටත් තද වැසි පතිත වීමෙන් ජන ජිවිතයට ගැටළු රැසක් මතු වී තිබේ.

11 August 2020

ලෙබනන ආණ්ඩුව ඉල්ලා අස්වෙයි

දැවැන්ත පිපිරීමකින් ලෙබනනයේ බේරූට් අගනුවර මහ ව්‍යවසනයකට මුහුණ දීමෙන් පසු එරට අග්‍රාමාත්‍යවරයා ප්‍රමුඛ ආණ්ඩුව අද (10) ඉල්ලා අස්විය.

10 August 2020

පාර්ලිමේන්තුවේ සිටි මන්ත්‍රීවරු 30 කට විශ්‍රාම වැටුප් අහිමිවෙයි

ඉකුත් පාර්ලිමේන්තුවට පළමුවරට පත්ව සිට මෙවර පත් නොවූ මන්ත්‍රීවරුන් 32කට පාර්ලිමේන්තු මන්ත්‍රී විශ්‍රාම වැටුප අහිමි වේ.

10 August 2020

තවත් කොරෝනා ආසාදිතයෙකු වාර්තා වෙයි

කොරෝනා ආසාදිතයින් 26 දෙනෙකු හඳුනාගැනීමත් සමඟ අද (10) වනවිට මෙරටින් හඳුනාගත් සමස්ථ රෝගීන් ගණන 2870 ක් දක්වා ඉහළ ගොස් ඇති බව වසංගත රෝග විද්‍යා අංශය සඳහන් කරයි.

10 August 2020

ව්‍යාජ රියදුරු බලපත්‍ර 500 ක් මුද්‍රණය කළ අයෙක් අත්අඩංගුවට

කොරෝනා වසංගත සමයේදී රජයේ නිල මුද්‍රා භාවිතා කරමින් ව්‍යාජ රියදුරු බලපත්‍ර 500 ක් පමණ මුද්‍රණය කළ පුද්ගලයෙක් (10) අත්අඩංගුවට ගත්බව කිරුලපන පොලිසිය පවසයි.

10 August 2020

අංගොඩ ලොක්කාගේ ඇගිලි සළකුණු ඉන්දීය මහකොමසාරිස් කාර්යාලයට බාරදෙයි

ඉන්දියාවේ මධුරේ ප්‍රදේශයේ දී මියගිය බව කියන සංවිධානාත්මක අපරාධකරුවකු වන ලසන්ත චන්දන පෙරේරා හෙවත් අංගොඩ ලොක්කා සම්බන්ධ ඩී.එන්.ඒ පරීක්ෂණයක් සිදුකිරීම සඳහා එම පරීක්ෂණයට අවශ්‍ය ඇගිලි සළකුණු ඇතුලු ඩී.එන්.ඒ සාම්පල් මෙරට ඉන්දීය මහකොමසාරිස් කාර්යාලයට බාරදුන් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා පැවසීය.

10 August 2020

රාජිතට සිතාසි

ජනාධිපතිවරණයට පෙර මාධ්‍ය හමුවක් පවත්වා සුදුවෑන් වලින් පුද්ගලයින් පැහැරගෙන ගොස් කිඹුලන් ගහණ වැවකට දැමුවේ යැයි පැවසූ බවට චෝදනා ලැබ සිටින හිටපු අමාත්‍ය රාජිත සේනාරත්න මහතා ඇතුළු විත්තිකරුවන් දෙදෙනාට ලබන 28 වැනිදා අධිකරණයේ පෙනී සිටින ලෙස දැනුම් දෙමින් කොළඹ මහාධිකරණ විනිසුරු ගිහාන් කුලතුංග මහතා අද (10) සිතාසි නිකුත් කළේය.

10 August 2020

ඉන්දියාවේ හිටපු ජනපතිට කොරෝනා

ඉන්දියාවේ හිටපු ජනාධිපති ප්‍රනාබ් මුකර්ජි මහතාට කොවිඩ් -19 වයිරසය ආසාදිත වී ඇති බවට තහවුරු වී ඇතැයි එන්.ඩී.ටී.වී පුවත් සේවය වාර්තා කර ඇත.

10 August 2020

කුරුණෑගල නගරාධිපති ගැන සිදුකළ ප්‍රකාශයක් සම්බන්ධයෙන් විමර්ශනයක්

කුරුණෑගල ‘බුවනෙක හෝටලය’ නමින් පැවති කුරුණෑගල රාජසභා මණ්ඩප ගොඩනැගිල්ලට හානි කිරීමේ සිද්ධිය සම්බන්ධයෙන් කුරුණෑගල නගරාධිපතිවරයාගේ රෝම කූපයකටවත් හානියක් වීමට ඉඩ නොදෙන බවට රටේ එක්තරා ප්‍රබල චරිතයක් පසුගියදා කළ ප්‍රකාශය සම්බන්ධයෙන් විමර්ශනයක් ආරම්භ කොට ඇතැයි නීතීපතිවරයා නියෝජනය කරමින් පෙනී සිටි ජ්‍යෙෂ්ඨ නියෝජ්‍ය සොලිසිටර් ජනරාල් සරත් ජයමාන්න මහතා කුරුණෑගල මහෙස්ත්‍රාත් සම්පත් හේවාවසම් මහතාට අද (10) දැනුම් දුන්නේය.

10 August 2020

අංගොඩ ලොක්කාගේ කල්ලියට කොළඹ අවට පර්චස් 928 ක්

අංගොඩ ලොක්කාගේ කල්ලිය විසින් කොළඹ ඇතුලු බස්නාහිර පළාත තුළ පර්චස් 928 ක ඉඩම් ප්‍රමාණයක් බලහත්කාරයෙන් අත්පත් කරගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා පැවසීය.

10 August 2020

කොරෝනා වයිරසයෙන් ඉන්දියාවේ වෛද්‍යවරු 200ක් මියගිහින්

කොවිඩ් -19 වසංගතයට ගොදුරුවීමෙන් ඉන්දීය වෛද්‍යවරු 201 දෙනෙකු මියගොස් තිබේ. ඉන්දීය වෛද්‍ය සංගමයේ මහලේකම් වෛද්‍ය ආර්.වී අසෝකන් මහතා උපුටා දක්වමින් එරට ඒ.එන්.අයි පුවත්සේවය මේ බව වාර්තා කර ඇත.

10 August 2020

නව ර‍ජයේ අමාත්‍යාංශ ව්‍යුහය ගැසට් කෙරේ

නව රජයේ අමාත්‍යාංශ හා රාජ්‍ය අමාත්‍යාංශ ව්‍යුහය සහ ඒවායේ විෂය පථය ඇතුළත් ගැසට් නිවේදනය ‍‍අද (10) පස්වරුවේ නිකුත් කෙරිණි.

10 August 2020

රැඳවියන් හමුවීමට පනවා තිබූ තහනම 15 දා සිට ඉවතට

රැඳවියන්ට අමුත්තන් හමුවීම සඳහා පනවා තිබූ තහනම අගෝස්තු 15 වැනිදා සිට ඉවත්කරන බව බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවසීය.

10 August 2020

ෆේස්බුක් සාදයේ 19 කට ඇප

ෆේස්බුක් සාදයකට සහභාගී වෙමින් සිටියදී අත්අඩංගුවට ගත් තරුණ තරුණියන් පිරිස හොරණ අධිකරණයට ඉදිරිපත් කිරීමෙන් පසුව එයින් 19 දෙනෙකු රුපියල් ලක්ෂය බැගින් වූ ශරීර ඇප මත මුදා හරින ලෙස මහේස්ත්‍රාත් චානිමා විජේබණ්ඩාර මහත්මිය නියෝග කළාය.

10 August 2020

රනිල් ඉල්ලා අස්වෙන්න සූදානම් බව නවීන් කියයි

එක්සත් ජාතික පක්ෂයේ නායක රනිල් වික්‍රමසිංහ මහතා පක්ෂ නායකත්වයෙන් ඉල්ලා අස්වීමට සූදානම් බව, පක්ෂයේ ජ්‍යෙෂ්ඨ සාමාජිකයන්ට දැනුම් දී ඇති බව එජාප ජාතික සංවිධායක නවීන් දිසානායක මහතා පවසයි.

10 August 2020

අංගොඩ ලොක්කාට අයත් ලොරි තුනක් සොයා ගනී

ඉන්දියාවේ දී මියගිය බව කියන අංගොඩ ලොක්කාට අයත් රුපියල් එක් කෝටි පනස් ලක්ෂයක් වටිනා ටිපර් රථ 3 ක් මුල්ලේරියාව ප්‍රදේශයේ පාලු ඉඩමක දමා ගොස් තිබිය දී පොලිස් බාරයට ගත් බව නුගේගොඩ කොට්ඨාස අපරාධ විමර්ශන අංශය කියයි.

10 August 2020

සා.පෙළ හැඳුනුම්පත් අයදුම්පත් ලක්ෂයක් තවම ලැබී නැහැ

ලබන දෙසැම්බර් මාසයේ අධ්‍යයන පොදු සහතිකපත්‍ර සාමාන්‍ය පෙළ විභාගයට පෙනී සිටින පාසල් දරුවන්ගේ හැඳුනුම්පත් අයදුම්පත් ලක්ෂයක් පමණ මේ දක්වා ලැබී නැතැයි පුද්ගලයන් ලියාපදිංචි කිරීමේ දෙපාර්තමේන්තුව පවසයි.

10 August 2020