මාස 30 ක් පුරා දිවෙන සිරියාවේ සිවිල් යුද්ධය නිසා  මේ වන විට ළමයින් 11000 කට ආසන්න සංඛ්‍යාවක් මරු දැක ඇතැයි නවතම පර්යේෂණ වාර්තාවකින් හෙළිවී තිබේ.

බ්‍රිතාන්‍යයේ ඔක්ස්ෆර්ඩ් පර්යේෂණායතනය සකස් කර ඇති මෙම වාර්තාවට අනුව ළමුන්ගෙන් බහුතරය මියගොස් ඇත්තේ යුද වැදී සිටින දෙපාර්ශවය අතර වෙඩි හුවමාරු වලට මැදිවය.

ළමයාට  දී ඝාතනය කරනු ලැබ ඇති අවස්ථාද බොහෝ වන බව පර්යේෂණ වාර්තාවේ දැක්වේ.මෙසේ ඝාතනයට ලක්ව ඇත්තේ වයස අවුරුදු 13 සිට 17 දක්වා වන ළමුන් බව සදහන්ය.

ඉලක්කයට වෙඩි තබන්නන් (ස්නයිපර්) ළමුන් ඝාතනය කිරීමට ඉහළින්ම හවුල් වී ඇතැයි වාර්තාවේ සදහන්ය.තමන්ගේ දර්ශන පථයට දරුවෙකු වේ නම් ඔහුව හෝ ඇයව ක්ෂණිකයෙන් වෙඩි තබා මරා දමන්නට තරම් මෙම පුද්ගලයින් සැහැසි වී ඇතැයි කියැවේ.

තවද පසුගිය සමයේ වාර්තා වූ රසායනික අවි ප්‍රහාරයට ලක්වද ළමුන් 128 දෙනෙකු මියගොස් තිබේ.

ජනපති අසාඩ්ගේ හමුදාවන් හෝ කැරළිකරුවන් සාධාරණීකරණය කරන්නට උත්සාහ කරනවාට වඩා වැඩි වැඩකොටසක් ලෝක බලවතුන්ට කිරීමට ඇති බව සිරියාවේ වත්මන් තත්ත්වය නිරීක්ෂණය කිරීමෙන් පෙනේ.