එසැණ පුවත්

කිව්.ආර් ගෙවීම් හෙට සිට ඇරැඹෙයි

මුල්‍ය ගනුදෙනු සඳහා ජාතික QR ගෙවීම් පද්ධතිය හඳුන්වාදීම හෙට (6) සිට ඇරැඹෙයි.

05 April 2026

අලුත් සහල් මංගල්‍ය බ්‍රහස්පතින්දා

59 වැනි ජාතික අලුත් සහල් මංගල්‍ය අනුරාධපුර ශ්‍රී මහා බෝධිය අභියසදී බදාදා(8) සහ බ්‍රහස්පතින්දා(9) පැවැත්වේ.

05 April 2026

මත් සැකකරුවෝ 906 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 906 ක් ඊයේ (04) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

05 April 2026

බලු සුරතලා වෙනුවෙන් සාධාරණයක්

විෂ මිශ්‍ර කළ කුකුළු මස් කැබලි ආහාරයට දීමෙන් ඝාතනය වූ සිය සුරතල් බල්ලා වෙනුවෙන් වසර තුනකට අධික කාලයක් තනිවම සටන් වැදුණු චීන ජාතික කාන්තාවක පිළිබඳ පුවතක් මේ වනවිට ප්‍රසිද්ධියට පත් වී ඇත.

05 April 2026

එයාව බේරා ගත්තා !

ඉරානය විසින් බිම හෙළන ලද ඇමරිකානු එෆ් 15 ප්‍රහාරක යානයේ සිටි නියමුවා බේරා ගැනීමට ඇමෙරිකන් හමුදාව සමත් විය. ඒ ත්‍රාසජනක දිවි ගලවා ගැනීමේ මෙහෙයුමකින් පසුවය.

05 April 2026

කේරළ ගංජා සමඟ පොලීසියේ දෙන්නෙක් මාට්ටු

මත්ද්‍රව්‍ය ජාවාරම්කරුවකුට ලබාදීම සඳහා රුපියල් ලක්ෂ පහක වටිනාකමින් යුත් කේරළ ගංජා ක් රැගෙනයමින් සිටි පොලිස් කොස්තාපල්වරුන් දෙදෙනකු ඊයේ (04) වවුනියාව ඊරට්පෙරියකුලම ප්‍රදේශයේදී අත්අඩංගුවටගත් බව වවුනියාව පොලිසිය කියයි.

05 April 2026

‘‘11 සිට දින හතරක් කොළඹට වතුර කපන්නේ නෑ‘‘

අප්‍රේල් 11, 12, 13, 14, යන දිනවල උත්සවය සමය නිසා කිසිදු බිඳ වැටීමකින් තොරව ජලය සපයන බව, ජාතික ජල සම්පාදනය හා ජලාපවාහන මණ්ඩලයේ සභාපති චන්දන බණ්ඩාර මහතා පැවසීය.

05 April 2026

එදිරිවාදය වෙනුවට සාමය පතමු

එදිරිවාදය පෙරදැරිව ගෙන යන යුද්ධය වෙනුවට සියලු ලෝ වැසි ජනතාව සාමය සහ සහජීවනය ප්‍රාර්ථනා කළ යුතු බව ජනාධිපති අනුර කුමාර දිසානායක මහතා පවසයි.

05 April 2026

අලුත් දොස්තරලාගෙන් 96%ක් පත්වීම් ගන්න සූදානම්

මෙවර සීමාවාසික පුහුණුව අවසන් කළ වෛද්‍යවරුන් 453 දෙනකු අතුරින් 435 දෙනකු හෙවත් මුළු පිරිසෙන් 96%ක් පත්වීම් සඳහා සාර්ථකව අයැදුම් කර ඇතැයි සෞඛ්‍ය අමාත්‍යාංශය පවසයි.

05 April 2026

කන්දකාඩුවෙන් රැඳවියෝ 4ක් පැන යති

මත්ද්‍රව්‍යවලට ඇබ්බැහිවූවන් පුනරුත්ථාපනය කරන වැලිකන්ද කන්දකාඩු පුනරුත්ථාපන මධ්‍යස්ථානයේ රැඳවියන් සිව් දෙනෙකු පලාගොස් ඇති බව වැලිකන්ද පොලිසිය කියයි.

05 April 2026

යානයේ වැසිකිළි හුටපටය අවසන්

’ආටිමිස් 2’ ආරම්භවී පළමු දිනයේ ම, ගගනගාමීන්ට ගැටලුවකට මුහුණ දීමට සිදුවිය. එ්, ඔරායන් යානයේ ඇති වැසිකිළිය නිසි ලෙස ක්‍රියාත්මක නොවුණු බැවිනි. වැසිකිළි යෑමට නොහැකි වී පැය ගණනාවක් තිස්සේ ඔවුන් අසරණ වුණු බව පැවැසෙයි.

05 April 2026

යානය සඳ වටා යන්න සූදානම්

නාසා ආටිමිස් II මෙහෙයුමේ ගගනගාමීන් සිව්දෙනා රැගත් ඔරායන් යානය, සඳ වටා ගමන් කිරීමට සූදානමින් සිටී. යානය සඳ දෙසට යන මාර්ගය වෙත යොමු වී ඇති බවත්, මෙය පෘථිවි ගගනගාමීන් පිරිසක් අභ්‍යවකාශයේ වැඩිම දුරක් ගමන් කනරන පළමු අවස්ථාව බවත් නාසා ආයතනය පැහැදිලි කර ඇත.

05 April 2026

තව තියෙන්නේ පැය 48 යි

ඉරානයට ලබා දුන් දින 10 ක සහන කාලය අවසන් බවත්, ඉතිරිව ඇත්තේ පැය 48ක් පමණක් බවත් ඇමෙරිකන් ජනාධිපති ඩොනල්ඩ් ට්‍රම්ප් පවසයි. එම පැය 48 අවසන් වෙද්දී, ඉරානය ඇමෙරිකාව සමඟ පැහැදිලි එකඟතාවකට නොපැමිණෙන්නේ නම්, ඉරානය සුන්නද්ධූලි කර දමන බවට ට්‍රම්ප් ප්‍රතිඥා දී ඇත.

05 April 2026

කෙසෙල්ගමුව ඔයේ සිසුවෙක් සැඟ වේ

කෙසෙල්ගමු ඔයේ ගිලි පාසල් සිසුවකු අතුරුදහන් වී ඇති බව නෝර්වුඩ් පොලිසිය පැවසීය.

04 April 2026

එකලස් කළ වාහන 20ක් සමග තුනක් මාට්ටු

නීත්‍යනුකූල නොවන ලෙස එකලස් කරන ලද සුඛෝපභෝගී නවීනතම රථ ඇතුළු රථ වාහන 20 ක් සමගින් සැකකරුවන් තිදෙනකු අත් අඩංගුවට ගත් බව ⁣බස්නාහිර උතුර අපරාධ කොට්ඨාශය පවසයි.

04 April 2026

සුව සැරිය අලුත් තැනකට

ඉතාම දුෂ්කර තත්ත්වයන් යටතේ ආරම්භකරන ලද 1990 ගිලන්රථ සේවාව අද වන විට ස්ථාවරත්වයට පත්ව ඇති බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

04 April 2026

පොහොර නැවක් හෙට දිවයිනට

පොහොර ටොන් 25,000ක තොගයක් රැගත් නැවක් හෙට (05) දිවයිනට පැමිණීමට නියමිත බව කෘෂිකර්ම සහ පශු සම්පත් නියෝජ්‍ය අමාත්‍ය නාමල් කරුණාරත්න මහතා පවසයි.

04 April 2026

විපක්ෂයේ නායකයන්ට ’’දුරකථන ප්‍රහාරයක්’’

පිවිතුරු හෙළ උරුමයේ නායක නීතිඥ උදය ගම්මන්පිල මහතා විසින් රචිත පාස්කු ප්‍රහාරයේ මහ මොළකරු සොයා යෑම කෘතිය එළිදැක්වීමේ උත්සවයට සහභාගි වූ විපක්ෂයේ නායකයන් කිහිපදෙනෙකු ඔවුනට දුරකථන මාර්ගයෙන් එල්ල වූ දැඩි දෝෂාරෝපණ හේතුවෙන් එම උත්සවය අතරමඟදී ඒ ස්ථානයෙන් පිටව ගොස් ඇතැයි වාර්තාවේ.

04 April 2026

හිඟ වැටුප ඉල්ලා හිටපු මන්ත්‍රීලා සටනේ!

දින 17 කට අදාළ විශ්‍රාම වැටුප( වැටුපේ කොටස) සිංහල අවුරුද්දට පෙර ලබා දෙන ලෙස හිටපු පාර්ලිමේන්තු මන්ත්‍රීවරුන් පාර්ලිමේන්තු ප්‍රධානීන්ගෙන් පසුගියදා ඉල්ලීමක් කර ඇත.

04 April 2026

දරුවන් දවල්ට පාසලෙන් පිටට යැවීම තහනම්!

මහනුවර පාසල් ක්‍රිකට් තරගයක්(බිග් මැච්) අතරතුරදී සිදුවූ රිය අනතුරකින් සිසුන් දෙදෙනකු මියයෑමේ සිද්ධිය සම්බන්ධයෙන් පූර්ණ පරීක්ෂණයක් පවත්වන බව අධ්‍යාපන නියෝජ්‍ය අමාත්‍ය වෛද්‍ය මධුර සෙනවිරත්න මහතා ලංකාදීපයට පැවසීය.

04 April 2026

අස්සජි හිමිට එක්සත් රාජධානි සරසවියකින් සම්මානයක්

හුණුපිටිය ගංගාරාමාධිපති ආචාර්ය කිරින්දේ අස්සජි නාහිමියන්ට එක්සත් රාජධානියේ කැන්ටබරි ක්‍රයිස්ට් චර්ච් විශ්වවිද්‍යාලය ​ගෝලීය අධ්‍යාපනය අධ්‍යාත්මික නායකත්වය සහ ප්‍රජා සේවය ඇගයීමට ලක් කරමින් Lifetime Achievement Honour Award (ජීවිතයේ එක් වරක් පමණක් පිදෙන උපහාර සම්මානය)පිරිනමා තිබේ.

04 April 2026

ලංකාවේ ආහාර අර්බුදයක් අත ළඟ!!

හෝමූස් සමුද්‍ර සන්ධිය වසා දැමීමෙන් නාවුක ගමනාගමනයට බාධා එල්ල වීම ඇතුළු මැද පෙරදිග යුද්ධය හා බැඳුණු විවිධ ගෝලීය කාරණා හේතුවෙන් ලංකාවේ ආහාර අර්බුදයක් නුදුරේම ඇතිවීමේ අවදානමක් පවතින බවට ආර්ථික විශ්ලේෂකයෝ පුරෝකතනය කරති.

04 April 2026

ගස්පේ ප්‍රදේශයේ ඝාතනයක්

ගස්පේ ඉලුක්හේන ප්‍රදේශයේ පදිංචි පුද්ගලයෙකුගේ ගෙල කපා මරා දමා ඇතැයි පල්ලෙවෙල පොලිසිය කියයි.

04 April 2026

සමූපකාර රෝහල් ඩිජිටල්කරණයට

සමූපකාර රෝහල් පද්ධතිය ඩිජිටල්කරණයට ලක් කිරීමට සමූපකාර දෙපාර්තමේන්තුව වැඩපිළිවෙළක් ක්‍රියාත්මක කරන බව සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා පැවැසීය.

04 April 2026

ජී.එල්ගේ ‘‘ශ්‍රී ලංකාවේ සාක්ෂි නීතිය‘‘ නව මුද්‍රණය එළිදැකී

නීතිය පිළිබඳ ප්‍රවීණ මහාචාර්ය ජී.එල්. පීරිස් මහතා රචනා කළ ශ්‍රී ලංකාවේ සාක්ෂි නීතිය නව මුද්‍රණය එළිදැක තිබේ.

04 April 2026

තැනින් තැනට සවස වැස්ස

දිවයිනේ බොහෝ ප්‍රදේශවලට පස්වරු 1.00 න් පසු තැනින් තැන වැසි හෝ ගිගුරුම් සහිත වැසි ඇති වන බව කලගුණ විද්‍යා දෙපාර්තමේන්තුව කියයි.

04 April 2026

හඳට යන ගමන් පෘථිවියේ සේයා රූ එවලා

Artemis II ඔරියන් කැප්සියුලයේ සිටින ගගනගාමීන් සඳ වෙත යන අතරතුර ගත් පළමු ඡායාරූප නාසා ආයතනය විසින් නිකුත් කරන ලදී.

03 April 2026

මිනුම්දෝරූ සහායකයෙක් කුඩුත් එක්ක මාට්ටු

විදේශ ගතව සිටින අපරාධ කල්ලි සාමාජිකයෙකු සහ මත්ද්‍රව්‍ය ජාවාරම්කරුවෙකු වන සමන් කොල්ලා නැමැති අපරාධකරුගේ ප්‍රධානම මත්ද්‍රව්‍ය බෙදාහරින්නෙකු වන දැනට මිනින්දෝරු දෙපාර්තමේන්තුවට අනුයුක්තව රාජකාරි කරනු ලබන සැකකරුවකු හෙරොයින් ග්‍රෑම් 62ක්ද සමග ඇල්පිටිය පොලිසියේ දූෂණ මර්දන අංශය විසින් අද අත් අඩංගුවට ගෙන තිබේ.

03 April 2026