ඔහු එක් නෞකාවක නොවී නෞකා ත්රිත්වයකම හිමිකරුවකු වන්නේය. ඩබ්ලිව්.කේ.එච්. වෑගපිටිය නමැති ඒ අපූරු මිනිසා ගැන අප මීට පෙර විස්තර කතා කොට තිබේ. ලාෆ්ස් සමාගමේ සභාපතිවරයා වන වෑගපිටිය යනු අද වන විට ආසියානු කලාපයේ නැගී එන ධනවත් චරිතයකි. ශ්රී ලංකාවට මහත් අභිමානයක් ගෙන දුන් මේ අපූරු ව්යවසායකයා සතු නෞකා ත්රිත්වය ගැන සහ ඒවා හිමිකර ගත් අරුමය ගැන කියැවෙන්නේ මෙසේය.
නෞකා ත්රිත්වයකම හිමිකාරිත්වය අද ඔබ සතුයි. මෙය ඔබගේ සිහින සැබෑවීමක්ද?
කොහෙත්ම නැහැ. මෙය උපාය මාර්ගික කළමනාකරණ පරමාර්ථයක ඵලයක්. ඒ වගේම ඉලක්කයකට අනුව යන ගමනක ප්රතිඵලයක්. එළැඹෙන වසර පහ ඇතුළතදී නෞකා විස්සක (20) පමණ හිමිකාරිත්වය දැරීම ලාෆ්ස් සමාගමේ අරමුණයි.
ඒ උපාය මාර්ගික පරමාර්ථය ඔබ වටහා ගත්තෙ මොන වගේ හේතු සාධක නිසාද?
මේ ලෝකයේ ආර්ථිකය බටහිර සිට නැගෙනහිරට ගලා එමින් පවතින බවට, පසුගිය වසර පහේදී ලෝක ආර්ථික විද්යාඥයන් මෙන්ම විශ්ලේෂකයන් පුරෝකථනය කළ දෙයක්. ඇමරිකාව, යුරෝපය ප්රමුඛ බටහිර රටවල් ලෝක ආර්ථික මර්මස්ථානයේ කිරුළ දරා ගෙන සිටියා. නමුත් ජාත්යන්තර මූල්ය අරමුදලේ ආර්ථිකය පිළිබඳ 2014 වාර්තාවේ ප්රකාශ වන පරිදි 2025 වන විට ලෝකයේ දළ ජාතික නිෂ්පාදනයෙන් 48% ක් නිෂ්පාදනය වන්නේ ආසියාවේ. ලෝක ජනගහනයෙන් 51% ක් පමණ සිටින්නෙත් ආසියාවේ. එනිසා ලෝක ආර්ථික මර්මස්ථානය දැන් බටහිරින් නැගෙනහිරට ගලා එමින් පවතින බව කියන්න පුළුවනි. ඊට ප්රධානම හේතුව වන්නේ ආසියානු කලාපයේ රටවල ආර්ථික වර්ධනයේ වේගය සහ ජනගහන වර්ධනයයි. එමෙන්ම ඊට සාපේක්ෂව අප ශ්රී ලංකාව සිටින්නේ ආසියාවේ බලවත්ම ආර්ථික මර්මස්ථාන ද්විත්වයකට මැදිවයි. එකක් ඉන්දියාව. අනෙක චීනය. සියයට 6 ක පමණ දළ දේශීය නිෂ්පාදනයක් අඛණ්ඩව මේ රටවල් පවත්වාගෙන යනවා.
චීනය සහ ඉන්දියාවේ ආර්ථිකය අපට බලපාන්නෙ කොහොමද?
දැන් මේ ආර්ථික ප්රගමනයේ වෙනස්වීම සිදුවන්නේ ඉන්දියන් සාගරය හරහායි. ඉන්දියන් සාගරය දෙස විපරම් කළාම අප සිටින්නේ ඉන්දියාවට පාමුලින්. චීනයට මැදිව. මෙන්න මේ කලාපයේ තමයි ඉන්දියානු සාගරයේ ආර්ථික සංසිද්ධිය සිද්ධ වන්නෙ. එහි මර්මස්ථානය වන්නේ ශ්රී ලංකාවයි. ආසියානු ආර්ථික මර්මස්ථානයේ උපාය මාර්ගික ස්ථානය වන්නේ ශ්රී ලංකාවයි. එනම් තවදුරටත් ප්රකාශ කළොත්, සාගරයේ ක්රියාකාරිත්වය සිදුවන්නෙ නෞකා මගින්. එහිදී අපගේ ක්රියාවලිය වන්නේ බල ශක්තිය බෙදා හැරීමයි. චීනයට අවශ්ය බලශක්තිය එන්නේ ඉන්දියන් සාගරය හරහායි. බල ශක්ති ප්රවාහනය ගුවනින් නෙවෙයි සිදුවන්නෙ. එනිසා තමයි අපි මේ සංකල්පයට ගියේ.
මුලින්ම හිමිකරගත්තෙ මොන වගේ නැවක්ද?
ලෝකයේ ඇති ගෑස් ප්රවාහනය කරන නෞකා අති විශාල ප්රමාණයේ ඒවායි. ඒවා වෙතින් ටොන් 40,000 ක් 50,000 ක් පමණ ගෙන යා හැකියි. නමුත් අපි මේ කලාපයට ඵලදායි වන නෞකා යොදා ගැනීමට කටයුතු කළා. අපේ මුල් නෞකාවේ ටොන් 7000 ක පමණ ගෑස් ප්රවාහනය කළ හැකියි. එය අපි මිලදී ගත්තෙ ජපානයෙන්. මේ නෞකා වසර පහකට වතාවක් සම්පූර්ණයෙන්ම නවීකරණය කළ යුතු වෙනවා. ඒක ලෝක නාවික ගමනා ගමනයේ නීතියක්. අනෙක් නෞකා දෙකත් ඒ විදියයි. ජපානයෙන් මිලදී ගත් ඒවායි.
මේ නැවක වටිනාකම කෙපමණ මුදලක් වුණාද?
ගෑස් චැලෙන්ජර් නැව මුලින්ම අප මිලදී ගත්තෙ (2014) දී පමණ. එය ඩොලර් මිලියන 5.75 ක් පමණ වුණා. 2015 දී ගෑස් සක්සස් නැව අප සතුවුණා. එය ඩොලර් මිලියන 4.4 ක් පමණ වුණා. අලුතින්ම ගත්ත නැව මිලදී ගත්තෙත් ජපානයෙන්. වානිජමය වශයෙන් එය ඇත්තටම වාසිදායක වූ බව කියන්න පුළුවනි. එනිසා මේ නැව් 20 ක් ගන්න යන අරමුණ අහසින් ආ සංකල්පයක් නෙවෙයි. දකුණු ආසියානු කලාපයේ තියෙන ලොකුම ආනයන - අපනයන පර්යන්තය හදන්නෙ හම්බන්තොට වරාය කලාපයේ. 2018 අප්රේල් මාසයෙන් පසුව මේ කලාපයේ ධාරිතාව මෙහෙයවීමට අඩු තරමින් නැව් 20 ක්වත් අවශ්යයි. ඉන්දියන් සාගරය අප රට වටේ තිබුණත් අපට නැව් ඉතා අල්පයි. සිංගප්පූරුව පුංචි රටක් වුණත් නෞකා හිමියන් බොහෝමයි. නැව් බොහෝමයි.
ඒ කියන්නෙ මේ නෞකා නතුකර ගැනීමේ ඔබ සතු සංකල්පය අද ඊයෙක ඔබට ඇතිවූවක් නොවෙයි?
ඇත්තෙන්ම ඔව්. මම මුලින්ම රැකියාව කළේ සාමාන්ය පුහුණුවන්නකු ලෙස ලංකා නැව් සංස්ථාවේ. දියුණු ආර්ථිකයන් දෙකක් මැද තියෙන, රට වටේ මුහුදක් තිබිලත් අපට නැව් නැහැ. පුංචිම සිංගප්පූරුවට නැව් විශාල ප්රමාණයක් සතුයි. අතීතයේදී පරාක්රම රජු නැව් හමුදාවක් රැගෙන බුරුමයට ගිය කතා පවා අපි අහලා තිබුණට වත්මනෙහි එය යථාර්ථයක් වුණේ නැහැ. කවදාහරි අපට ඒ යථාර්ථය ප්රායෝගික කර ගත හැකිය යන අරමුණ නොතිබුණාම නොවෙයි.
මීළඟට ඔබ ගුවන්යානා මිලදී ගැනීමක් කරාවිද?
අප රට තුළ භාවිතයට ගත හැකි, සංචාරක කර්මාන්තයට උචිත ගුවන් යානයක් ගැනීම එතරම් අපහසු දෙයක් නෙවෙයි. එවැනි ගුවන් යානයක් මේ නෞකාවක් තරමට මිල වන්නේ නැහැ. මෙවැනි නෞකාවක් මිලදී ගන්නා මුදලින් එවැනි යානා හතරක් විතර ගත හැකියි. රට ඇතුළෙ පරිහරණය වන එවැනි ගුවන්යානා මෙම නැවක තරමට මිල අධික නැහැ.
ඔබ සතු මෙම නෞකාවල සේවය කරන්නෙත් ශ්රී ලාංකීය සේවක පිරිසක්ද?
සියයට සීයක්ම ශ්රී ලාංකීය ජාතිකයන්. මෙවැනි නැවක නියමුවා ගෑස් ප්රවාහනය ගැන ඉතා පළපුරුදු අයෙකු විය යුතුයි. එමෙන්ම මේ නැව් ගමනා ගමනයේදී භාවිත කරන අපද්රව්ය (කැළිකසළ) මුහුදට දාන්න බැහැ. ඒක තහනම්. ඒ සියලු ආරක්ෂණ කටයුතු ගැන හිතලා තමයි අපි මේ නාවුක කටයුතු සිදුකරන්නෙ. හම්බන්තොට හරහා 2018 දී ලොකුම ගෑස් පර්යන්තය ඉදිවුණාම ලොකු නෞකා වලින් ගෑස් ප්රවාහනය කොට අප සතු කුඩා නෞකා මගින් මේ කලාපය පුරා බෙදාහැරීම වඩා ඵලදායක කටයුත්තක්. දැනට බංග්ලාදේශයේ ස්ථාපිත එරට තෙවැනි විශාලතම ගෑස් සමාගම පිහිටුවීමට අපට හැකිවුණා. ඉදිරියේදී එය තව තවත් පුළුල් කටයුත්තක් කොට රටට වඩා ඵලදායී ශක්තියක්වීම අපගේ පරමාර්ථයයි.
සඳුන් ගමගේ
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
‘අපි අපේ ආදරණීයයන් සමඟ ජීවත් වන්නේ බලාපොරොත්තු සහ සිහින පොදි බැඳගෙනය. ඒත් සුව කළ නොහැකි රෝගයක් ඇතැයි දැනගන්න ලැබුණොත් ඒ සියල්ල අවසන්ය. ඔබ කාන්තාවක නම්,
මෙවර සූර්ය මංගල්යයට තව ඇත්තේ සති කිහිපයකි. සූර්යයා මීන රාශියේ සිට මේෂ රාශියට ගමන් කරනු ලබන්නේ 2024 ක් වූ අප්රේල් මස 13 වැනි ශනිදා රාත්රී 9.05ට වන අතර එම අවස්
මිහිමත සෑම අස්සක් මුල්ලක්ම ගවේෂණය කරමින්, සතුන්ගේ විස්මිත තතු අනාවරණය කරන නවතම වාර්තා වැඩසටහන ‘‘පෝල් ටු පෝල් විත් විල් ස්මිත්’’ ය. මෙම වාර්තා වැඩසටහන්
මීට වසර 20 කට පෙර මුහුණු පොත ආරම්භ වූ ආකාරය දෙස බලන විට ලොව ජනප්රියතම සමාජ මාධ්ය ජාලය බවට පත්වන තෙක් පැමිණි ගමන ඇතැමෙකුට විශ්වාස කිරීමට තරමක් අපහසුය.
බුද්ධිමත් ශක්තිමත් ගැහැනිය සාම්ප්රදායික ස්ත්රී භූමිකාව නමැති වැට කඩුල්ලෙන් කොටු වී සිටින්නේ නැත. එසේ සිටියහොත් තමාට රඟ පාන්නට හැකි වෙනත් භූමිකා ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නැව් තුනක් තියෙන ලාංකික ව්යාපාරිකයා
Asanka Friday, 19 May 2017 02:02 PM
මෙයා නැව් ගත්ත විදිහ ගැන ගොඩක් කටකතා තියනවා
දේශමිත්ර Saturday, 20 May 2017 05:54 AM
අපේ රටේ ව්යාපාරිකයෙකුගේ මේ දියුණුවත් උත්සාහයත් ඉදිරි අපේක්ෂාවනුත් දිහා බැලුවාම ශ්රී ලාංකිකයෙක් සිංහලයෙක් වශයෙන් ලොකු ආඩම්බරයක් ඇති වෙනවා. මේ දිහා කුහකත්වයෙන් බලන්න එපා. පහුගිය කාලයෙ මේ වගේ දියුණු වෙමින් පැවතුන අපේ ව්යාපාර බොහොමයක් කාලකන්නි වාමංශික ව්යාපාර නිසා කඩාකප්පල් වුන බව අමතක කරන්න එපා
Nandalal DE SILVA - France Saturday, 20 May 2017 07:44 AM
"උත්සහවන්තයා ජය ගනී", කියා අපේ වැඩිහිටියන් කිවුවේ කට කහනවට නොවෙයි කියා මේ පුවතින් හොඳට පේනවා. මෙවැනි ව්යාපාරයකට තිබෙන විශාල අභියෝග රැසකට මුහුණ දෙමින් එතුමා පටන් ගත් මේ ව්යාපාරය තව තවත් සාර්ථක වේවා කියා පතමු.
roshan Saturday, 20 May 2017 01:00 PM
මහතාණෙනි , කරුණාකර ඔබේ වෙළදසල් වල මත්පැන් විකිණීම නවත්තන්න. එවිට දෙවියන්ගේද ආරක්ෂාව ලැබී ඔබ තවත් දියුණු වේවි.
SUNIL WIJESENA Saturday, 20 May 2017 05:09 PM
අසංක, කාටද කටකතා පතුරවන්න බැරි ඔයා වුනත් ටිකක් ඉහලට යන්න බලන්න කොතරම් කටකතා කියයිද
R.w suranga ruwan kumara Sunday, 21 May 2017 08:44 AM
මෙවැනි මිනිසුන් අපේ රටට ලොකු ආඩම්බරයක්. ඊරිසියා කිරීම නොව ඔවුන් තව තව දිරිමත් කිරීමයි ලාංකිකයන් වශයෙන් අපි සැම කලයුත්තේ.
susantha Monday, 22 May 2017 07:32 AM
ඕව මොනවද, පාර්ලිමේන්තු වැටුපෙන් නැවු 7,8 ගත්ත ඇමතියෝ ඉන්නේ!