(ජී.ඩබ්ලිව්.කේ.ප්‍රේමතිලක ද සිල්වා)

ගංජා පැකට් 53 ක් සමඟ එකම පවුලේ සහෝදරයින් දෙදෙනෙක් අද (29) මාකුඹුර කොට්ටවදී අත්අඩංගුවට ගත් බව යක්කලමුල්ල පොලිසිය කියයි.

මෙම ගංජා පැකට් සැකකරුවන්ට අයත් යතුරු පැදියක සහ ඔවුන්ගේ  නිවස තුළ සඟවා තිබියදී පොලිසිය සොයා ගෙන ඇත.

මෙම එක් ගංජා පැකට්ටුවක් රුපියල් 500 ක් ලෙස අලෙවි කරන බවද සැකකරුවන්ගෙන් පොලිසිය සිදුකළ ප්‍රශ්න කිරීමේදී අනාවරණය වී තිබේ.

සැකකරුවන් දෙදෙනා කාලයක් තිස්සේ මෙම ජාවාරම සිදුකර ඇති බව පොලිස් විමර්ෂණයේදී හෙළිවූ බවද පොලීසිය කීය.

අවුරුදු  20 ත් 21 ත් යන වයස් කාණ්ඩවල පසුවන සැකකරුවන් දෙදෙනා සහ අත්අඩංගුවට ගත් ගංජා තොගය හෙට (30) ගාල්ල මහෙස්ත්‍රාත් අධිකරණයට ඉදිරිපත් කිරීමට නියමිතය.