(ජයන්ත සමරකෝන්)

සිය ඉල්ලීම්වලට විසඳුමක් නොලැබුණහොත් 24 දින සිට අඛණ්ඩ වැඩවර්ජනයක නියැලීමට ශ්‍රී ලංකා පරිපාලන සේවා සංගමය හා රජයේ විධායක නිලධාරීහු  තීරණය කර ඇතැයි එම සංගම් පවසති.

මෙම සේවාවන්ට රුපියල් 50000 ක දීමනාවක් ලබා දීමට ගත් තීරණයට එරෙහිව රාජ්‍ය සේවා වෘත්තීය සමිති එකමුතුව 23 වැනිදා ලෙඩ නිවාඩු දමා සේවයට වාර්තා නොකරන බව එහි කැඳවුම්කරු උදේනි දිසානායක මහතා පැවැසීය.

ශ්‍රී ලංකා පරිපාලන සේවා සංගමයේ ලේකම් රෝහණ ද සිල්වා මහතා පැවසුවේ සිය වැටුප් විෂමතා සම්බන්ධව මුදල් අමාත්‍යාංශයේ නිරීක්ෂණ මෙම මස 23 වැනිදා අමාත්‍ය මණ්ඩල අනු කමිටුය වෙත යැවීමට අද පැවැති සාකච්ඡාවකදී ඇමති රංජිත් මද්දුම බණ්ඩාර මහතා එකග වු බවය.

රජයේ විධායක නිලධාරීන්ගේ එක්බද්ධ කමිටුවේ ප්‍රධාන ලේකම් එච්.ඒ.එල් උදයසිරි මහතා කියා සිටියේ  සිට වැටුප් විෂමතා වලට මෙම මස 24 වැනිදා විසඳුම් ලබා දීමට අමාත්‍යවරයා පොරොන්දු වී ඇති බැවින් 23 වැනිදින ආරම්භ කිරීමට තීරණය කර තිබූ එක්දින සංකේත වැඩවර්ජනය අත්හල බවයි.