අනතුරකින් පසු හෘදයාබාධයක් ඇතිවී ත්‍රීරෝද රථ රියදුරෙක් මරුට
(ශාන්ත ප්‍රදීප් කුමාර කුලරත්න)
මෝටර් රථයක් ත්‍රී රෝද රථයක ගැටී සිදු වූ අනතුරත් සමඟ රියදුරන් දෙදෙනා අතර බහින් බස් වීමක් ඇති වී එය දුරදිග ගොස් ත්‍රී රෝද රථ රියදුරුට ඇති වූ හදිසි හෘදයාබාධයක් හේතුවෙන් අද (13) මියගොස් ඇතැයි හෝමාගම පොලිසිය පවසයි.
මෙසේ මියගොස් ඇත්තේ පන්නිපිටිය නවදගල පදිංචි නිහාල් භාරත නැමැති 68 හැවිරිදි පුද්ගලයෙකු බව පොලිසිය කියයි.
මරණකරු තම ත්‍රී රෝද රථයෙන් කුලි ගමනක් යාම සඳහා නිවසින් පිටත්ව යන අතරතුරදී මෝටර් රථයක් ත්‍රී රෝද රථයේ ගැටී අනතුරක් සිදුව ඇතැයි පොලිසිය කියයි.
ත්‍රී රෝද රථයට වූ හානිය රක්ෂණ වන්දියක් හරහා සාදා ගන්නා ලෙස මෝටර් රථ රියදුරු පැවසීමත් සමඟ දෙදෙනා අතර බහින් බස් වීමක් ඇති වී එය දුරදිග යාමත් සමඟ එකවරම ත්‍රී රෝද රථ රියදුරුට හෘදයාබාධයක් ඇති වී ඇතැයි පොලිසිය පවසයි.
ඒ සමඟම ත්‍රී රෝද රථ රියදුරු හෝමාගම රෝහලට ඇතුළත් කිරීමට යාමේදී මෙසේ මියගොස් ඇතැයි පොලිසිය පැවසීය.
අනතුරට සම්බන්ධ මෝටර් රථ රියදුරු අත්අඩංගුවට ගෙන ඇති අතර හෙට (14) හෝමාගම අධිකරණයට ඉදිරිපත් කිරීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
