( රේඛා තරංගනී ෆොන්සේකා)


ගෙවල් බිඳුම් රැසකට සම්බන්ධ බව කියන බද්දේගම කැලෑ ජෝන් නැමැති සැකකරුවෙකු හෙරොයින්  සමඟ අද (25) අද ලුනාව ප්‍රදේශයේ දී අත්අඩංගුවට ගත් බව මොරටු පොලිසිය කියයි.

සැකකරු පිළිබඳව ලැබුණු තොරතුරකට අනුව සිදුකළ වැටලීමකදී ඔහු අත්අඩංගුවට ගත් බව පොලිසිය පවසයි. 

මෙම සැකකරු වසර අටක් තිස්සේ අඟුලාන ප්‍රදේශයේ හිතවතෙකුගේ නිවසක රැඳී සිටිමින් දහවල් කාලයේ  වෘත්තිමය වශයෙන් කුලී වැඩවල නිරත වන්නේක් බව සඳහන් කරන පොලිසිය ඔහු රාත්‍රි කාලේ එම නිවාස වලම බඩු සොරකම් කර ඇති බව පොලිසිය කියයි.

ඉදිකෙරෙමින් පවතින නිවාස වල කම්බි උපාංග සහ වාහන බැටරි,ටයර් යකඩ බට මොහු සොරාගෙන ඇති බව පොලිසිය කියයි.

හෙරොයින් භාවිතයට ඉතා දැඩිව ඇබ්බැහි වී සිටින මෙම සැකකරුගේ දිනක හෙරොයින් අවශ්‍යතාවය පැකට් 10ක් 15ක් පමණ වන බව සඳහන් කරයි..

බද්දේගම හෙරොයින් සොයාගැනීම දුෂ්කර බැවින් අගුලාන ප්‍රදේශයට හෙරොයින් සඳහාම පැමිණ පදිංචි වී ඇති බව සඳහන් කරන පොලිසිය ඔහු විවාහක දරු දෙදෙනකුගේ පියෙකු බව පැවසීය.

බද්දේගම ප්‍රදේශයේ ද විවිධ නිවාස බිඳුම් රැසකට සම්බන්ධ වූ පුද්ගලයකු බව සඳහන් කරන පොලිසිය මොහු යුද හමුදාවේ සෙබලෙක් බව පැවසීය.

සැකකරු අද (25) දින මොරටුව අධිකරණයට ඉදිරිපත් කිරීමට නියමිතය.