යුරෝපීය නිරීක්ෂණ යානයක් මගින් බදාදා(19) අඟහරු ග්‍රහයා වෙත ස්කැපරෙල්ලි නම් නැවතුම් දැරුමක් ගොඩ බැස්වීමට නියමිතව තිබූ නමුත් එම උත්සාහය සාර්ථක වූයේ දැයි යන්න සම්බන්ධව සැක පහළ වී තිබෙන බව විදෙස් මාධ්‍ය වාර්තා කරයි. රතු ග්‍රහයාගේ පෘෂ්ඨය මත පතිත වීමට සුළු වේලාවකට පෙර නැවතුම් දැරුමේ රේඩියෝ සංඥා බිඳ වැටුණු බව වාර්තා වේ.

මෙම වසරේ මාර්තු මාසයේ අභ්‍යාවකාශ ගත කරන ලද යානයෙන් පසුගිය 16 වැනි දා මෙම නැවතුම් දැරුම වෙන්වී අඟහරු පෘෂ්ඨය වෙත ගමන් කර ඇත.

යුරෝපීය අභ්‍යාවකාශ මධ්‍යස්ථානය පවසන්නේ  අඟහරු පෘෂ්ඨය මත දැරුම ගැටීමේදී  විනාශවී ගියේ දැයි යන්න ගැන සොයා බලන බවයි. අඟහරු ග්‍රහයා වටා ස්ථානගත කැර ඇති චන්ද්‍රිකා මගින් ස්කැපරෙල්ලි සම්බන්ධ කර ගැනීමට දැරූ උත්සාහයන් ද නිශ්ඵල වී ඇත. අවසන් විනාඩියේදී සිදු වූ දේ හා ප්‍රමාද දෝශයක් සිදුවූයේ කෙසේද යන්න සම්බන්ධව  පරීක්ෂණ දියත් කර ඇති බව ජර්මනියේ ඩ්‍රැම්ස්ටැඩ්හි ඊසා පාලක මධ්‍යස්ථානයේ මෙහෙයුම් අධ්‍යක්ෂ පෝලෝ ෆෙරී පවසයි. සිදුවීම සම්බන්ධව අදහසක් ප්‍රකාශ කිරීමට දින කිහිපයක් ගත වීමට ඉඩ ඇති බවද ඔහු පවසා ඇත.

2020දී අඟහරු මත සිදුකිරීමට නියමිත රෝවර් මෙහෙයුමට පෙර සූදානම් සකස් කිරීම සඳහා මෙම යානය අඟහරු වෙත යවා ඇත.

_91991837_untitled ExoMars-Schiaparelli-lander-ESA-1024x675 images-(4)-(1)