මෙක්සිකෝවේ මෙක්සිකෝ නගරයට කිලෝමීටර් 30ක් දුරින් පිහිටි ටුල්ටෙපෙක් නගරයේ ගිනිකෙළි කර්මාන්තශාලාවක සිදුවූ පිපිරීමකින් 24දෙනකු මියගොස් 40දෙනකු පමණ තුවාල ලබා ඇතැයි වාර්තා වේ.

එක දිගට පිපිරීම් කිහිපයක් සිදුව ඇති බවත් පොලිසිය සමග ගිනි නිවන භටයන් පැමිණෙන අවස්ථාවේ විශාලම පිපිරීම සිදුවූ බවත් පැවසේ. මියගිය අය අතර ගිනිනිවන සේවකයන් ද සිටින බව පොලිසිය පවසයි. අවම වශයෙන් වැඩ බිම් හතරක් පමණ විනාශ වී ඇතැයි ද පොලිසිය පවසයි.

මෙක්සිකෝවේ වාර්ෂික ගිණිකෙළි  සන්දර්ශණය ටුලාටෙපෙක් නගරයේ පවත්වයි.

මෙක්සිකෝවේ ගිනිකෙළි සම්බන්ද අනතුරු බහුලව සිදුවන අතර  2016 වර්ෂයේ සිදුවූ මෙවැනිම පිපිරුමකින් 40කට වැඩි පිරිසක් මියගියහ.

(බීබීසි ඇසුරිණි - 085)