(ජේ.කේ.එල්. චාමින්ද)
 
දාසය හැවිරිදි බාලවයස්කාර දැරියක, ගැබිනියක බවට පත්කළ තිදරු පියෙකු අද (18) අලුයම අත්අඩංගුවට ගත්බව  පිටිගල පොලිසිය  පවසයි.
 
වසරකට පමණ ඉහතදී මෙම තිදරු පියා දැරියව වරින් වර අපයෝජනය කර ඇති බැව් පොලිසිය පවසයි. දැරිය අපයෝජනය වනවිට ඇගේ වයස අවුරුදු 15 මාස හයක් බව පොලිස් පරීක්ෂණවලදි අනාවරණය වී ඇත.
 
සැකකරු 40 හැවිරිදි වියේ පසුවන තිදරු පියෙකු වන අතර ඔහු දැරියගේ ළගම ඥාතිවරයෙකු බව පොලිසිය පවසයි. 
 
මෙකි දැරියට ඇති වූ අසනීප තත්ත්වයටකට ප්‍රතිකාර ලබාගැනීමට වෛද්‍යවරයකු වෙත ගිය විට කළ පරීක්ෂණයකදී  ඇය පස්මස්  ගැබිනියක බව හෙළි වී ඇත.
 
මේ සම්බන්ධව දැරියගේ මව පොලිසියට පැමිණිලි කිරීමෙන් පසුව සැකකරුව අත්අඩංගුවට ගෙන ඇත.
 
සැකකාර තිදරු පියා අද (18) අධිකරණයට ඉදිරිපත් කිරීමට නියමිතව ඇත.