ඉරානයේ හමුදා ප්‍රකාශනයක් උපුටා දක්වමින් යුක්රේනියානු ගුවන් යානයට වෙඩිතැබූ බව ඉරානයේ රාජ්‍ය රූපවාහිනී සේවාව ප්‍රකාශ කරයි. එය මානව අත්වැරදීමක් බවද කියැවේ. මෙම ගුවන් යානයේ මගීන් 167 දෙනකු සහ කාර්ය මණ්ඩලයේ 9 දෙනෙක් ගමන් ගත් අතර යානය වෙඩි වැදී බිම හෙළීමෙන් ඒ සියලු දෙනාම මිය ගියහ. මෙම ගුවන් යානයට වෙඩි තැබූ බව ඉරානය දිගින් දිගටම ප්‍රත්ක්ෂේප කළ නමුත් අවසානයේදී “මානය අත්වැරදීමක්“ වශයෙන් එය පිළිගැනීමට ඉරානයට සිදුවිය. ඉරාන රජය ඒ සම්බන්ධයෙන් විපතට පත් මගීන්ගේ පවුල් වලින් සමාව අයැද සිටී. යුක්රේනයේ අන්තර්ජාතික ගුවන් සේවයට අයත්, බෝයිං 737 වර්ගයේ ගුවන් යානය යුක්රේනයේ අගනුවර වන කයිවි නගරය වෙත පියාසර කිරීම සඳහා ගමන් ඇරඹූවා පමණි. මෙම ගුවන් යානයට වෙඩි තැබූ බව ඉරානය දිගින් දිගටම ප්‍රතික්ෂේප කළ නමුත් ඔත්තුසේවා තොරතුරු මගින් එක්සත් ජනපදය සහ කැනඩාව කියා සිටියේ ඉරානය ස්ථිර වශයෙන්ම යානයට වෙඩි තැබූ බවයි. මම ගුවන් යානයේ ඉරාන ජාතිකයෝ 82 දෙනෙක්, කැනේඩියානු ජාතිකයෝ 63 දෙනෙක් සහ යුක්රේන ජාතිකයෝ 11 දෙනෙක් සිටියහ. යානය කඩාවැටුණ ස්ථානයේ මිසයිල කොටස් දක්නට තිබුණ බවද කියැවේ. එහෙත් යුක්රේන විමර්ශකයන් එහි ළඟාවීමට පෙර යානයේ සුන්බුන් ඉවත් කරන ලදි.