එසැණ පුවත්

බදුල්ලේ පාසල් අද කලින් වහයි

බදුල්ල දිස්ත්‍රික්කයේ සියලුම පාසල්වල අධ්‍යාපන කටයුතු අද (9) දින පෙරවරු 11ට අවසන් කරන බව ඌව පලාත් අධ්‍යාපන අමාත්‍යාංශයේ ලේකම් නිහාල් ගුණරත්න මහතා පවසයි .

බෑග් කර්මාන්ත ශාලාව ගින්නට බිලි

මත්තේගොඩ කිරිගම්පමුණුව ප්‍රදේශයේ පවත්වාගෙන යන අත් බෑග් සහ මුදල් පසුම්බි නිෂ්පාදන කර්මාන්ත ශාලාවක අද අලුයම හටගත් ගින්නකින් එම කර්මාන්ත ශාලාව මුළුමනින්ම විනාශ වී ඇතැයි මත්තේගොඩ පොලිසිය පවසයි.

ගැඹුරු අවපීඩනය පොතුවිල්වලට කිට්ටුවෙන්

ශ්‍රී ලංකාවට ගිනිකොන දෙසින් බෙංගාල බොක්ක මුහුදු ප්‍රදේශවල පවතින ගැඹුරු පීඩන අවපාතය මේ වන විට පොතුවිල් සිට කිලෝ මිටර් 230ක් මණ ගිනිකොන දෙසින් පිහිටා ඇතැයි කලගුණ විද්‍යා දෙපාර්තමේන්තුව අනතුරු අඟවයි.

කුවෙට් ගිය ගුවන් යානයක කාර්මික දෝෂයක්: යානය යළි කටුනායකට

කටුනායක ගුවන් තොටුපොළෙන් කුවේට් බලා පියාසර කළ ශ්‍රී ලන්කන් ගුයානයක් , කාර්මික දෝශයකට ලක් වීම නිසා පැය 02 යි විනාඩි 21 කට පසුව යළිත් කටුනායක ගුවන් තොටුපොළ වෙත ගොඩ බැස්ස වූ බව ශ්‍රී ලන්කන් ගුවන් සේවයේ ආයතනික සන්නිවේදන අංශයේ ප්‍රධානී දීපාල් පෙරේරා මහතා පැවැසීය.

දුරුතු පෙරහරේ උඩ මළුවේ පෙරහර විදී සංචාරය කරයි

කැලණිය රාජමහා විහාරස්ථානයේ දුරුතු මහා පූජා මහෝත්සවයේ පළමු උඩ මළුවේ පෙරහර අද රාත්‍රී 830ට යෙදී තිබූ ශූභ මොහොතින් විදී සංචාරය කිරීම ආරම්භ විය.

විදෙසිකයාගේ බෑගය ඉස්සූ කුලී රථ රියැදුරා මාට්ටු

මෙරට සංචාරයක් සඳහා පැමිණි කුවේට් ජාතික විශ්‍රාමික පොලිස් නිලධාරියකුගේ රුපියල් ලක්ෂ 13 කට ආසන්න වටිනා මුදල් අඩංගු කුඩා බෑගය සොරාගත් කුලී රථ රියදුරා දින 12 කට පසු අත්අඩංගුවට ගත් බව කොටුව පොලිසිය කියයි.

දැදුරුඔය වාන් දොරටු අරී

පවතින වැසි තත්වය හේතුවෙන් අද (08) සවස දැදුරුඔය ජලාශයේ වාන් දොරටු අටෙන් දෙකක් අඩි 02 බැගින් විවෘත කර ඇතැයි ජලාශය බාර වාරි ඉංජිනේරු කාර්‍යාලය කියයි.

උඩදුම්බර පොළොව සෙලවෙයි

මහනුවර ,උඩදුම්බර ප්‍රදේශයේ දේවහන්දිය ගම්මානයට අද (08) පස්වරු 5.05ට පමණ සුළු භූ චලනයක් සිදුව ඇතැයි භූ විද්‍යා සමීක්ෂණ හා පතල් කාර්යාංශය කියයි.

මීටියාගොඩ වත්තකින් ගිනි අවි සහ කුඩු මතුවේ

මීටියාගොඩ වේරගොඩ හරන්නාගල පාරේ ඉඩමක සඟවා තිබු ගිනි අවි උණ්ඩ සහ මත්කුඩු සොයාගත් බව ගෝනහේන පොලිස් විශේෂ බළකා කඳවුරේ නිලධාරීහු පවසති.

ප්‍රා.ලේගේ විවාහ සහතිකය ගැන විමර්ශනයක්

රත්නපුර දිස්ත්‍රික්කයට අයත් ප්‍රාදේශීය ලේකම් කාර්යාලයක දැනට සේවය කරන ප්‍රාදේශීය ලේකම්වරියක ඇගේ විවාහය සම්බන්ධයෙන් කූඨ ලේඛන සකස් කර ඇති බවට පැමිණිල්ලක් ලැබුණු බව පොලිසිය කියයි.

බූස්ස බන්ධනාගාර නියාමකවරු සිවු දෙනෙක් අත්අඩංගුවට

බුස්ස අධි ආරක්ෂිත බන්ධනාගාරයේ සහකාර බන්ධනාගාර අධිකාරිවරයාට රැඳවියන් දෙදෙනකු පහරදිමේ සිද්ධියට ආධාර අනුබල දුන්නේ යැයි කියන චෝදනාවට බූස්ස බන්ධනාගාරයේ නියාමකවරුන් හතර දෙනකු අත්අඩංගුවට ගත් බව රත්ගම පොලිසිය කියයි.

‘‘හයේ ඉංග්‍රීසි පොතේ වැරැද්ද ගැන විමර්ශනයක් කරනවා‘‘

දරුවන්ගේ අධ්‍යාපනය රැක ගැනීම හා අධ්‍යාපන ක්‍රමය දියුණු කිරීම වෙනුවෙන් වත්මන් රජය කැපවන බව අග්‍රාමාත්‍ය ආචාර්ය හරීනී අමරසූරිය මෙනවිය අස්ගිරි,මල්වතු මහා නාහිමිවරුන් හමුවේ පැවැසුවාය.

ඇගළුම් කර්මාන්තශාලාවක ගබඩාවක ගින්නක්

නවගමුව ප්‍රදේශයේ ඇගළුම් කර්මාන්ත ශාලාවක ගබඩාවක් තිබූ ගොඩනැගිල්ලක ඇති වූ ගින්නක් නිසාවෙන් එම ගොඩනැගිල්ල ඇතුලත සම්පූර්ණයෙන් ම විනාශ වී ඇතැයි නවගමුව පොලිසිය පවසයි.

ඕස්ට්‍රේලියාවට තාප තරංග අවදානමක්

ඕස්ට්‍රේලියාවේ බොහෝ ප්‍රදේශවලට හෙට (9) තාප තරංගවලින් බලපෑම් එල්ල වනු බලපානු ඇතැයි අපේකෂා කරන බවත්, ඇතැම් ප්‍රදේශ විනාශකාරී ළැව්ගිනි හටගැනීමට ඉඩ ඇති බවත් එරට කාලගුණ විද්‍යා කාර්යාංශය පුරෝකතනය කර ඇත.

’’මෙරට සියයට 35ක් හොර මත්වතුර බොනවා’’

මෙරට සමස්ත මත්පැන් භාවිතා කරන්නන්ගෙන් සියයට තිස් හතක් පමණ නීති විරෝධී මත්පැන් භාවිතයට ගන්නා බව නවතම සමීක්ෂණවලින් තහවුරී ඇතැයි ශ්‍රී ලංකා මහජන සෞඛ්‍ය පරීක්ෂණවරුන්ගේ සංගමයේ ලේකම් චමිල් මුතුකුඩ මහතා කොළඹදී ඊයේ (7) පැවති ප්‍රවෘත්ති සාකච්ඡාවකදී පැවසීය

වරෙන්තුකරුවෝ 284ක් අත්අඩංගුවට

අපරාධ හා මත්ද්‍රව්‍ය තුරන් කිරීමේ රටම එකට ජාතික මෙහෙයුම යටතේ ඊයේ (7) සිදුකළ පොලිස් මෙ‍හෙයුම්වලින් වරෙන්තුකරුවන් 284 ක් අත්අඩංගුවට ගෙන ඇති බව පොලිස් මාධ්‍ය කොට්ඨාසය පවසයි.

බස්-වෑන් ගැටීමෙන් 4ක් රෝහලට

කරුවලගස්වැව තබ්බෝව තාවකාලික යකඩ පාලම මතදී බස් රථයක් හා වෑන් රථයක් මුහුණට මුහුණ ගැටිමේන් සිදුවු මාරක අනතුරකින් සිව් දෙනෙකු බරපතල තුවාල ලබා පුත්තලම මූලික රෝහලට ඇතුලත් කර ඇති බව කරුවලගස්වැව පොලිසිය කියයි.

මිනුවන්ගොඩ මී උණ රෝගීන් 18ක්: 1මරණයක්

මිනුවන්ගොඩ කොට්ඨාසයේ ගංවතුරට යටවූ ප්‍රදේශවලින් මී උණ රෝගීන් 18 දෙනෙකු සහ එක් රෝගී මරණයක් වාර්තා වී ඇතැයි මිනුවන්ගොඩ සෞඛ්‍ය වෛද්‍ය නිලධාරී කාර්යාලයේ අතිරේක සෞඛ්‍ය වෛද්‍ය නිලධාරී වෛද්‍ය දයාන් සමරසේකර මහතා පවසයි .

මත් ද්‍රව්‍ය සමඟ ජාවාරම්කරු දැලේ

හැඳ සිටි සරමේ රහස් සාක්කුවක සඟවා බණ්ඩාරගම අටුළුගම ප්‍රදේශයට මත්ද්‍රව්‍ය රැගෙන යමින් සිටි ජාවාරම්කරුවෙකු රුපියල් ලක්ෂ 20 කට ආසන්න වටිනා මත්ද්‍රව්‍ය සමඟ අත්අඩංගුවට ගත් බව බණ්ඩාරගම පොලිසිය සඳහන් කරයි.

සිර මැදිරියේ ඉබ්බා කපා සැකකරු පැන ගිහින්

හෙරොයින් සන්තකයේ තබා ගැනීමේ වරදට අත්අඩංගුවට ගෙන තංගල්ල පොලිස් සිර මැදිරියේ රැදවුම් නියෝග මත රඳවා සිටි සැකකරුවෙකු සිර මැදිරියේ ඉබ්බා කපා අත්අඩංගුවෙන් පැනයාමේ සිද්ධියක් සම්බන්ධයෙන් තංගල්ල පොලිසියේ උප පොලිස් පරීක්ෂකවරයෙකුගේ සහ පොලිස් කොස්තාපල්වරයකුගේ වැඩ තහනම් කළ බව තංගල්ල සහකාර පොලිස් අධිකාරී කාර්යාලය පවසයි.

ලොරියක් මුහුදුබඩ දුම්රිය නවත්වයි

අම්බලන්ගොඩ නගරය ආසන්නයේදී මුහුදුබඩ දුම්රිය මාර්ගයට ඉතාමත් ආසන්න ලෙස බඩු පටවාගත් ලොරියක් හරස්වීමෙන් මේවන විට එම මාර්ගයේ දුම්රිය ධාවනය මුළුමනින්ම ඇනහිට තිබේ.

පීඩන අවපාතය නැගෙනහිර වෙරළ දෙසට

ශ්‍රී ලංකාවට ගිනිකොණ දෙසින් බෙංගාල බොක්ක මුහුදු ප්‍රදේශයේ ස්ථාපිතව පවතින පීඩන අවපාතය ඊයේ රාත්‍රී 11.30 පමණ විට විට පොතුවිල් සිට කිලෝ මිටර් 490ක් ගිනිකොන දෙසින් ,අක්ෂාංශ 5.3°N සහ දේශාංශ 86.0°E ආසන්නයේ කේන්ද්‍රගතව පැවැති බව කාලගුණ විද්‍යා දෙපාර්තමේන්තුව දැනුම් දෙයි

යුක්රේනයේ ආරක්ෂාව තහවුරු කරන්න ප්‍රංශය-බ්‍රිතාන්‍යය සූදානම්

ඉරාන පාලනය වෙනස් කරන්න ඇමෙරිකාව මාන බලනවා

වෙනිසියුලාවේ මදුරෝ පාලනය පෙරළා දැමීමෙන් පසු ඉරානයේ පාලන තන්ත්‍රය වෙනස් කිරීම සඳහා ඇමෙරිකාව සූදානමින් සිටින බවත්, ඊශ්‍රායපය ඒ පසුපස සිටින බවත් විදෙස් දේශපාලන විශ්ලේෂකයෝ පවසති.

වෙනිසියුලාවේ මාධ්‍යවේදීන් 14 ක් අත්අඩංගුවට

ඇමෙරිකා හමුදා, වෙනිසියුලාවේ කැරැකස් අගනුවරට පහර දී, ජනාධිපති නිකලස් මදුරෝ සහ බිරිඳ අත්අඩංගුවට ගෙන, ඇමෙරිකාවට රැගෙන යෑමෙන් පසු වෙනිසියුලාව දිනෙන් දින අර්බුද රැසකට මුහුණ දෙමින් සිටින බව එරට මාධ්‍ය වාර්තා කරයි.

ඩෙන්මාර්කයට නේටෝ රටවල සහාය

ග්‍රීන්ලන්තය අයිති ග්‍රීන්ලන්ත වැසියන්ට බවත්, ග්‍රීන්ලන්තයේ අනාගතය තීරණය කළ යුත්තේ ද ග්‍රීන්ලන්ත වැසියන්ට බවත් නේටෝවට අයත් බටහිර රටවල් ඇමෙරිකා ජනාධිපති ඩොනල්ඩ් ට්‍රම්ප්ට පවසා ඇත.

ඉන්ධන නැව අල්ලා ගත්තාට රුසියාවෙන් ඇමෙරිකාවට විරෝධය

රුසියානු ධජය යටතේ යාත්‍රා කළ මරිනෙරා නම් ඉන්ධන ප්‍රවාහන නෞකාව උතුරු අත්ලාන්තික් මුහුදේදී ඇමෙරිකානු හමුදා සිය භාරයට ගෙන ඇතැයි විදෙස් මාධ්‍ය වාර්තා කළේය.

ගාල්ල නගර සභාවට නව ලේකම්වරියක්

ගාල්ල මහ නගර සභාවේ නව ලේකම්වරිය ලෙස විමංසි තීක්ෂණ චන්ද්‍රලාල් මහත්මිය අද වැඩ බාර ගත්තාය.