‘‘සතුට‘‘ වෙනුවෙන්ම අමාත්‍යංශයක් ඇති කිරීමට වෙනිසියුලා  රජය සැරසේ.

‘‘උත්තරීතර සතුටේ අමාත්‍යංශය‘‘ යන නම් වන මෙම අමාත්‍යංශයේ මුල් පුටුව හෙබවීමට වෛද්‍ය ක්ෂේත‍්‍රයට සම්බන්ධ පුද්ගලයෙකු තෝරාගැනීමට අපේක්ෂිත බව සදහන්වෙයි.

නව අමාත්‍යංශය ජනපති නිකලස් මදුරෝගේ සංකල්පයකට අනුව ඇති කෙරෙයි.හිටපු ජනපති හියුගෝ චාවේස් සැළසුම් කර තිබූ දරිද්‍රතාව දුරලීම වෙනුවෙන් වූ වැඩසටහන් සියල්ලක්ම මෙම අමාත්‍යංශය යටතේ කි‍්‍රයාවට නැංවීමට නියමිතය.

තෙල් සම්පතින් පරිපූර්ණ වුවත් තවමත් වෛද්‍ය හා ආහාර පහසුකම් සපුරා ගැනීම වෙනිසියුලාවට ගැටලූවකි.උද්ධමනය පවතිනුයේ ඉතා ඉහළ අගයක වන අතර ඇමරිකා ඩොලරයක අගයද පෙර තිබු අගය මෙන් හත් ගුණයකින් පමණ ඉහළ ගොස් තිබේ.

මුලින්ම යටිතල පහසුකම් වැඩිදියුණු කර වෙනිසියුලාවේ බහුතර ජනතාවට පහසුකම් සැළසීම ජනපති නිකලස් මදුරෝගේ අරමුණ බව පෙනේ.