රුසියානු කාන්තාවක අතින්, ලිබියානු හමුදා නිලධාරියකු ඝාතනය වීමේ සිදුවීමක් මුල්කොට ගනිමින්, ලිබියාවේ ටි‍්‍රපොලි අගනුවර පිහිටි රුසියානු තානාපති කාර්යාලය ඉදිරිපිට ඊයේ (3) විරෝධතා රැලියක් පැවැත්විණි.

විරෝධතා පුවරු අතැතිව සිටි පිරිස කලහකාරීව හැසිරෙමින්, තානාපති කාර්යාල ගොඩනැගිල්ලට කඩා වැදීමට ද උත්සහ කළහ. ආරක්ෂක අංශ මැදිහත් වී ඔවුන් පලවා හැරිය බව ලිබියානු පුවත් සේවා වාර්තා කර තිබේ.

විරෝධතාකරුවන් තානාපති කාර්යාලය ඉදිරිපිට නවතා තිබූ මෝටර් රථවලට ද පහර දී හානි සිදු කර ඇතැයි ද පැවැසෙයි.
විරෝධතාකරුවන් තානාපති කාර්යාල ගොඩනැගිල්ල වට කළ අවස්ථාවේදී, ලිබියානු ආරක්ෂක අංශ වහා කි‍්‍රයාත්මක වී, තානාපති නිලධාරීන්ට ආරක්ෂාව දීමට කටයුතු කළේය.

විරෝධතාකරුවන් පලවා හැරීමෙන් පසු, ලිබියානු අගමැති අලීසෙයිඩාන් මෙන්ම, විදේශ කටයුතු ඇමැති මොහොමඞ් අබ්දෙලාසිස් ද රුසියානු තානාපති කාර්යාලයට ගොස් සිදුවුණු අලාභ හානි ගැන විමසා ලැබූ බව ද වාර්තා වේ.

 

විරෝධතාවට එක්වූ පිරිස