නව කොරෝනා වයිරසයේ මූලාශ්‍රය සොයාගැනීම සඳහා ගන්නා ඕනෑම ජාත්‍යන්තර ක්‍රියාමාර්ගයකට චීනය විවෘත යැයි එරට විදේශ අමාත්‍ය වැන්ග් යී අද (24) පැවැසීය.
 
ජාත්‍යන්තර සහයෝගීතාව ඇතිව නව කොරෝනා වයිරසයේ හඳුනාගැනීම සඳහා කෙරෙන ඕනෑම විමර්ශනයකට චීනය සහාය දෙන බව ද හෙතෙම කීය.

කෙසේ නමුත් එම ඕනෑම විමර්ශනයක් ‘‘දේශපාලන මැදිහත්වීම්වලින්’’ තොරව සිදුවිය යුතු යැයි ද ඔහු කීය.
 
චීන විදේශ කටයුතු අමාත්‍යාංශයේ පැවැති මාධ්‍ය හමුවකට එක්වෙමින් ඔහු ඒ බව සඳහන් කළේය.
 
වයිරසයේ ආරම්භය සම්බන්ධයෙන් අසත්‍ය තොරතුරු නිර්මාණය කරමින් චීනයේ කීර්තිනාමයට හානි කිරීමට ඇමෙරිකා එක්සත් ජනපදයේ ඇතැම් දේශපාලනඥයන් උත්සාහ කරන බව ද චීන විදේශ අමාත්‍යවරයා වැඩිදුරටත් කීවේය.
 
ඒ.එෆ්.පී.
 
055