දිනපතා සිගරට් බීම හා විස්කි වීදුරුවක් බීමෙන් දීර්ගායුෂ ලබා ගත් මහළු කතක් එංගලන්තයේ සිටියි. ඇය 100 හැවිරිදි ඩොරොති හොවේ නම් විශ‍්‍රාමික ලේඛිකාවකි.

ඩොරොති, ඇයට අවුරුදු 16 සිට දිනකට සිගරට් 15 ක් බීමට ඇබ්බැහි වී සිටියි.

ඒ අනුව ගණන් බලන විට ඇය අවුරුදු 84 ක් පුරා සිගරට් 460000 ක් පමණ පානය කර ඇත. සිගරට් මිල වැඩි වීමත් සමග මෙම පුරුද්ද අත්හරින බව ඇය සිතුවත් දැන් ඇයට එයින් කිසිසේත් මිඳිය නොහැක.

ඇය අවුරුදු 100 ක් ජීවත් වීමේ රහස මෙලෙස දුම් පානය කිරීම හා මත්පැන් පානය කිරීම බව ඇය විශ්වාස කරයි. එසේම මෙම පුරුද්දෙන් මිදුණොත් ඇය එක දිනයක්වත් ජීවත් නොවන බව වෛද්‍යවරු පවසයි.

මීට වසර 26 කට පෙර පිළිකාවක් නිසා ඇගේ සැමියා මිය ගොස් ඇත. එතැන් පටන් තනිව ජීවත් වන ඇය තම දෛනික කාර්යයන් සියල්ලක්ම තනිවම ඉටු කර ගනී. කොපමණ වයසට ගියත් තමා යහපත් මානසික තත්ත්වයකින් පසුවන බවත් වැලමිටි, දණහිස් පවා හොඳින් කි‍්‍රයා කරන බවත් ඇය පැවසීය. 

මෑතකදී සැමරූ ඇගේ 100 වන උපන්දිනය වෙනුවෙන් දෙවන එළිසබෙත් රැජින උපන් දින සුබ පැතුම් පතක් එවමින් සුබ පැතුම් එක් කර තිබිණ.