(රවින්ද්‍ර විරාජ් අබයසිරි)
 
මාතලේ, රත්තොට පිටකන්දවත්තේ වතු නිවාස පේළියක් කඩාවැටීමේ අවදානම් තත්වයක් මතුවීම හේතුවෙන් පවුල් 16ක පුද්ගලයින් 49 දෙනෙකු සහන කඳවුරක් වෙත අද(02) යොමු කළ බව මාතලේ දිස්ත්‍රික් ආපදා කළමනාකරණ මධ්‍යස්ථානය පවසයි.
 
වසර ගනනාවක සිට නිසි නඩත්තුවක් කර නොමැති එම වතු නිවාස පේළිය වර්ෂාවත් සමග බිත්තිපුපුරා කඩා වැටීමේ අවදානම් තත්වයක් පත්ව තිබූ බවද එම මධ්‍යස්ථානය කියයි.
 
අනතුරුව අපදාවට පත්වූවන් පිටකන්ද විද්‍යාලය වෙත යොමුකිරීමට රත්තොට ප්‍රාද්ශීය ලේකම් දිනිප්‍රිය හේරත් මහතාගේ උපදෙස් දී තිබිණි.
 
මාතලේ දිස්ත්‍රික් ලේකම් එස් එම් ජි කේ පෙරේරා මහතාගේ උපදෙස් පරිදි අපදාවට පත්වුවන් සඳහා අවශ්‍ය පහසුකම් ලබාදීමට පියවර ගෙන ඇති බව මාතලේ දිස්ත්‍රික් ආපදා කළමණාකරණ මධ්‍යස්ථාන ප්‍රධානී චමින්ද අමරවීර මහතා වැඩිදුරටත් සඳහන් කළේය.