(ක.ග.කරුණාරත්න)

මෙවර පොසොන් සමයේ පොලොන්නරුවට පැමිණෙන බැතිමතුන්ගේ ආරක්‍ෂාව සඳහා පොලිසියේ 1500 ක පිරිසක් රාජකාරී සඳහා යොදවන බව පොළොන්නරුව ජ්‍යෙෂ්ඨ පොලිස් අධිකාරී ධම්මික වීරසේකර මහතා පැවසීය.

වෙසක් පොහෝ දිනයේ ක‍්‍රියාත්මක කළ ආකාරයටම ඵෙතිහාසික ගල් විහාරය, සෝමාවතිය පුදබිම, දිඹුලාගල ආරණ්‍ය සේනාසනය, මැදිරිගිරිය වටදාගෙය ඇතුළු සියලු පූජනීය ස්ථාන ආවරණය වන පරිදි විශේෂ ආරක්‍ෂක වැඩපිළිලෙක් මෙවරද යොදවන බව ඒ මහතා කීය.

පොසොන් උත්සව සමයේ වන්දනාවේ පැමිණෙන බැතිමතුන් දිය නෑම සඳහා වැඩි වශයෙන් භාවිතා කරන ප‍්‍රධාන වාරි ජලාශ වන පොළොන්නරුව පරාක‍්‍රම පසමුද්‍රය, මීන්නේරිය සහ ගිරිතලේ යන වැවි සඳහාද විශේෂ පොලිස් ආරක්‍ෂාවක් යෙදවීමට සැළසුම් කර ඇතැයිද පොලිස් අධිකාරීවරයා සඳහන් කළේය.

මේ අතර වැව්වල දිය නෑමේදී ආරක්‍ෂා සහිත ස්ථාන හැර වෙනත් ස්ථානවල දිය නෑමෙන් වළකින ලෙසද පොලිසිය මහජනතාවගෙන් ඉල්ලීමක් කරයි.