ගාල්ල ලබුදූව උසස් තාක්ෂණ ආයතනයේ සිසුන් දෙදෙනකු විසින් ශරීර ස්කන්ධ දර්ශකය මැනීමේ නව උපකරණයක් නිපදවා ඇත. මෙම උපකරණයේ විශේෂත්වය වන්නේ පුද්ගලයකුගේ බර හා උස එකවර මැන ගැනීමට හැකි වීමයි.

කරාපිටිය රෝහලට අවශ්‍යව තිබූ උපකරණයක් වන මෙය රෝහල් අධ්‍යක්ෂක වෛද්‍ය ෂෙල්ටන් පෙරේරා මහතාගේ උපදෙස් මත නිපදවා ඇත්තේ ජේ. කේ. අශංක දිල්ශාන් හා ජී. එච්. ඩිලාන් චානක යන සිසුන් දෙදෙනාය. ඔවුහු ලබුදූව උසස් තාක්ෂණ ආයතනයේ විදුලි ඉංජිනේරු ඩිප්ලෝමාව හදාරති. 

නිර්මාපකයෝ මෙසේ පැවසූහ. “මෙවැනි උපකරණයක් විදේශ රටකින් ආනයනය කිරීම සඳහා රුපියල් දෙලක්ෂ හැත්තෑපන්දහසක් පමණ වැයවනවා. ඒත් මේ නිර්මාණයට වැයවූයේ රුපියල් දොළොස්දහසක පමණයි. ඉදිරියේදී ස්වයංක්‍රීය ඖෂධ ගණනය කිරීමේ යන්ත්‍රයක්ද නිපදවීමට අප බලාපොරොත්තු ‍වෙනවා.  උපකරණය නිපදවීමේදී රෝහලේ මහජන සම්බන්ධතා නිලධාරී රංජිත් ජයසිංහ මහතා ද අපට උපකාර කලා.“

පසුගියදා මෙම උපකරණය රෝහලේ නියෝජ්‍ය අධ්‍යක්ෂ වෛද්‍ය සී. ඩී. පතිරගේ මහතාට බාරදීම සිදුවිය.

unnamed-(2)-(2) unnamed-(8)