යුක්රේන ගුවන් යානයට මිසයිල ප්‍රහාරයක් එල්ල කිරීම සම්බන්ධයෙන් සැකකරුවන් ගණනාවක් අත්අඩංගුවට ගෙන ඇතැයි ඉරානය පවසයි.ප්‍රහාරය හෙළාදකිමින් සිව්වැනි දිනටත් පැවැත්වෙන රාජ්‍ය විරෝධී උද්ඝෝෂණ හමුවේ ඉරානය මේ බව සඳහන් කර ඇත.

ස්වාධීන වාර්තාකරණයකට බාධාවන සීමාකිරීම් හේතුවෙන් උද්ඝෝෂණවල පවතින සැබෑ තත්ත්වය තක්සේරු කිරීම අපහසු වී තිබේ.
සරසවි සිසුන් මෙම උද්ඝෝෂණවල පෙරමුණ ගෙන සිටින අතර ඇතැම් උද්ඝෝෂණ ප්‍රචණ්ඩකාරී ලෙස මර්දනය කරන බවට ද  සාක්ෂි ලැබී ඇත.

උද්ඝෝෂකයින්ට බැටන් පොලු ප්‍රහාර එල්ල කර ඇති බවට හා උද්ඝෝෂණ අතරතුර වෙඩි හඬවල් ඇසුණ බවට වාර්තා වුවත් වෙඩිතැබූ බව පොලිසිය එය ප්‍රතික්ෂේප කරයි.

උද්ඝෝෂකයින් ඛසෙම් සොලෙයිමානිගේ ඡායාරූපවලට ගිනි තබමින් ටෙහෙරාන් ඇතුළු අනෙකුත් නගරවල රාත්‍රිය පුරා ද එක්වී සිටින අයුරු දැක්වෙන වීඩියෝ සමාජ මාධ්‍යවලට මුදාහැර තිබේ.

ඉරාන ප්‍රහාරයකින් සිදුවූ යුක්රේන ගුවන් යානා අනතුරෙන් මියගිය මගීන් 176 දෙනා අතරින් බහුතරයක් ඉරාන පුරවැසියෝ වෙති.

-226-

(රොයිටර් ඇසුරෙනි)