ලොව වයස්ගතම පියා ලෙස වාර්තා තැබූ රාම්ජිත් රගාව්ගේ (97) අවුරුදු 3ක් වයසැති වැඩිමහල් දරුවා වික‍්‍රමජීත් අතුරුදන් වී ඇතැයි වාර්තා වේ.

දරුවා මීට දින කිහිපයකට පෙර මව සමග බෙහෙත් ගැනීමට රෝහලට යන අතරතුර මේ සිද්ධියට මුහුණ දී තිබේ. මහන්සිය නිසා ඇයට බසයේ නින්ද ගිය බවත් විනාඩි 15කින් පමණ ඇහැරී බලන විට ඇයගේ අතේ සිටි දරුවා නොසිටි බවත්  ඇය පැවසුවාය. දරුවා කවුරුන් හෝ පැහැරගෙන ඇතැයි ඔවුන් සැක පළ කරයි.

දරුවාගේ අතුරුදහන් වීමත් සමග ඔවුන් ඉතා අසරණ වී ඇති බව සදහන්ය. ”අපි එයාව හැමතැනම හොයනවා. මම අසරණ වෙලා. එයා අපේ පළමු දරුවා. අපිට ඔහු නැතිවෙච්ච දවසෙ ඉදන් කෑමක් නෑ. නිදාගත්තෙ නෑ. මම ඔහු ගැන බයයි.” යනුවෙන් රගාව් පවසා ඇත. දරුවා ලැබෙන තුරු ඔහුට සැනසිල්ලේ මැරණයට පත්විය නොහැකි බවත් ඔහු පවසයි.සෑම පොලිසියක්ම දරුවා ගැන සෝදිසියෙන් සිටින බවත් ඔහු සොයා ගැනීමට උපරිමයෙන් වෙහෙසෙන බවත් දිල්ලි පොලීසිය පවසා ඇත. 

රගාව් ලොව වයසුගතම පියා ලෙස වාර්තාගත වූයේ පසුගිය ඔක්තෝබර් මාසයේ ඔහුට අවුරුදු 96දී ඔහුගේ බිරිද සකුන්තලා ඔවුන්ගේ දෙවන දරුවා රන්ජීත් (මාස 9) බිහි කිරීමෙන් පසුවයි.